www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

​យុវជន​វៀតណាម​ម្នាក់ ត្រូវបានចាប់ខ្លួន ក្នុង​អំពើ​ឃាតកម្ម សម្លាប់​យុវតី​វៀតណាម អាយុ​១៣​ឆ្នាំ​

សៀមរាប៖កម្លាំង​នគរបាល​ខេត្ត នៅ​រសៀល​ថ្ងៃទី​១៤ ខែមេសា ឆ្នាំ​២០២១ បាន​ចាប់ខ្លួន ជនសង្ស័យ​ម្នាក់ ក្នុង​អំពើ​ឃាតកម្ម សម្លាប់​យុវតី​វៀតណាម អាយុ ១៣ ឆ្នាំ​។​លោក​វរសេនីយ៍ឯក ណុប សារ៉ាក់ ស្នងការ​ង​ទទួល​ការងារ ព្រហ្មទណ្ឌ​កំរិតធ្ងន់ បានអោយដឹងថាៈ ប្រតិបត្តិការ​នេះ ក្រោម​ការចង្អុលបង្ហាញ ពី​លោក​ឧ​ត្ត​ម​សេនីយ៍​ទោ ទិ​ត្យ ណា​រ៉ុង ស្នងការ​នគរបាល​ខេត្ត ដឹកនាំ​ដោយ​លោក ឧ​ត្ត​ម​សេនីយ៍​ត្រី ភឹង ចិន្តា​រ៉េត ស្នងការ​ង​ទទួល​ផែន​ព្រហ្មទណ្ឌ ឈានដល់​ការចាប់ខ្លួន ជនសង្ស័យ​ម្នាក់​។​លោក​បាន​បន្តថាៈ កាលពី​ថ្ងៃទី​១៣ ខែមេសា ឆ្នាំ​២០២១ វេលា​ម៉ោង ១៤:០០ នាទី ត្រង់ចំណុច​ភូមិ​មាត់​ខ្លា ឃុំ​អន្លង់​សំណរ ស្រុក​ជីក្រែង ខេត្តសៀមរាប មាន​ករណី​ឃាតកម្ម​លើ ជនរងគ្រោះ ឈ្មោះ វៀង ធី​គឹម​មួយ ភេទ​ស្រី អាយុ ១៣ ឆ្នាំ ជនជាតិ​វៀតណាម រស់នៅ​ភូមិ​កើតហេតុ ខាងលើ ត្រូវបាន​ជនសង្ស័យ វ៉ៃ​ចំក្បាល បណ្តាលអោយ ស្លាប់​។​

​ក្រោយពេល​ធ្វើការ​ស្រាវជ្រាវ និង​ស៊ើបអង្កេត យើង​បានធ្វើការ​ឃាត់ខ្លួន ជនសង្ស័យ ១​នាក់ ឈ្មោះ ង្វៀន វ៉ាន់​ហ៊ាន ភេទ​ប្រុស ជនជាតិ​វៀតណាម អាយុ ១៦​ឆ្នាំ រស់នៅ​ភូមិ​មាត់​ខ្លា ឃុំ​អន្លង់​សំណរ ស្រុក​ជីក្រែង ខេត្តសៀមរាប​។ ឆ្លងកាត់​ការសាកសួរ​ជន សង្ស័យ​បាន​ឆ្លើយ​សារភាពថា ខ្លួន​ពិតជា​បានធ្វើ សកម្មភាព ករណី​ខាងលើនេះ ពិតប្រាកដ​មែន ដោយ​ខឹង​នឹង​ជនរងគ្រោះ ជេរប្រមាថ ទើប​រូបគេ​ខឹង ក៏​យក​ញញួរ វ៉ៃ​ជនរងគ្រោះ ចំក្បាល បណ្តាលអោយ​ស្លាប់​តែម្តង ។​

​លោក​ស្នងការរង បានបញ្ជាក់​ថាៈ ក្រោយ​ស្តាប់​ចម្លើយសារភាព លោក​បានអោយ កម្លាំង​ជំនាញ បានរៀបចំ សំណុំរឿង ដើម្បី​បញ្ជូន​ជនសង្ស័យ ទៅ​អយ្យការ អម​សាលាដំបូង​ខេត្តសៀមរាប នៅ​ថ្ងៃទី​១៥ ខែមេសា នេះ ចាត់ការ ទៅតាម​នីតិវិធី​ច្បាប់ ៕/V​

       

Post a Comment

0 Comments