www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

សម្តេច​តេ​ជោ ហ៊ុន សែន ជម្រះ​ក្អែល​មន្ត្រី​សុខាភិបាល​ដែល​ពាំ​ជាប់​គំនិត​អភិរក្សនិយម​

ភ្នំពេញ​៖​ប្រមុខ​រាជរដ្ឋាភិបាល​កម្ពុជា​បានប្រកាស​ធ្វើការ​កែតម្រូវ​មន្ត្រី​ផ្នែក​សុខាភិបាល​របស់​សម្តេច​។​ដោយ​សម្តេច​បានលើកឡើង​ថា​ខ្ញុំ​យក​ការសម្រេច​ដោយ​ការទទួលខុសត្រូវ​ចំពោះ​មុខ​ប្រជាជន​កម្ពុជា​ដោយ​មិន​ទុកឱ្យ​ផ្នែក​សុខាភិបាល​ពាំ​ជាប់​ជាមួយនិង​គំនិត​អភិរក្សនិយម​គ្មាន​ការប្រែប្រួល​នោះទេ​។​ក្រសួង​សុខាភិ​បាល​ត្រូវមាន​ការទទួលខុសត្រូវ​ឲ្យ​ច្បាស់​ក្នុង​ការផ្តល់​ឧបករណ៍តេស្ត​រហ័ស​ទៅតាម​បណ្តា​ខេត្ត​ ព្រោះឧបករណ៍សម្ភារៈទិញ មកមិនមែនទុកសម្រាប់អោបទេ ។

​សម្តេច​តេ​ជោ​នាយករដ្ឋមន្ត្រី ហ៊ុន សែន បាន​ថ្លែង​បែបនេះ​នៅ​ព្រឹក​ថ្ងៃទី​១ ខែកក្កដា ឆ្នាំ​២០២១ នៅក្នុង​ឱកាស​អញ្ជើញ​ដឹកនាំ​កិច្ចប្រជុំ​ស្តីពី​ការដោះស្រាយ​បញ្ហា​ជំងឺ កូ​វីដ​-១៩ ដែល​កំពុង​រីក​រាលដាល​នៅក្នុង​ប្រទេស​កម្ពុជា​តាម​រយៈ​ប្រព័ន្ធ​វីដេអូ​អន​ឡាញ​ដែល​ផ្សាយ​ចេញពី​ក្រុង​តាខ្មៅ​ខេត្តកណ្តាល​។​​សម្តេច​តេ​ជោ ហ៊ុន សែន បាន​ថ្លែងថា​៖«​ខ្ញុំ​យក​ការសម្រេច​ដោយ​ការទទួលខុសត្រូវ​ចំពោះ​មុខ​ប្រជាជន​កម្ពុជា​ដោយ​មិន​ទុកឱ្យ​ផ្នែក​សុខាភិបាល​ពាំ​ជាប់​ជាមួយនិង សតិអារម្មណ៍​អភិរក្សនិយម​គ្មាន​ការប្រែប្រួល​នោះទេខ្ញុំ​ត្រូវ យក​ការទទួលខុសត្រូវ​ក្នុងនាម​ជា​អ្នកទទួលខុសត្រូវ​លើ​នយោបាយ​ទូទៅ​ទាំង​ក្នុង​និង​ក្រៅប្រទេស​»​។

