សៀមរាប៖ នៅមុននេះបន្តិច ឯកឧត្តម ដួង តារា អនុរដ្ឋលេខាធិការ ទីស្តីការគណៈរដ្ឋមន្ត្រី និងជាជំនួយការផ្ទាល់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឯកឧត្តមបានរៀបរាប់នៅលើបណ្តាញសង្គមហ្វេសប៊ុកយ៉ាងដូច្នេះថា?។
ទន្ទឹមនឹងការជូនពរ សូមបងប្អូនប្រុងប្រយ័ត្នថែរក្សាសុខភាពកុំអោយឆ្លងកូវីដ១៩អោយសោះ ជាពិសេសបងប្អូនត្រូវចូលរួមអនុវត្តតាមការអំពាវនាវរបស់ សម្តេចតេជោនាយករដ្ឋមន្រ្តី ដើម្បីទប់ស្កាត់ការចម្លងទៅកាន់សហគមន៍។ ពិតណាស់ យើងមិនត្រូវមើលស្រាល និងធ្វេសប្រហែសអំពីការរីករាលដាលជំងឺកូវីដ១៩ឡើយ ហើយក៏មិនត្រូវគិតថាគ្មានអ្វីកើតឡើងដែ។
ដូចប្រសាសន៍ណែនាំរបស់ សម្តេចតេជោ កាលពីព្រឹកមិញ គឺយើងត្រូវតាំងខ្លួនជាអ្នកចាញ់ និងជាអ្នកខ្លាចកូវីដ គឺត្រូវពាក់ម៉ាស់ លាងដៃជាមួយសាប៊ូ ជែល ឬទឹកអាល់កុល រក្សាគម្លាតសង្គម គឺដើម្បីការពារខ្លួនឯងផង និងដើម្បីការពារក្រុមគ្រួសារផង និងអ្នកដទៃផង ទើបយើងយកឈ្នះលើកូវីដ១៩បាន ។
បើបងប្អូនដឹងខ្លួនថាបានប្រាស្រ័យទាក់ទងជាមួយអ្នកដែលមានការសង្ស័យថាមានកូវីដ១៩ សូមទៅធ្វើតេស្តពិនិត្យកូវីដ១៩ អោយបានឆាប់រហ័ស ជៀសវាងដេកអោបមេរោគកូវីដដោយស្មានៗ ដែលវានឹងបំផ្លាញខ្លួនឯងផ្ទាល់ផងនិងមនុស្សក្នុងគ្រួសារយើងផង ហើយបន្តរាលដាលដល់អ្នកដទៃក្នុងសហគមន៍កាន់តែច្រេីន។ ក្នុងព្រឹត្តិការណ៍សហគមន៍ ២៨វិច្ឆិកា ២០២០ នេះ គឺបងប្អូនទៅពិនិត្យសុខភាពដោយគ្មានការតម្រូវអោយបង់ប្រាក់អ្វីឡើយ។ ហើយបើត្រូវធ្វើចត្តាឡីស័ក ក៏មិនមានការបង់ប្រាក់អ្វីទេ។
រាជរដ្ឋាភិបាលដែលមានសម្តេចតេជោជាប្រមុខមិនបណ្តោយអោយបងប្អូនដែលជាប់ធ្វើចត្តាឡីស័កអត់អាហារទទួលទានឡើយ។ ចំពោះបងប្អូនដែលគ្មានចំណូលក្នុងពេលធ្វើចត្តាឡីស័ក គឺនឹងទទួលបានប្រាក់ឧបត្ថម្ភក្នុង១គ្រួសារ២ម៉ឺនរៀល។ យេីងត្រូវចូលរួមទាំអស់គ្នាក្នុងពេល១៥ថ្ងៃនេះ ដេីម្បីកុំអោយកូវីដ១៩ឆ្លងជ្រៀតចូលក្នុងសហគមន៍។ ទន្ទឹមនឹងនេះ យេីងក៏មិនត្រូវស្អប់ឬរេីសអេីងចំពោះអ្នកដែលមានកូវីដ១៩ វិជ្ជមាន និងអ្នកដែលកំពុងធ្វេីចត្តាឡីស័កឡេីយ។
សូមបារមីអង្គរ និងបារមីព្រះអង្គចេកព្រះអង្គចមថែរក្សាការពារសម្តេចទាំងទ្វេ និងប្រជាលរដ្ឋកម្ពុជាជៀសផុតពីកូវីដ១៩ នឹងបានសុខសប្បាយចម្រុងចម្រេីនទូទាំងប្រទេស។ យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម នឹងសូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕
No comments:
Post a Comment