![](https://st-tvfb.com/uploads/2021/3/22/media/large/1467/163599780_2680459368910808_608219749184773275_o.jpg?1616380084)
![](https://st-tvfb.com/uploads/2021/3/22/media/large/1468/628d5df8fd28570fba7b893e7b261a25.jpg?1616380093)
![](https://st-tvfb.com/uploads/2021/3/22/media/large/1469/161688507_2680520125571399_1978431095578615257_n.jpg?1616380093)
![](https://st-tvfb.com/uploads/2021/3/22/media/large/1470/163630579_2680460018910743_4067167906538482607_o.jpg?1616380093)
![](https://st-tvfb.com/uploads/2021/3/22/media/large/1471/163457973_2680459925577419_6806942551373564857_o.jpg?1616380093)
![](https://st-tvfb.com/uploads/2021/3/22/media/large/1472/163565052_2680459562244122_7371337777818880497_o.jpg?1616380094)
![](https://st-tvfb.com/uploads/2021/3/22/media/large/1474/163424365_2680459828910762_1290908252478945009_o.jpg?1616380095)
![](https://st-tvfb.com/uploads/2021/3/22/media/large/1473/163579917_2680459705577441_2341474143707204949_o.jpg?1616380094)
![](https://st-tvfb.com/uploads/2021/3/22/media/large/1475/162608529_2680459462244132_161239879984776944_o.jpg?1616380095)
![](https://st-tvfb.com/uploads/2021/3/22/media/large/1476/162862219_2680459622244116_1153152266635804119_o.jpg?1616380095)
![](https://st-tvfb.com/uploads/2021/3/22/media/large/1477/162949245_2680460165577395_6991018468433593885_o.jpg?1616380096)
![](https://st-tvfb.com/uploads/2021/3/22/media/large/1478/163246546_2680460112244067_993164513088607143_o.jpg?1616380096)
![](https://st-tvfb.com/uploads/2021/3/22/media/large/1480/163343218_2680459515577460_179662731312798514_o.jpg?1616380097)
![](https://st-tvfb.com/uploads/2021/3/22/media/large/1479/163487438_2680459795577432_3203971182397877908_o.jpg?1616380097)
លោក គួច ចំរើន អភិបាលនៃគណៈអភិបាល ខេត្តព្រះសីហនុ បានមានប្រសាសន៍ថា រដ្ឋបាលខេត្តបានបើកកិច្ចប្រជុំបន្ទាន់ទាក់ទងទៅនឹងករណីសន្តិសុខ មជ្ឈមណ្ឌលពាណិជ្ជកម្មក្រុងព្រះសីហនុ បានទារថ្លៃភាស៊ីលើសសៀវភៅបន្ទុក និងបំផ្លាញទំនិញរបស់អាជីវករ ដែលបានកើតឡើងកាលពីព្រឹកថ្ងៃទី២០ ខែមីនាឆ្នាំ២០២១ បន្ទាប់ពីទទួលបានព័ត៌មាននេះភ្លាមលោកអភិបាលខេត្តបានបោះបន្តជូនទៅលោកឧត្តមសេនីយ៍ស្នងការនគរបាលខេត្ត ដើម្បីចុះធ្វើការស្រាវជ្រាវលើករណីនេះបន្ទាន់។
ក្រោយមកក៏ទទួលបានព័ត៌មាន ពីអ្នកគ្រប់គ្រងផ្សារថា ភាគីទាំងពីរបានស្រុះស្រួលគ្នាដោយមិនមានការប្ដឹងផ្ដល់អ្វីឡើយដូច្នេះលោកក៏បានណែនាំឱ្យមានការថតវីដេអូខ្លីបង្ហាញពីហេតុផលនិងបញ្ហាដែលបានកើតឡើង តាមរយៈវិដេអូខ្លីដែលភាគីទាំងពីរ(សន្តិសុខនិងអាជីវករ)បាន ធ្វើការបកស្រាយ បង្ហាញថាហេតុផលនៃបញ្ហាដែលបានកើតឡើងផ្តើមចេញពីទំនាស់ និងមានចេតនា បំផ្លាញ
