ថៃ៖នាយករដ្ឋមន្ត្រីថៃ លោក ប្រាយុទ្ធ ចាន៉អូចា កាលពីថ្ងៃ២៨តុលាបានផ្តល់ភ្លើងខៀវអោយមានការធ្វើវិសោធនកម្មរដ្ឋធម្មនុញ្ញនៃព្រះរាជាណាចក្រថៃ នៅពេលកិច្ចពិភាក្សាពិសេសរបស់សភារយៈពេល២ថ្ងៃដើម្បីដោះស្រាយវិបត្តិនយោបាយបានបញ្ចប់។
លោកប្រាយុទ្ធ បាននិយាយថា លោកយល់ស្របនឹងការលើកឡើងរបស់សមាជិកសភាជាច្រើនអំពីវិបត្តិនេះ តែថាបញ្ហាសំខាន់គឺលោកគាំទ្រការធ្វើវិសោធនកម្មរដ្ឋធម្មនុញ្ញ។ទោះជាយ៉ាងណាលោកប្រាយុទ្ធបានបន្ថែម សភាត្រូវតែអនុវត្តតាមរដ្ឋធម្មនុញ្ញបច្ចុប្បន្នទម្រាំដល់មានរដ្ឋធម្មនុញ្ញថ្មីមួយ។ការកែប្រែរដ្ឋធម្មនុញ្ញជាការទាមទារមួយក្នុងចំណោមការទាមទារ៣ចំណុចរបស់អ្នកប្រឆាំងតវ៉ាគាំទ្រលទ្ធិប្រជាធិបតេយ្យ។ពួកគេក៏ទាមទារអោយលោកប្រាយុទ្ធ ចុះចេញពីតំណែងនិងកែទំរង់របបរាជានិយម។
ប្រាយុទ្ធ នៅតែនិយាយថា លោកនឹងមិនចុះចេញពីតំណែងទេ តែថាលោកមិនជំទាស់ទេការបញ្ចប់អំណាចព្រឹទ្ធសភាក្នុងការបោះឆ្នោតជ្រើសរើសនាយករដ្ឋមន្ត្រី។ក្នុងពេលជាមួយគ្នានាយករដ្ឋមន្ត្រីថៃបាននិយាយថា គណៈរដ្ឋមន្ត្រីបានយល់ព្រមបង្កើតគណៈកម្មាធិការផ្សះផ្សារមួយដើម្បីស្វែងរកវិធីដោះស្រាយវិបត្តិនយោបាយ៕
No comments:
Post a Comment