www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ឯកឧត្តមដួង ដារា អញ្ជើញចុះជួបសំណេះសំណាលបងប្អូនប្រជាពលរដ្ឋ នៅភូមិអូរឧកញ៉ាហេង ដើម្បីដោះស្រាយវិវាទដីធ្លីក្រៅប្រព័ន្ធតុលាការ



ខេត្តព្រះសីហុន៖នៅថ្ងៃទី២៦ខែធ្នូឆ្នាំ២០២០ ឯកឧត្តមដួង ដារា  រដ្ឋលេខាធិការ ទីស្តីការគណៈរដ្ឋមន្ត្រី និងជាជំនួយការផ្ទាល់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញចុះជួបសំណេះសំណាល ជាមួយបងប្អូន ប្រជាពលរដ្ឋ នៅភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ដើម្បីដោះស្រាយករណីវិវាទដីធ្លី រវាងប្រជាពលរដ្ឋនិងក្រុមហ៊ុនមួយ នៅភូមិអូរឧកញ៉ា ឃុំអូរឧកញ៉ា ស្រុកព្រៃនប់ ខេត្តព្រះសីហនុ។

ឯកឧត្តមដូង ដារា បានថ្លែង នៅលើបណ្តាញសង្គមហ្វេសប៊ុកយ៉ាងដូច្នេះថា? ដោយមានការសំណូមពរពីបងប្អូនប្រជាពលរដ្ឋ​ និងពីក្រុមហ៊ុន​ចំពោះវិវាទដីធ្លីដែលបានបណ្តាលអោយមានអំពេីហឹង្សាកាលពីពេលថ្មីៗកន្លងមក​នេះ នៅភូមិអូរឧកញ៉ាហេង​ ស្រុកព្រៃនប់​ ខេត្តព្រះសីហនុ​ នៅថ្ងៃសៅរ៍នេះ​ ខ្ញុំបានឆ្លៀតពេលចុះមកជួបបងប្អូនប្រជាពលរដ្ឋដោយផ្ទាល់​ នៅទីកន្លែងកេីតហេុដែលបងប្អូនកំពុងរស់នៅ។ 

ឯកឧត្តមដួង ដារា បានបញ្ជាក់ទៀតថា? អរគុណបងប្អូនប្រជាពលរដ្ឋដែលបានទទួលខ្ញុំនិងក្រុមការងារដោយទឹកចិត្តស្រឡាញ់រាប់អានជាមួយនឹងជំនឿជឿជាក់លេីការដោះស្រាយក្រៅប្រព័ន្ធតុលាការ ឈរលេីគោលការណ៍ឈ្នះ-ឈ្នះសម្តេចតេជោ​។   ខ្ញុំបានសួរនាំព៌ត័មានមួយចំនួនរួចហេីយពាក់ព័ន្ធនឹងប្រវត្តិកាន់កាប់គ្រប់គ្រងអាស្រ័យផលលេីដី​ ហេីយក៏បានធ្វេីបញ្ជីស្រង់ឈ្មោះបងប្អូនបានមួយចំនួន​ហេីយដែរ​ ដែលកំពុងមានទំនាស់ដីធ្លីជាមួយក្រុមហ៊ុន។ 

ទន្ទឹមនឹងនេះ​ ​ខ្ញុំបានសំណូមពរអោយបងប្អូនប្រជាពលរដ្ឋរក្សាភាពស្ងប់ស្ងៀម​ ដេីម្បីទុកពេលវេលាអោយខ្ញុំធ្វេីការជូន។   រីឯចំពោះបងប្អូនអ្នកកាសែតវិញ​ សូមកុំសរសេរអ្វីដែលធ្វេីអោយមានការភ័ន្តច្រឡំបន្ថែមបញ្ហាដល់ការដោះស្រាយទំនាស់នេះ។ យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម នឹងសូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕







Post a Comment

2 Comments

  1. អរគុណបង ប៉ុន្តែខ្លាចអាក្បាច់វៃហើយ ប្រើមន្ត្រីឲ្យចូលចរចារណ៍ ហើយជនប្រព្រឹត្តិល្មើសត្រូវបានរួចខ្លួន ហើយវៃកន្លែងផ្សេងទៀត។ រឿងដ៌ដែលៗហ្នឹង ខ្ញុំពិតជាស្នើសុំឲ្យមានដាក់ទោសទណ្ឌលើជនប្រពរឹត្តិល្មើសបើអាច។

    ReplyDelete
  2. អរគុណបង ប៉ុន្តែខ្លាចអាក្បាច់វៃហើយ ប្រើមន្ត្រីឲ្យចូលចរចារណ៍ ហើយជនប្រព្រឹត្តិល្មើសត្រូវបានរួចខ្លួន ហើយវៃកន្លែងផ្សេងទៀត។ រឿងដ៌ដែលៗហ្នឹង ខ្ញុំពិតជាស្នើសុំឲ្យមានដាក់ទោសទណ្ឌលើជនប្រពរឹត្តិល្មើសបើអាច។

    ReplyDelete