www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

លោកជំទាវកិត្តិសង្គហបណ្ឌិត ម៉ែន សំអន បានផ្តល់ស្បៀងជូនប្រជាពលរដ្ឋទីទាល់ក្រ និងប្រជាពលរដ្ឋកំពុងធ្វើចត្តាឡីស័ក ចំនួន ១០០គ្រួសារ និងប្រគេនទៀនព្រះវស្សា ៣វត្ត ខេត្តស្វាយរៀង


ស្វាយរៀង៖លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានផ្តល់ស្បៀងជូនប្រជាពលរដ្ឋទីទាល់ក្រ និងប្រជាពលរដ្ឋកំពុងធ្វើចត្តាឡីស័ក ចំនួន ១០០គ្រួសារ និងប្រគេនទៀនព្រះវស្សា ទេយ្យវត្ថុដល់ព្រះសង្ឃ គង់ចាំព្រះវស្សា ៣វត្ត ស្ថិតនៅក្នុងភូមិត្របែកប្រហោង សាលាស្រុកស្វាយជ្រំ ខេត្តស្វាយរៀង នាព្រឹកថ្ងៃអាទិត្យ ៣រោច ខែបឋមាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៧ខែមិថុនា ឆ្នាំ២០២១។ថ្លែងក្នុងឱកាសនោះ លោកជំទាវក៏បានកោតសសើរចំពោះកិច្ចខិតខំប្រឹងប្រែងរបស់រដ្ឋបាលខេត្ត និងរដ្ឋបាលស្រុកដែលបានបំពេញការងារស្នូល ក៏ដូចជាការចូលរួមទប់ស្កាត់ការឆ្លងរីករាលដាលកូវីដ១៩នៅទូទាំងខេត្តបានយ៉ាងល្អ ។ 

លោកជំទាវក៏បានសំណូមពរឲ្យ ឯកឧត្តម ម៉ែន វិបុល គណៈអភិបាលខេត្តស្វាយរៀងត្រូវពង្រឹងវិធានការចត្តាឡីស័កនៅតាមបន្ទាត់ព្រំដែន និងការពង្រឹងវិធានការរដ្ឋបាលចាំបាច់នានា ដើម្បីទប់ស្កាត់ការរីករាលដាលជំងឺកូវីដ១៩ បំប្លែងខ្លួនថ្មីប្រភេទដែលតាក្នុងសហគមន៍ (ត្រូវយកចិត្តទុក្ខដាក់ខ្ពស់ចំពោះប្រជាពលរដ្ឋដែលធ្វើដំណើរឆ្លងកាត់ព្រំដែន) ស្របតាមអានុសាសន៍របស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។  ចំណែកឯរដ្ឋបាលស្រុក ត្រូវបានផ្តោតការយកចិត្តទុក្ខដាក់ចំពោះប្រជាពលរដ្ឋដែលបានធ្វើដំណើរចេញចូលក្នុងមូលដ្ឋានរបស់ខ្លួន និងពង្រឹងនូវភូមិ ឃុំ មានសុវត្ថិភាព ឲ្យមានប្រសិទ្ធិភាពខ្ពស់ ។

អំណោយដែលផ្តល់ជូនប្រជាពលរដ្ឋចំនួន ១០០គ្រួសារ ដោយក្នុង១គ្រួសារ ទទួលបានអង្ករ ២៥គីឡូក្រាម មី១កេស ត្រីខ ១០កំប៉ុង ទឹកត្រី ៦ដប ម៉ាស់ ១ដុំ អាល់កុល ១ដប ។ បន្ទាប់មកលោកជំទាវក៏បាននាំយកទៀនព្រះវស្សា និងទេយវត្ថុប្រគេនដល់ព្រះសង្ឃគង់ចាំព្រះវស្សាចំនួន ៣វត្ត ក្នុង១វត្តទទួលបាន ៖ ទៀនធំ១គូ អង្ករ ១០០គីឡូក្រាម មី ៥កេស ទឹកសុទ្ធ ៥កេស ទឹកក្រូច ៥កេស ខ្ទឹមស ២គីឡូក្រាម ស្ករស ១០គីឡូក្រាម ទឹកត្រី ១២ដប ទឹកដោះគោ ១កេស ត្រីខកំប៉ុង ១កេស ទៀនតូច ២ដុំ ធូប ២ដុំ នំអន្សម ១កន្រ្តក ផ្លែឈើ ១កន្រ្តក ម៉ាស់ ២ប្រអប់ អាល់កុល ៣០លីត្រ ថវិកា ១លានរៀល ៕












Post a Comment

0 Comments