ឥណ្ឌា៖វេជ្ជបណ្ឌិតម្នាក់ ដែលដើរតួនាទីយ៉ាងសំខាន់អំឡុងការផ្ទុះឡើងនៃជំងឺកូវីដ-១៩នៅក្នុងប្រទេសឥណ្ឌា បានព្រមានថា រយៈពេល២សប្តាហ៍ទៀត ប្រទេសឥណ្ឌានឹងក្លាយជា “ឋាននរក”។
![](https://www.kampucheathmey.com/wp-content/uploads/2021/04/42255882-9514787-image-a-60_1619484273893.jpg)
លោកវេជ្ជបណ្ឌិត Shaarang Sachdev មកពីមន្ទីរពេទ្យឯកទេសសុខភាពពិសេស Aakash បាននិយាយថា ប្រទេសឥណ្ឌា កំពុងជួបប្រទះចំណុចអាក្រក់ដ៏បំផុត នៃជំងឺរាតត្បាតនេះ។
![](https://www.kampucheathmey.com/wp-content/uploads/2021/04/42190746-9509181-image-a-15_1619353126908.jpg)
ឥណ្ឌា បានប្រកាសពីអ្នកឆ្លងថ្មីចំនួន ៣៥២,៩៩១នាក់និងអ្នកស្លាប់២,៨១២នាក់ ក្នុងរយៈពេល ២៤ម៉ោងចុងក្រោយ ដែលជាចំនួនខ្ពស់បំផុតប្រចាំថ្ងៃក្នុងពិភពលោក ដោយបានបំបែកកំណត់ត្រាចាស់របស់ខ្លួនកាលពីថ្ងៃសៅរ៍។
![](https://www.kampucheathmey.com/wp-content/uploads/2021/04/42190766-9509181-image-a-20_1619353197339-1.jpg)
ថ្លែងប្រាប់ទូរទស្សន៍ Sky News លោកវេជ្ជបណ្ឌិត Sachdev បាននិយាយថា “ពេលនេះ ស្ថានភាពគឺធ្ងន់ធ្ងរបំផុត។ ជំងឺរាតត្បាតនេះ គឺជារោគដ៏អាក្រក់បំផុតដែលយើងមិនធ្លាប់បានឃើញ រហូតមកដល់ពេលនេះ។ ពីរសប្តាហ៍ទៀត នឹងក្លាយជាឋាននរកសម្រាប់យើង”។
![](https://www.kampucheathmey.com/wp-content/uploads/2021/04/42202522-9509955-image-m-33_1619380582102.jpg)
ដោយចង្អុលទៅនារីវ័យក្មេងម្នាក់ពាក់ឧបករណ៍ជំនួយខ្យល់ដកដង្ហើម លោកបាននិយាយថា “ស្ត្រីម្នាក់នោះគួរតែស្ថិតនៅក្នុងបន្ទប់ ICU ក្នុងខណៈពេលនេះ នាងបាននៅទីនេះអស់រយៈពេលពីរថ្ងៃមក ហើយពីព្រោះមិនមានគ្រែទេនៅក្នុងបន្ទប់សង្គ្រោះបន្ទាន់”។
![](https://www.kampucheathmey.com/wp-content/uploads/2021/04/42202534-9509955-image-m-34_1619380589076.jpg)
ស្របពេលជាមួយគ្នានោះ នាយករដ្ឋមន្ត្រីរដ្ឋ Karnataka លោក B. S. Yediyurappa បាននិយាយថា ស្ថានភាពគឺមិនអាចគ្រប់គ្រងបានទេ។ លោកបន្ថែមថា ការបូជាឬបញ្ចុះសព ត្រូវតែធ្វើឲ្យបានឆាប់រហ័ស និងគោរពតាមលក្ខណៈវិមជ្ឈការដោយមើលតាមកាលៈទេសៈ និងដើម្បីចៀសវាងការប្រមូលផ្តុំគ្នានៅក្នុងកន្លែងបូជាសពនិងទីបញ្ចុះសព។
![](https://www.kampucheathmey.com/wp-content/uploads/2021/04/42255730-9514787-A_health_worker_wearing_personal_protective_equipment_PPE_walks_-a-43_1619483494272.jpg)
ឈាបនដ្ឋានចំនួន៧របស់ទីក្រុង Bangalore ត្រូវធ្វើការ២៤ម៉ោងក្នុងមួយថ្ងៃ ដោយសារតែពួកគេព្យាយាមគ្រប់គ្រងបន្ទុកលើសការងារធម្មតារហូតដល់ទៅ ៤ដងឯណោះ។
![](https://www.kampucheathmey.com/wp-content/uploads/2021/04/42255742-9514787-Family_members_and_relatives_wearing_protective_gear_perform_fin-a-50_1619483494294.jpg)
ការកក់កន្លែងបូជាសពមានដាក់ឈើត្រឹមត្រូវ នៅទីក្រុង Ghaziabad គឺលែងទទួលហើយ ហើយសាកសពកំពុងត្រូវបានដុតនៅតាមទីធ្លាកណ្តាលវាល៕ប្រភពកម្ពុជាថ្មី
No comments:
Post a Comment