កម្លាំងសមត្ថកិច្ចចុះបង្ក្រាបគ្រឿងញៀន បែបជាជនសង្ស័យ​ មកដណ្តើមបានកាំភ្លើងបាញ់រះ​ ៥គ្រាប់ បណ្តាលឲ្យត្រូវប្រជាពលរដ្ឋចំនួន​ ២នាក់រងរបួសធ្ងន់ - គេហទំព័រសាន់ដេធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

Post Top Ad

Your Ad Spot

កម្លាំងសមត្ថកិច្ចចុះបង្ក្រាបគ្រឿងញៀន បែបជាជនសង្ស័យ​ មកដណ្តើមបានកាំភ្លើងបាញ់រះ​ ៥គ្រាប់ បណ្តាលឲ្យត្រូវប្រជាពលរដ្ឋចំនួន​ ២នាក់រងរបួសធ្ងន់

(ភ្នំពេញ)៖​ កម្លាំងសមត្ថកិច្ចប្រឆាំងគ្រឿងញៀន​ អគ្គស្នងការនគរបាលជាតិ​ បានចុះបង្ក្រាបករណីគ្រឿងញៀន​ ត្រូវបានជនសង្ស័យដណ្តើមបានកាំភ្លើងបាញ់រះ​ ៥គ្រាប់ផ្ទួនៗ ផ្អើលរត់ជាន់ជើងគ្នាទាំងសមត្ថកិច្ច និងប្រជាពលរដ្ឋ​ ដោយនៅក្នុងហេតុការណ៍បានបណ្តាលឲ្យមនុស្ស​ ២នាក់រងរបួសធ្ងន់។ 

ហេតុការណ៍នេះបានកេីតឡេីងកាលពីវេលាម៉ោង​ ៩និង៥០នាទីព្រឹក ថ្ងៃទី០៤ ខែមករា ឆ្នាំ២០២២​ ដែលស្ថិតនៅចំណុចផ្លូវលំ តំបន់សម្បុកគ្រឿងញៀនគោកបញ្ជាន់ ក្នុងភូមិថ្មគោល១ សង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ​។ យោងតាមប្រភពព័ត៌មានពីប្រជាពលរដ្ឋបានប្រាប់ឲ្យ​ដឹងថា​ មនុស្សចំនួន​ ២នាក់​ ដែលត្រូវគ្រាប់កាំភ្លើងមានឈ្មោះ​ ទេព សាវឿន ភេទស្រី អាយុ​ ៦៧ឆ្នាំ ស្នាក់នៅកន្លែងកើតហេតុ របួសត្រូវស្មាស្តាំ​ និងម្នាក់ទៀតឈ្មោះ វ៉ា ចាន់សេរីរ័ត្ន ភេទស្រី អាយុ​ ១៨ឆ្នាំ មុខរបរ​ សិស្ស ស្នាក់នៅកន្លែងកើតហេតុខាងលេី។ 

យោងតាមប្រភពដដែរបានបន្តថា​ នៅក្នុងតំបន់គោកបញ្ជាន់នាពេលបច្ចុប្បន្ន ក្នុងខណ្ឌពោធិសែនជ័យជាប់ចំណាត់ថ្នាក់ ល្បីខាង ជួញដូរ​,​ ប្រេីប្រាស់​គ្រឿងញៀន មិនចាញ់តំបន់បឹងឈូកនៅមុខមន្ទីរពេទ្យលោកសង្ឃកន្លងមក។ ហើយនៅមុនកើតហេតុ ខណៈដែលកម្លាំងសមត្ថកិច្ចបង្ក្រាបគ្រឿងញៀន អគ្គស្នងការនគរបាលជាតិ ចុះមកធ្វេីការបង្ក្រាបនេះ​ គឺមួយក្រុមមានគ្នាប្រមាណ​ ៥ទៅ៦នាក់ ចុះទៅបង្ក្រាបគ្រឿងញៀននៅចំណុចខាងលើ ហេីយភ្លាត់ស្នៀត ត្រូវបានជនសង្ស័យគ្រឿងញៀនម្នាក់ឈ្មោះ ជីវ៉ា ភេទប្រុស អាយុ​ ៣៥ឆ្នាំ បានវាយតដៃរួចដណ្តើមកាំភ្លើងពីដៃសមត្ថកិច្ចយកមកបាញ់សំដៅលើសមត្ថកិច្ច​ មួយគ្រាប់ ត្រូវដៃរបួសម្នាក់ ផ្អើលឆោឡោ រួចមកជនសង្ស័យក៏រត់គេចខ្លួន​បាត់។

សូមបញ្ជាក់ថា?ភ្លាមៗនោះ​ កម្លាំងសមត្ថកិច្ចបាននាំគ្នាដេញតាមចាប់ ក៏ត្រូវបានជនសង្ស័យបាញ់រះ​ចំ​នួន​ ៤គ្រាប់ទៀត បណ្តាលឲ្យត្រូវចំទ្វារដែកធ្លាយត្រូវស្ត្រីម្នាក់ដែលកំពុងនៅក្នុងផ្ទះ និងត្រូវចំនារីម្នាក់កំពុងអង្គុយនៅមុខផ្ទះ​ បណ្តាលឲ្យរងរបួសធ្ងន់ រីឯជនសង្ស័យត្រូវបានកម្លាំងសមត្ថកិច្ចចាប់ខ្លួនបាន​ រួចនាំគ្នាដណ្តើមយកកាំភ្លើងមកវិញ។ ប្រភពដដែរបានបន្តទៀតថា ក្រោយពេលចាប់ខ្លួនជនសង្ស័យ ដណ្តើមយកកាំភ្លើងបានវិញហេីយ​ កម្លាំងសមត្ថកិច្ចបាននាំឡើងរថយន្ត ហេីយនាំគ្នាបើកយកចេញទៅអស់ដោយបន្សល់ទុកតែប្រជាពលរដ្ឋ​ចំនួន​ ២នាក់រងរបួសធ្ងន់​ ត្រូវបានក្រុមគ្រួសារដឹកយកទៅពេទ្យដោយខ្លួនឯង៕






No comments:

Post a Comment

Pages