www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ថៅកែ​បុរី​ប្រើ​សែក​ស្អុយ​​ក្នុងទឹកប្រាក់៤៤​ម៉ឺន​​​ដុល្លារ​​​​ ត្រូវបានចៅក្រមស៊ើបសួរអនុញ្ញាតឱ្យ​ទៅ​ផ្ទះ​វិញ​ហើយ

រាជធានី​ភ្នំពេញ ៖ ​​ចៅក្រម​ស៊ើ​សួរ​សាលាដំបូង​រាជធានី​ភ្នំពេញបាន​សម្រេច​ឲ្យ​លោក កែវ មុនី​រតន៍ ថៅកែ​បុរី អ៊េ​មឺ​រ៉​ល​ដ៏ ស៊ី​ធី វិល​ទៅ​ផ្ទះ​វិញ នា​រសៀល​ថ្ងៃ​ទី​២៣ ​កក្កដា នេះ តែ​តម្រូវ​ដាក់​ឲ្យ​ស្ថិត​នៅ​ក្រោម​ការ​ត្រួតពិនិត្យ​តាម​ផ្លូវ​តុលាការ និង​ត្រូវ​រក​ប្រាក់​សង​ដើមបណ្តឹង​ចំនួន​៤៤ម៉ឺនដុល្លារ​អា​មេ​រិ​ក បើសិន​មិន​គោរព​ឲ្យ​ភ្ជាប់​ភ្ជូ​ន​តាម​លក្ខ​ណ្ឌ​នេះ​ទេ តុលាការនឹងចាប់ខ្លួន​មក​វិញ ដើម្បី​អនុវត្ត​តាម​ច្បាប់​ជា​ធរមាន ។ សូមបញ្ជាក់ថា នគរបាល​ព្រហ្មទណ្ឌ ចាប់ខ្លួន​ថៅកែ​បុរី អ៊េ​មឺ​រ៉​ល​ដ៏ ស៊ី​ធី បញ្ជូន​ទៅ​តុលាការ

សូមរំលឹកថា នា​រសៀល​ថ្ងៃ​ទី​២២ ខែកក្កដា នេះ លោក ធា​ម ច័ន្ទ​ពិសិដ្ឋ ចៅក្រម​ស៊ើបសួរ​សាលាដំបូង​រាជធានី​ភ្នំពេញ បាន​ធ្វើការ​សាកសួរ​លើ​សំណុំរឿង​នោះ​ចប់​សព្វគ្រប់​ហើយ ប៉ុន្តែ​ដោយសារ​ពេលវេលា​ល្ងាច​ពេក​ផុត​ម៉ោង​រដ្ឋបាល លោក​ចៅក្រម​ស៊ើបសួរ​បាន​ផ្ញើ​ថៅកែ​បុរី​រូប​នេះ ទៅ​សម្រាក​នៅ​ការិយាល័យ​នគរបាល​ព្រហ្មទណ្ឌ​កម្រិត​ស្រាល​មួយ​យប់​ទៀត និង​តម្រូវ​ឲ្យ​ព្រឹក​ថ្ងៃ​ទី​២៣ ខែកក្កដា នាំ​ខ្លួន​ថៅកែ​បុរី​នោះ​ទៅ​តុលាការ​វិញ ដើម្បី​សម្រេច​ពី​ជោគវាសនា ត្រូវ​ឃុំ​ឬ​មិន​ឃុំខ្លួន វា​ជា​ឆ័​ន្ទា​នុ​សិទ្ធិ​របស់​លោក​ចៅក្រម ។

