www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ


ចាប់ឃាត់ខ្លួនបុរសម្នាក់ បញ្ជូនទៅតុលាការ ករណីតាំងខ្លួនជា​រដ្ឋលេខាធិការ​ទីស្តីការគណៈរដ្ឋមន្ត្រី ប្រើ​ល្បិច​​បោកប្រាស់ ​ប្រាក់​​ជាង​៨០០០​ដុល្លារ..!!!



​ភ្នំពេញ ៖ បុរស​ម្នាក់​បាន​តាំង​ខ្លួនឯង​ជា​រដ្ឋលេខាធិការ​ទីស្តីការគណៈរដ្ឋមន្ត្រី​ទទួល​បន្ទុក​ខុ​ទ្ធ​កាល័យ​សម្តេច​អគ្គមហាសេនាបតី​តេ​ជោ ហ៊ុន សែន កាលពី​ព្រឹក​ថ្ងៃ​ទី​២៨ ខែមីនា ឆ្នាំ​២០២២ ត្រូវ​បាន​កម្លាំង​សមត្ថកិច្ច​នគរបាល​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ​ចាប់ខ្លួន​បញ្ជូន​ទៅ​តុលាការ ដែល​គេ​និយាយ​ថា​ចេះ​រក​គុក​ឃើញ ។

ពាក់ព័ន្ធ​ពី​បទ​ក្លែងបន្លំ​ឯកសារ​សាធារណៈ និង​ប្រើប្រាស់​ឯកសារ​សាធារណៈ​ក្លែង​(​ក្លែង​លិខិតបញ្ជាក់​ការងារ ក្លែង​អនុក្រឹត្យ​ស្តី​ពី​ការ​តែងតាំង​មន្ត្រីរាជការ ហត្ថលេខា និង​ក្លែង​ត្រា​របស់​សម្តេច​តេ​ជោ​នាយក​រដ្ឋមន្ត្រី ក្លែង​ប័ណ្ណសម្គាល់​ខ្លួន​ក្លែង​អត្ត​សញ្ញាប័ណ្ណ​សញ្ជាតិ​ខ្មែរ​)​ទៅ​ឆបោក​ប្រាក់​អ្នក​ដ៏​ទៃ​ចំនួន​៨.៥០០​ដុល្លារ​ដើម្បី​យក​ទៅ​រត់ការ​ចូល​បម្រើ​ការងារ​នៅ​ក្រសួងទេសចរណ៍ ។ បុរស​រូប​នោះ​មានឈ្មោះ ទ្រី សា​រិ​ទ្ធី ជា​ឈ្មោះ​ពិតប្រាកដ និង​ឈ្មោះ ឈុ​ន ហុង​លី ជា​ឈ្មោះ​តែងតាំង​ខ្លួនឯង​ក្លែង​ធ្វើ​ជា​រដ្ឋលេខាធិការ​ទីស្តីការគណៈរដ្ឋមន្ត្រី អាយុ​៣៥​ឆ្នាំ មាន​ទីលំនៅ​ក្រុង​តា​ខ្មៅ ខេត្តកណ្តាល ។

ប្រភព​ព័ត៌មាន​បាន​ឲ្យ​ដឹង​ថា៖ សមត្ថកិច្ច​បាន​ធ្វើការ​ចាប់ខ្លួន​ជនសង្ស័យ​បញ្ជូន​ទៅ​តុលាការ គឹ​យោង​ទៅ​លើ​ពាក្យបណ្តឹង របស់​មេធាវី​ទីស្តីការគណៈរដ្ឋមន្ត្រី ក្រោយ​ពី​បាន​ពិនិត្យ​ឃើញ​ថា រាល់​ឯកសារ​ពាក់ព័ន្ធ​ដូច​ខាងលើ ជនសង្ស័យ​ឈ្មោះ ឈុ​ន ហុង​លី ដែល​មានឈ្មោះ​ពិត ទ្រី សា​រិ​ទ្ធី ពិតជា​ក្លែងក្លាយ​ទាំងអស់ រហូត​បាន​តាំង​ខ្លួនឯង​ជា​រដ្ឋលេខាធិការ​ទៀត​ផង ។ ឈ្មោះ​នេះ​បាន​ឆបោក​ប្រាក់​ពី​អ្នក​ដ៏​ទៃ​ចំនួន​៨.៥០០​ដុល្លារ ដើម្បី​យក​ទៅ​រត់ការ សូក​គេ​បាន​​ចូល​ក្រប​ខណ្ឌ​ក្រសួងទេសចរណ៍ ប្រព្រឹត្ត​នៅ​រាជធានី​ភ្នំពេញ ក្នុង​អំឡុង ខែកុម្ភ​: ឆ្នាំ​២០២២ ។

សំណុំរឿង​នេះ​បាន​ស្ថិត​នៅ​ក្នុង​ដៃ​លោក សុខ កែវ​បណ្ឌិត ព្រះរាជអាជ្ញា​រង នៃ​អយ្យការ​អម​សាលាដំបូង បាន​និង​កំពុង​ដំណើរកា​បើក​ការ​ស៊ើបសួរ​នៅឡើយ​ទេ ។ ប៉ុន្តែ​បើ​ពិនិត្យ​លើ​អង្គហេតុ​បទល្មើស​ដូច​ការ​ចោទប្រកាន់​នោះ បុរស​នេះ​មិន​អាច​គេច​ផុត​ពី​ការ​ឃុំខ្លួន​ដាក់​ពន្ធនាគារ​ជា​បណ្តោះអាសន្ន​នោះ​ឡើយ ៕






Post a Comment

0 Comments