​សម្តេច​តេ​ជោ ហ៊ុន សែន បាន​បន្តថា​៖​ក្រសួងសុខាភិបាល​ត្រូវមាន​ការទទួលខុសត្រូវ​ឲ្យ​ច្បាស់​អត់​មាន​គេ​ឡើងមក​សុំ​ម្ដង​ពី​ពាន់​ឲ្យ​គេ ១​ពាន់​នោះទេ​អត់​និយាយ​គ្នា បានទេ​កន្លែង​ហ្នឹង ។ សម្តេច​តេ​ជោ​បាន​បន្តថា​៖«​ថ្ងៃមុន​ខ្ញុំ​បាន​ប្រាប់​លោកជំទាវ យក់ សម្បត្តិ ខ្ញុំ​ប្រាប់ថា​ខ្ញុំ​ឲ្យ​ទិញ​យកមក​មិនមែន​សម្រាប់​ទុក​ដេក​អោប​នោះទេ​។ ខ្ញុំ​ទូរ​សព្ទ​ទៅ តាម​ខេត្ត​គឺ​ខេត្ត​ទាំង​ប៉ុន្មាន​ថ្ងូរ​រហ៊ឹះ​សុំ ៣000 ឱ្យ​មួយ​ពាន់​ពី​រតនគិរី​ឡើងមក​យកបាន​ត្រឹម ១000 ក្រសួង​ឲ្យ​ហើយ​ប៉ុន្តែ​អា​អ្នក​កាន់​ឃ្លាំង​វា​មិនឱ្យ​ដូច នេះ​ខ្ញុំ​បាន​បញ្ជា​ថា​មួយ​ខេត្ត​ហោចណាស់​ឲ្យ​មួយ​ម៉ឺន​គ្រឿង »​។​​សម្តេច​តេ​ជោ ហ៊ុន សែន​បាន​បន្តថា​៖​ខ្ញុំ​បាន​ប្រាប់​លោកជំទាវ​យក់​សម្បត្តិ​ថា​ធ្វើ​របៀបនេះ​វា​មិន​ខុសពី​ឲ្យ​កងទ័ព​ទៅ​ច្បាំង​ហើយ​ខ្វះ​អាវុធ​នោះទេ​អញ្ចឹង​បាន​ខ្ញុំ​ត្រូវ​តាម មើល​ខេត្ត​បាន​វាយ​សារ​មក​មក​អរគុណ​ដែល​បានផ្ដល់​ឧបករណ៍​តេស្ត​រហ័ស​។​

​សម្តេច​តេ​ជោ ហ៊ុន សែន បាន​ថ្លែង​ដោយ​ភាពម៉ឺងម៉ាត់​ថា​៖«​ខ្ញុំ​សុំ​និយាយ​ឲ្យ​ច្បាស់​ថ្ងៃនេះ​ឲ្យ​ច្បាស់​ទាំងអស់គ្នា​ពេលវេលា​ថ្ងៃនេះ​មិនមែនជា​ពេលវេលា​សម្រាប់​ស្ដី បន្ទោស​ទេ​ប៉ុន្តែ​វា​ជា​ពេលវេលា​សម្រាប់ធ្វើ​ការកែតម្រូវ ។ សម្ភារៈ​មាន​ទុក​ក្នុង​ឃ្លាំង​ទុក​ធ្វើ​អី​តាំងពី​ឧបករណ៍​តាមដាន​រលក​ជីវិត ឧបករណ៍​សម្រាប់​ដក​ដង្ហើម​ខ្ញុំ​ស្រែក ម្ដង​ចេញ​បាន​ម្ដង ខ្ញុំ​ស្រែក​ពីរដង​ចេញ​បាន​ពីរដង ខ្ញុំ​ស្រែក​បី​ដង​ចេញ​បាន​បី​ដង ស្រែក​ចុងក្រោយ​បើ​ត្រូវការ​សម្ភារៈ​អ្វី​ទៀត​ដើម្បី​បំពេញតម្រូវការ​លុយ​វា​មិន​ខ្វះ​ទេរ​ដ្ឋា ភិ​បាល​ហ៊ុនសែន មិនទាន់​ដល់​កម្រិត​ដួលរលំ​ដោយសារ​កូ​វីដ​ក្នុង​រយៈពេល​ជិត​ពីរ​ឆ្នាំនេះ​ទេ​នៅ​អាចរ​ស់បាន​។ ប៉ុន្តែ​អ្វីដែល​បានកើត​ហើយ​ខ្ញុំ​ត្រូវ​កែតម្រូវ​ហើយ​និ​យា យ​ឲ្យ​ចំៗ​មុខ​គ្នា​… »​។