តែបើ​តាម​ប្រភព​ព័ត៌មាន​បង្ហើប​ឲ្យ​ដឹង​មិន​ទាន់​ជា​ផ្លូវការ​ថា ថៅកែ​បុរី អ៊េ​មឺ​រ៉​ល​ដ៏ ស៊ី​ធី នោះ ទំនង​អាច​មាន​សង្ឃឹម​បាន​វិល​ទៅ​ផ្ទះ​វិញ គ្រាន់ តែ​ជាប់​កាតព្វកិច្ច​របស់​ចៅក្រម​ស៊ើបសួរ​.​ដាក់​ឲ្យ​ស្ថិត​ក្រោម​ការ​ត្រួតពិនិត្យ​តាម​ផ្លូវ​តុលាការ​.​តម្រូវ​ឲ្យ​រក​ប្រាក់​សង​ដើម​ទៅ​បណ្តឹង​ប្រមាណ​៤៤ ម៉ឺន​ដុល្លារ​អា​មេ​រិ​ក ពាក់​ពន្ធ​ករណី​មិន​គោរព​កាត​ព្វ កិច្ច​ចំពោះ​ឧក​រណ៍​អាច​ជួញដូរ​បាន ពោល​គឺ​ចេញ​មូល​ប្ប​ទាន​ប័ត​អត់​សាច់ប្រាក់​ហៅ​ថា (​សែក​ស្អុយ​) ។ ទីបំផុត​ថៅកែ​បុរី អ៊េ​មឺ​រ៉​ល​ដ៏ ស៊ី​ធី ប្រើ​សែក​ស្អុយ​លើ​ទឹកប្រាក់ ៤៤ ម៉ឺន​ដុល្លារ​អា​មេ​រិ​ក នោះ​ត្រូវ​បាន​ចៅក្រម​ស៊ើបសួរ​ឲ្យ​ទៅ​ផ្ទះ​វិញ​បាត់។ 

សូម​បញ្ជាក់​ថា កាលពី​រសៀល​ថ្ងៃ​ទី​២១ ខែកក្កដា ឆ្នាំ​២០២១ កម្លាំង​សមត្ត​កិច្ច​នគរបាល​ការិយាល័យ​ព្រហ្មទណ្ឌ​កម្រិត​ស្រាល​រាជធានី​ភ្នំពេញ បាន​ធ្វើការ​ឃាត់ខ្លួន​ថៅកែ​បុរី​ម្នាក់ តាម​ដីកា​បង្គាប់​ឲ្យ​នាំ​ខ្លួន​របស់​លោក ធា​ម ច័​ន្ធ​ពិ​សិទ្ធ ចៅក្រម​ស៊ើប សួរ​សាលាដំបូង​រាជធានី​ភ្នំពេញ ពី​បទ​.​មិន​បំពេញ​កាតព្វកិច្ច​ចំពោះ​ឧបករណ៍​អាច​ជួញដូរ​បាន​.​តាម​មាត្រា​២៣១ នៃ​ច្បាប់​ស្តី​ពី​ឧប​ករណ៍​អាច​ជួញដូរ​បាន និង​ប្រព្រឹត្ត​ការ​ទូទាត់​ប្រាក់ ប្រព្រឹត្ត​នៅ​ចំណុច​រាជធានី​ភ្នំពេញ កាលពី​ថ្ងៃ​ទី​១៧ ខែកុម្ភៈ ឆ្នាំ​២០២០ ។

ជនសង្ស័យ​មានឈ្មោះ កែវ មុនី​រតន៍ ភេទ​ប្រុស អាយុ​៥៥ ឆ្នាំ មុខរបរ ជា​ថៅកែ​បុរី អ៊េ​មឺ​រ៉​ល​ដ៏ ស៊ី​ធី មាន​អាសយដ្ឋាន​ស្នាក់​នៅផ្ទះ​លេខ​៧ ផ្លូវ​លេខ​១០១៥ ភូមិ​បា​យ៉ាប សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ ។ ក្រោយ​ឃាត់ខ្លួន​សមត្ត​កិច្ច​បាន​និង​កំពុង​រៀបចំ​សំណុំរឿង បញ្ជូន​ថៅកែ​បុរី​នោះ​ទៅ​កាន់​សាលាដំបូង​រាជធានី​ភ្នំពេញ នា​រសៀល​ថ្ងៃ​ទី​២២ ខែកក្កដា នេះ។ បើ​យោង​តាម​សមត្ថ​កិច្ច​បាន​បង្ហើប​ថា លោក កែវ មុនី​រតន៍ ថៅកែ បុរី អ៊េ​មឺ​រ៉​ល​ដ៏ ស៊ី​ធី ធ្លាប់​ត្រូវ​បាន​សមត្ថកិច្ច​ឃាត់ខ្លួន​បញ្ជូន​ទៅ​តុលាការ និង​នាំ​ទៅ​ដាក់​ពន្ធនាគារ​ចំនួន​២​លើក​មក​ហើយ ហើយ​លើក​នេះ​បើ​អាច​ជាប់​ទៀត​នោះ​សរុប​៣ លើក​ពាក់ព័ន្ធ​ករណី​ចេញ​សែក​ស្អុយ​ដដែល ។

Post a Comment

0 Comments