www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

មន្ត្រីកងរាជអាវុធហត្ថម្នាក់ យកកាំបិតចុងស្រួច ចាក់ទៅលើអតីតប្រពន្ធទើបតែលែងលះ បណ្តាលអោយរងរបួសធ្ងន់





(ខេត្តកំពង់ធំ)÷អំពើហិង្សាមួយបានកើតឡើង នៅចំណុច ភូមិត្បូងទឹក ឃុំមានរិទ្ធ ស្រុកសណ្តាន់ ខេត្តកំពង់ធំ វេលាម៉ោងប្រមាណ ៧.៣០នាទីព្រឹក ថ្ងៃទី ២៣ ឧសភា ២០២១ បណ្តាលឲ្យស្ត្រីម្នាក់ ទទួលរងរបួសធ្ងន់ និង បង្កឲ្យមានការភ្ញាក់ផ្អើល ទាំងព្រឹក។ប្រភពពីស្ត្រីរងគ្រោះឈ្មោះ កួច មួយហៀក អាយុ៣០ឆ្នាំ មានទីលំនៅ ភូមិ ឃុំ កើតហេតុខាងលើ បានបញ្ជាក់ប្រាប់ថា ជនបង្កជាអតីតប្តី មាន ឈ្មោះ ស៊្រុន ពេជ្ររស្មី មានអាយុ៣៦ឆ្នាំ មុខរបរជាមន្ត្រី កងរាជអាវុធហត្ថ ខេត្តកំពង់ធំ។

ស្ត្រីរងគ្រោះរៀបរាប់បន្តទៀតថា ដំបូងជនបង្ក ស្រ៊ុន ពេជ្ររស្មី មកឈប់ម៉ូតូ មុខតូប ហើយស្រែកសួរថាកូន នៅឯណា? នៅជាមួយអ្នកណា? នាងបានប្រាប់ថាកូននៅគេងក្នុងផ្ទះមិនទាន់ក្រោកទេ នៅជាមួយម៉ាក់(ម្តាយជនរងគ្រោះ) និងជាងម្នាក់ទៀត កំពុងលាបថ្នាំផ្ទះ ភ្លាមនោះជនបង្កបានទាញកាំបិតមកប្រហា មកលើរូបនាងតែម្តង ដូចមានចេតនាគិតទុកមុន ហើយស្រែកថា ហេតុអីបានជា ឲ្យគេចូលបន្ទប់មិនសុំការអនុញ្ញាត ពីគេជាមុនសិន។គួរបញ្ជាក់ផងដែរថា ជនបង្ក ស៊្រុន ពេជ្យរស្មី រូបនេះ តែងតែប្រើអំពើហិង្សាជា ញឹកញាប់ ច្រើនលើក ច្រើនសារ រហូតមានការលែងលះ។បច្ចុប្បន្នស្ត្រីរងគ្រោះត្រូវបានបញ្ជូនមកព្យាបាលនៅមន្ទីរពេទ្យឯកជនស្រុកសណ្តាន់ ដោយរងរបួសធ្ងន់ចំដៃឆ្វេងពីរកាំបិត ខាងស្តាំពីរកាំបិត និង កញ្ចឹងក មួយ កាំបិត ផងដែរ។

ដោយឡែកជនបង្កបន្ទាប់ពីធ្វើសកម្មភាព វាយប្រហា មកលើអតីតប្រពន្ធរួច បានរត់គិតខ្លួនបាត់ស្រមោល។ជាមួយគ្នានេះ លោក ឧត្តមសេនីយ៍ត្រី ហង្ស ថុល មេបញ្ជាការកងរាជអាវុធហត្ថខេត្តកំពង់ធំ បានបញ្ជាក់ប្រាប់អង្គភាពសារព័ត៌មានយើងតាមទូរស័ព្ទថា ពិតជាមានករណីហិង្សានេះ កើតឡើងក្នុងមូលដ្ឋានស្រុកសណ្តាន់ ប្រាកដមែន ហើយពេលនេះជនបង្កហេតុកំពុងរត់គេចខ្លួន មិនទាន់ចាប់បាននៅឡើយទេ ប៉ុន្តែកម្លាំងរបស់លោក កំពុងតែធ្វើការតាមប្រម៉ាញ់ យ៉ាងយកចិត្តទុកដាក់ តាមចាប់ជនបង្កហេតុ ចំណាត់តាមផ្លូវច្បាប់ ដើម្បីរកយុត្តិធម៌ជូនជនរងគ្រោះឲ្យខានតែបាន ក្នុងពេលឆាប់ៗនេះ។

ករណីខាងលើនេះមហាជនជាទូទៅក្នុងស្រុកសណ្ដាន់ និងរង់ចាំមើលចំណាត់ការរបស់កងកម្លាំងមន្ត្រីអាវុធហត្ថខេត្តកំពង់ធំ ក៏ដូចជាកម្លាំងជំនាញពាក់ព័ន្ធផ្សេងៗទៀត តើនិងតាមចាប់ជនជនតិរច្ឆាន ឃោរឃៅ ស្មូកក្រូក នេះត្រូវចំណាយពេលប៉ុន្មានថ្ងៃ។មហាជនខ្លះបានដាក់សំណួរសួរថា ក្នុងនាមជាកម្លាំងសមត្ថកិច្ចអាវុធហត្ថ ជាអ្នកគោរពច្បាប់!បែរជាជិះជាន់ច្បាប់! រំលោភច្បាប់! បំពានច្បាប់! ដូច្នេះតើច្បាប់អាចដាក់ទោសយ៉ាងណាទៅលើបុគ្គលរូបនោះក្រោយពីបានចាប់បាន។តែទោះជាយ៉ាងណាគេសង្ឃឹមទៅលើមេបញ្ជាការកងរាជអាវុធហត្ថខេត្តកំពង់ធំទាំងស្រុង! ព្រោះថា កន្លងមកលោកមានស្នាដៃយ៉ាងធំធេង ក្នុងការបង្ក្រាបរាល់បទល្មើស និងជនសង្ស័យ ដែលពាក់ព័ន្ធ នៅក្នុងខេត្តកំពង់ធំ៕


Post a Comment

0 Comments