​សម្តេច​តេ​ជោ ហ៊ុន សែន បាន​បញ្ជាក់ថា​៖​នៅ​គ្រប់​ច្រកព្រំដែន​ទាំងអស់​ជុំវិញ​ប្រទេស​ដែលមាន​កន្លែង​ច្រកចេញចូល​ត្រូវដាក់​ឧបករណ៍​ធ្វើតេស្ត​រហ័ស ។ សូម​ចាំ ឲ្យ​ច្បាស់​ការរកឃើញ​រហ័ស​គ្រប់គ្រង​មនុស្ស​បាន​លឿន​នេះ​ជា​យុទ្ធសាស្ត្រ​ហេតុអ្វី​បានធ្វើ​គ្រូពេទ្យ​,​បានធ្វើ​មន្ត្រី​សុខាភិបាល​មិន​យល់​អំពី​កិច្ចការ​នេះ​នៅចាំ​ទេ​ពេល​មួយ​នោះ​រហូតដល់​នាយករដ្ឋមន្ត្រី​បញ្ជា​កន្លែង​មន្ទី​ពិសោធន៍​របស់​យើង​ធ្វើតេស្ត​អា​កន្លែង​មិន​សំខាន់​មុន​អា​កន្លែង​ដែល​សំខាន់​។​ច​ណុ​ច​ដែល​ត្រូវ​រកឱ្យឃើញ​លឿន​បែរជា​ទុក​ដល់​ម៉ោង​២​ភ្លឺ​បានឃើញ​លទ្ធផល​តើ​រដ្ឋមន្ត្រី​សុខាភិបាល​យល់​យ៉ាងម៉េច​ឯកឧត្តម​លោកជំទាវ​ខាង​សុខាភិបាល​យល់​យ៉ាងម៉េច​?​ខ្ញុំ​កាន់​លទ្ធផល​នៃ​ការធ្វើ​តេស្ត​រង​ចាំំ​ពេលវេលា​ដោយ​ញ័រ​ដៃ វា​ខុសគ្នា​ជាមួយនឹង​ការប្រយុទ្ធ​ខាង​យោធា​អា​សំណាក​ដែល​ត្រូវ​ដឹង​មុន​បែរជា​ទុក្ខ​ក្រោយ​អា​សំណាក​ដែល​មកពី​ខាង​នេះ​ពី​ការ​នោះ ត្រូវធ្វើ​តេស្ត​មុន​ម៉ោង ១២ ថ្ងៃត្រង់ ហើយ​អា​លទ្ធផល​អាទិភាព​បែរក្រោយ​ម៉ោង ១ ម៉ោង ២ ភ្លឺ​បានដឹង​លទ្ធផល​…»​។

​សម្តេច​បន្ត​ថាបើ​អស់លោក​កាន់​ការងារ​បច្ចេកទេស​របៀបនេះ​ខ្ញុំ​គិតថា​មិន​គ្រប់គ្រាន់​ទេ​ត្រូវ​កែតម្រូវ​កុំ​ឱ្យនៅ​បែប​អភិរក្សនិយម​របៀបនេះ​តទៅទៀត​មាន​របស់​មិន​ចែកចាយ​មិន​បំពាក់​ស្រែក​ម្ដង​ទៅធ្វើ​បាន​ម្ដង​ស្រែក​ពីរដង​ធ្វើបាន​ពីរដង​។​សម្តេច​បញ្ចាក់​ថា​នេះ​មិនមែន​ជាការ​ស្ដី​បន្ទោ​ទេ​ខ្ញុំ​បាន​និយាយ​តាំងពី​ដើមទី​ក៏ប៉ុន្តែ​ខ្ញុំ​ក៏ត្រូវ​តែ​ដឹង ថា​ពេលវេលា​នេះ​ជា​ពេលវេលា​ដែល​ខ្ញុំ​ត្រូវការ​ធ្វើការ​កែតម្រូវ​មន្ត្រី​ដឹកនាំ​ព្រោះ​ធ្វើ​នាយករដ្ឋមន្ត្រី​មិនដឹងខ្យល់​អី​សោះ​ក៏​មិនកើត​ដែរ​«​អា​សុក​ក៏​អឺ អា​សៅ​ក៏​អឺ មិនកើត នោះទេ​» ។ ខ្ញុំ​ត្រូវ​ស្វែងយល់​ពី​ការលំបាក​របស់​ខេត្តឧបករណ៍​ធ្វើតេស្ត​រហ័ស​បែរជា​ទុកចោល​នៅក្នុង​ឃ្លាំង អា​កន្លែង​ប្រយុទ្ធ​ពិតប្រាកដ​វា​បែរជា​អត់​មាន​ឧបករណ៍ ពីថ្ងៃ​នេះ​ទៅ​ត្រូវ​តាមដាន​ឲ្យ​ជាប់ ៕

Post a Comment

0 Comments