តម្លៃពងទាចុះថោក គឺបណ្តាលមកពីអ្នកលក់មីឆា លតឆា និងបាយឆា មានការថយចុះ - គេហទំព័រសាន់ដេ ធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

តម្លៃពងទាចុះថោក គឺបណ្តាលមកពីអ្នកលក់មីឆា លតឆា និងបាយឆា មានការថយចុះ


កំពត៖តម្លៃ​ពង​ទា​ចុះថោក​មក​ត្រឹម​តម្លៃ​៣០០​រៀល​ក្នុង​១​គ្រាប់ គឺ​ដោយសារ​តែ ស្ថានភាព​កូ​វី​ដ បាន​ធ្វើ​អោយ​ការ​លក់​បាយ​ឆា មីឆា លត​ឆា​នៅ​តាម​សាលារៀន មានការ​ថយ​ចុះ​។​​នេះ​បើ​យោង​តាម​សេចក្តី​ប្រកាស​ព័ត៌មាន​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្តកំពត ចុះ​ថ្ងៃ​ទី​២៣ ធ្នូ ២០២០កន្លងទៅនេះ ។​

​សេចក្តី​ប្រកាស​ព័ត៌មាន​របស់​មន្ទីរ​កសិកម្ម​ខេត្តកំពត​ខាងលើ បាន​ធ្វើ​ឡើង​ក្រោយ​ពី​ប៉ុន្មាន​ថ្ងៃ​ចុង​នេះ ប្រជាពលរដ្ឋ​ជា​ច្រើន​ដែល​ប្រកប​របរ​ចិញ្ចឹម​ទាយក​ស៊ុត បាន​ត្អូញត្អែរ​ពី​ទុក្ខ​លំបាក​បាត់​ចំណូល​ដោយសារ​តមលៃ​ពង​ទា​ធ្លាក់​ថ្លៃ​យ៉ាង​គំហុក និង​បាន​អំពាវនាវ​ឲ្យ​ក្រសួង​ពាក់​ព័​ន្ឋ​ជួយ​អន្តរាគមន៍​អំពី​ការ​ធ្លាក់​តម្លៃ​ពង​ទា​នៅ​ពេល​នេះ​។​

​ឆ្លើយ​តប​ទៅ​នឹង​អ្នក​ប្រកប​របរ​ចិញ្ចឹម​បក្សី​យក​ស៊ុត​ដែល​រអ៊ូរទាំ​ករណី​ស៊ុតទា (​ពង​ទា​) ចុះថ្លៃ​ក្រោម​៣០០​រៀល​ក្នុង​១​គ្រាប់​នោះ ក្រសួងកសិកម្ម​បាន​ពន្យល់​ថា ដោយសារ​ពលរដ្ឋ​ផ្អាក​ការ​ជួបជុំ​ចូលរួម​ក្នុ​កម្មវិធី​ផ្សេង​ៗ ព្រោះតែ​ជំងឺ​កូ​វី​ដ​១៩ និង​រដូវ​នេះ​ជា​រដូវ​ត្រី ដូច្នេះ​ពលរដ្ឋ​មួយ​ចំនួន​ងាក​មក​ហូប​ត្រី និង​ការ​ចិញ្ចឹម​បក្សី​យក​ស៊ុត​មានការ​កើនឡើង ។​

​សេចក្តី​ប្រកាស​ព័ត៌មាន​របស់​អគ្គនាយកដ្ឋាន​សុខភាព​សត្វ និង​ផលិតកម្ម​សត្វ​នៃ​ក្រសួងកសិកម្ម រុក្ខា​ប្រមាញ់​និង​នេសាទ​ចុះ​ថ្ងៃ​ទី​២១ ធ្នូ ២០២០ ក៍បាន​ឆ្លើយ​តប​ជុំវិញ​ការ​លើក​ឡើង​អំពី​ការ​ធ្លាក់​ថ្លៃ​ពង​ទា​ដោយសារ​ការ​នាំ​ចូល​ស៊ុត​ពី​ប្រទេស​ជិតខាង​នោះ ក្រសួង​ក៍បាន​បញ្ជាក់​ដែរ​ថា អគ្គនាយកដ្ឋាន​សុខភាព​សត្វ និង​ផលិតកម្ម​សត្វ ក៍​ដូច​ជា​ក្រសួងកសិកម្ម​ពុំដែល​អនុញ្ញាត​ឲ្យ​មានការ​នាំ​ចូល​ស៊ុត​ពី​ប្រទេស​ជិតខាង ពិសេស​ប្រទេស​វៀតណាម​ចូល​មក​ទីផ្សារ​កម្ពុជា​នោះ​ទេ ៕







No comments:

Post a Comment

Pages