ខេត្តកំពង់ចាម៖ ដោយគោរពតាម បទបញ្ជាដាច់ណាត់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងការយកចិត្តទុកដាក់ណែនាំចង្អុលបង្ហាញរបស់លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម រួមនឹងចំណាត់ការដ៏មុឺងម៉ាត់របស់លោកព្រះរាជអាជ្ញា វង្ស ប៊ុនវិសុទ្ធ ស្តីពីយុទ្ធនាការបង្រ្កាបល្បែងស៊ីសងខុសច្បាប់គ្រប់ប្រភេទឱ្យដូចភ្លៀងរលឹមនោះ នៅថ្ងៃទី២០ ខែកញ្ញា ឆ្នាំ២០២២ វេលាម៉ោង១៤និង៣០នាទី។
លោក សុធា ពិសិដ្ឋ ព្រះរាជអាជ្ញារងនៃអយ្យការអមសាលាដំបូងខេត្តកំពង់ចាមបានដឹកនាំបញ្ជាផ្ទាល់នគរបាលព្រហ្មទណ្ឌកម្រិតស្រាល នគរបាលអធិការដ្ឋានក្រុងកំពង់ចាម និងកម្លាំងជំនាញព្រហ្មទណ្ឌ កងរាជអាវុធហត្ថខេត្ត អាជ្ញាធរមូលដ្ឋាន បើកប្រតិបត្តិការចុះបង្ក្រាបករណីបើកនិងលេងល្បែងស៊ីសងខុសច្បាប់ (លេងបៀ) ចំនួន២កន្លែង គឺ៖ទី១៖ នៅចំណុចក្នុងរោងក្រោមដេីមស្វាយ ស្ថិតក្នុងភូមិបឹងកុក២ សង្កាត់បឹងកុក ក្រុងកំពង់ចាម ខេត្តកំពង់ចាម ។ជាលទ្ធផលយើងបង្រ្កាបចាប់ឃាត់ខ្លួនបានមុខសញ្ញាចំនួន០៦នាក់គឺ៖។
១- ឈ្មោះ ម៉ៅ តូរ៉ា ភេទប្រុស អាយុ៤០ឆ្នាំ ជនជាតិខ្មែរ, ២-ឈ្មោះ ប៊ីន ឃាង ភេទប្រុស អាយុ៦៤ឆ្នាំ ជនជាតិខ្មែរ,
៣- ឈ្មោះ ហ៊ឹម សុភា ភេទប្រុសអាយុ២៩ឆ្នាំ ជនជាតិខ្មែរ, ៤-ឈ្មោះ យិន ពៅ ភេទប្រុស អាយុ៦២ឆ្នាំ ជនជាតិខ្មែរ,
៥- ឈ្មោះ វ៉ែន វ៉ាន់ឌី ភេទប្រុសអាយុ៥១ឆ្នាំ ជនជាតិខ្មែរ, ៦- ឈ្មោះ ហែម ផល ភេទប្រុស អាយុ៤៩ឆ្នាំ ជនជាតិខ្មែរ ទាំង០៦នាក់នេះនៅភូមិបឹងកុក២ សង្កាត់បឹងកុក ក្រុងកំពង់ចាម ខេត្តកំពង់ចាម។ ចំពោះវត្ថុតាងដែលដកហូតបានរួមមាន៖ ប្រាក់រៀលចំនួន៤៦០,០០០រៀល(បួនសែនប្រាំមួយម៉ឺនរៀល), ប្រាក់ដុល្លារចំនួន២០០ដុល្លារ(ពីររយដុល្លារអាមេរិក),
ទូរស័ព្ទដៃចំនួន០៤គ្រឿង, ម៉ូតូចំនួន០៤គ្រឿង, បៀចំនួន១០០សន្លឹក។
ករណីទី២ ៖ នៅថ្ងៃដដែល លោកព្រះរាជអាជ្ញារង សុធា ពិសិដ្ឋ បានដឹកនាំកម្លាំងជំនាញកងរាជអាវុធហត្ថខេត្តកំពង់ចាម ចុះបង្ក្រាបករណីលេងល្បែងស៊ីសងខុសច្បាប់ ( លេងបៀភ្នាល់ដាក់ប្រាក់ ) នៅចំណុចភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម ហើយធ្វើការឃាត់ខ្លួនបានជនសង្ស័យចំនួន ០៣ នាក់ : ១-ឈ្មោះ ស្រុិន ម៉េងយូ ភេទប្រុស អាយុ៥៣ឆ្នាំ ជនជាតិខ្មែរ រស់នៅភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម ( ជាម្ចាស់ផ្ទះ ),។
២-ឈ្មោះ ថា រ៉ាត់ ភេទស្រី អាយុ៣៨ឆ្នាំ ជនជាតិខ្មែរ ស់នៅភូមិឡឥដ្ឋ សង្កាត់បឹងកុក ក្រុងកំពង់ចាម ខេត្តកំពង់ចាម ។
៣-ឈ្មោះ សុខ ធី ភេទស្រី អាយុ៤២ឆ្នាំ ជនជាតិខ្មែរ ស់នៅភូមិទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម
+ ដកហូតវត្ថុតាងរួមមាន : ។- បៀចំនួន ០២ ហ៊ូ , - ទូរសព្ទ័ដៃ ចំនួន ០៣ គ្រឿង ។ - ប្រាក់រៀលចំនួន ៧២៥០០ រៀល និងប្រាក់ដុល្លា ចំនួន ១០០ ដុល្លា ។បច្ចុប្បន្នជនសង្ស័យនិងវត្ថុតាង កម្លាំងជំនាញបានបញ្ជូនចាត់តាមនីតិវិធី ៕
No comments:
Post a Comment