លោកចាន់ តារា បានអញ្ជើញចុះសំណេះសំណាល នាំយកអំណោយ និងពាំនាំការផ្តាំផ្ញើសួរសុខទុក្ខពី ឯកឧត្តម គួច ចំរេីន ជូនចំពោះ លោកអ៊ំ នូ ណៃ អាយុ៦៨ឆ្នាំ

 

កណ្តាល/នៅថ្ងៃទី២៣ ខែសីហា ឆ្នាំ២០២៤ លោក ចាន់ តារា អភិបាលក្រុងអរិយក្សត្រនិងជាប្រធានកិត្តិយសសមាគមអតីតយុទ្ធជនក្រុងអរិយក្សត្រ និងសហការី បានអញ្ជើញចុះសំណេះសំណាល នាំយកអំណោយ និងពាំនាំការផ្តាំផ្ញើសួរសុខទុក្ខពី ឯកឧត្តម គួច ចំរេីន ប្រធានកិត្តិយសសមាគមអតីតយុទ្ធជនខេត្តកណ្តាល។

ជូនចំពោះ លោកអ៊ំ នូ ណៃ អាយុ៦៨ឆ្នាំ ជាអតីតយុទ្ធជន ឋានន្តរស័ក អនុសេនីយ៍ត្រី ដែលមានជំងឺកំពុងសម្រាកព្យាបាលនៅផ្ទះ ស្ថិតនៅក្នុងភូមិពោធិ៍ធំ សង្កាត់អរិយក្សត្រ ក្រុងអរិយក្សត្រ ខេត្តកណ្តាល។ 

លោកអភិបាលក្រុង សូមថ្លែងនូវការដឹងគុណជូនដល់អតីតយុទ្ធជន ទាំងអស់ ក៏ដូចជារំលឹកអនុស្សារវីយ នឹករលឹក និងចងចាំជានិច្ចនូវរាល់ស្នាដៃ គុណូបការៈដែលលោកពូ និងបងៗបានចូលរួមបំពេញការងារបម្រេីជាតិ មាតុភូមិ ក្នុងមួយជីវិតការងាររបស់ខ្លួន ដែលមិនគួរបំភ្លេច ឬទុកឱ្យអតីតមន្ត្រីរាជការរបស់យើងណាម្នាក់នៅឯកោដោយគ្មានការអើពើឡើយ ។