ទំនិញរបស់អាជីវករមិនមែនជាការថយប៉ះធ្វើឱ្យខូចខាតនោះទេ។ទើបលោកអភិបាលខេត្តបញ្ជាឱ្យឃុំខ្លួនសន្តិសុខរូបនោះដោយមិនអនុញ្ញាតឱ្យដោះលែងឡើយគឺត្រូវតែធ្វើការឱ្យបានហ្មត់ចត់បើទោះបីជាមានសំណងថ្លៃពងទាដែលរងការខូចខាតក៏ដោយតែបុគ្គលរូបនោះត្រូវទទួលខុសត្រូវនូវទង្វើដែលខ្លួនបានប្រព្រឹត្ត ហើយត្រូវមាន ការដោះស្រាយជាសាធារណៈជាការពិតថាករណីនេះកើតឡើងរវាងបុគ្គលពីរនាក់តែវាបានបង្កផលប៉ះពាល់ដល់ការគ្រប់គ្រងរបស់អាជ្ញាធរសាធារណៈដូច្នេះឯកឧត្តមអភិបាលខេត្តត្រូវពិចារណានិងចាត់ការករណីនេះឱ្យបានហ្មត់ចត់បំផុតដែលមិនអាចឱ្យកើតឡើងនូវអំពើដែលអសីលធម៌បែបនេះបានទេ។ហើយក្នុងនោះផងដែរលោកអភិបាលខេត្ត យល់ស្របជាមួយការស្រុះស្រួលគ្នារបស់គូរភាគី ដូច្នេះគឺមិនប្រកាន់ទោសនោះទេដោយសារបងប្អូន បាន ធ្វើការកែប្រែឥរិយាបទភ្លាមៗ ទទួលស្គាល់កំហុស និងចេញសងការខូចខាតដែលបានបង្កឡើង ប៉ុន្តែលោកអភិបាលខេត្ត បានសម្រេចដាក់ពិន័យដោយបានណែនាំដល់ប្រធានមជ្ឈមណ្ឌលពាណិជ្ជកម្ម ក្រុងព្រះសីហនុមិនត្រូវបន្តការប្រើប្រាស់បុគ្គលរូបនេះបន្តទៀតទេ គឺត្រូវបញ្ចប់ការងារ ពីភ្នាក់ងារទារភាស៊ី ឬសន្តិសុខ ចាប់ពី ពេលនេះតទៅ។
![](https://www.kampucheathmey.com/wp-content/uploads/2021/03/photo_2021-03-22_06-37-11-1024x682.jpg)
ជាមួយគ្នានេះដែរដើម្បីជាការប៉ះប៉ូវជំងឺចិត្តដល់អាជីវករដែលរងគ្រោះលោកអភិបាលខេត្តបានសម្រេចឱ្យប្រធានគ្រប់គ្រងមជ្ឈមណ្ឌលពាណិជ្ជកម្មក្រុងព្រះសីហនុលើកលែងការយកប្រាក់ភាស៊ីលើអាជីវកម្មរបស់គាត់ពេលមួយឆ្នាំពេញ ហើយជាចុងក្រោយឯកឧត្តមអភិបាលខេត្តបានណែនាំដល់អភិបាលក្រុង/ស្រុក និងអ្នកគ្រប់គ្រងផ្សារត្រូវអនុវត្តតាមសារាចរលេខ១១សរចុះថ្ងៃទី០៩ ខែធ្នូឆ្នាំ២០១៦របស់រាជរដ្ឋាភិបាលដោយត្រូវយកចិត្តទុកដាក់ជាប្រចាំដល់ជីវភាពរបស់ប្រជាពលរដ្ឋ ដើម្បីកាត់បន្ថយភាពក្រីក្រ និងលើកកម្ពស់ជីវភាពរបស់ប្រជាពលរដ្ឋព្រមទាំងកែលម្អសេវាសាធារណៈជូនប្រជាពលរដ្ឋដោយលុបការបង់ភាស៊ីនិងការបង់ថ្លៃផ្សេងៗទៀតចំពោះការលក់ដូររបស់ប្រជាពលរដ្ឋតាមកញ្ច្រែងកញ្ជើល្អីនិងត្រូវលើកស្លាកតារាងតម្លៃការបង់ថ្លៃភាស៊ីនៅតាមទីផ្សារទូទាំងខេត្តព្រះសីហនុ។
![](https://www.kampucheathmey.com/wp-content/uploads/2021/03/photo_2021-03-22_06-42-19.jpg)
គួរបញ្ជាក់ងដែរថា ករណីខាងលើនេះបានកើតឡើង នៅព្រឹកថ្ងៃទី២០ ខែមីនា ឆ្នាំ២០២១ ដោយដើមហេតុឈានទៅដល់ការវាយបំផ្លាញពងទារប្អូនស្រីជាអាជីវករក្នុងផ្សារលើពីសំណាក់សន្តិសុខនោះ គឺផ្តើមចេញពីលុយចំនួន៣ម៉ឺនរៀលដែលជាលុយថ្លៃភាស៊ី ប៉ុន្តែរត្រូវបាន ប្អូនស្រីជាអ្នកលក់ពងទាមិនព្រមឲ្យ ព្រោះយល់ថាការទាថ្លៃភាស៊ីចំនួន៣ម៉ឺនរៀលបែបនេះវាលើសពីរសៀវភៅបន្ទុក ។ចំណែកឯសន្តិសុខ ដែលមក ទាថ្លៃភាស៊ីក្រោយពីទាភាស៊ីចំនួន៣ម៉ឺនពីអ្នកលក់ពងទាមិនបានសម្រេច ក៏កើតចិត្តខឹងក្តៅក្រហារព្រមទាំងបាន បំផ្លាញពងទាចំនួន៥០០គ្រប់បែកស្ទើរអស់ក្នុងពេលនោះតែម្តង៕
![](https://www.kampucheathmey.com/wp-content/uploads/2021/03/photo_2021-03-22_06-42-12-993x1024.jpg)
No comments:
Post a Comment