កណ្តាល៖នៅក្នុងទឹកដីស្រុកស្អាង ខេត្តកណ្តាល បទល្មើសល្បែងស៊ីសងជល់មាន់ បានកើតមានជាហូរហែរ ដោយក្រុមអ្នកញៀនល្បែង ហាក់គ្មានញញើត និងទោសទណ្ឌបន្តិចណាទាល់តែសោះ (ពោល)ក្រុមអ្នកញៀនល្បែងថែមទាំងផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់ និងបង្ក្រាបបទល្មើសល្បែងស៊ីសងគ្រប់ប្រភេទ នៅទូទាំរាជធានីខេត្ត។មហាជនបានសំណូមពរ ដល់លោកឈឿន សុចិត្ត ស្នងការខេត្តកណ្តាល ពិសេស លោកគង់ សោភ័ណ្ឌ អភិបាលខេត្តកណ្តាល សូមមានវិធានការផ្លូវច្បាប់ ចំពោះក្រុមអ្នកញៀនល្បែងជល់មាន់ នៅចំណុច ភូមិតា ពេជ្រ ឃុំក្រាំងយ៉ូវ ស្រុកស្អាង ខេត្តកណ្តាល ខណះពេលដែលអស់លោកអាជ្ញាធរ និងសមត្ថកិច្ចស្រុកស្អាង បានរក្សាភាពស្ងៀមស្ងាត់ ផ្គើននិងបទបញ្ជារបស់សម្តេចតេជោហ៊ុនសែន ។
សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗនេះ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន សម្តេចតេជោ ហ៊ុន សែន បានបញ្ជាក់យ៉ាងច្បាស់ថា អាជ្ញាធរស្រុក ក្រុង ខេត្តណា ដែលមិនទប់ស្កាត់និងមិនបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ ! អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។
មហាជននៅក្នុងឃុំក្រាំងយ៉ូវ បានដាក់ការសង្ស័យ ទៅលើអាជ្ញាធរ និងសមត្ថកិច្ចស្រុកស្អាង (ប្រហែលជា)សង្វៀនជល់មាន់ខាងលើនេះ សង្ស័យជាឆ្នាំងបាយ របស់អស់លោកអាជ្ញាធរ និងសមត្ថកិច្ចស្រុកស្អាងផងក៌មិនដឹង។ទើបអស់លោកបានរក្សាភាពស្ងៀមស្ងាត់ផ្គើន និងបទបញ្ជារបស់សម្តេចតេជោហ៊ុនសែន ពិសេសមិនអនុវត្តន៌នូវគោលនយោបាយភូមិ,ឃុំមានសុវត្ថភាពទាំង៩ចំណុច របស់ក្រសួងមហាផ្ទៃ។
No comments:
Post a Comment