ភ្នំពេញ៖ ៥ខែឆ្នាំ២០២១ វិស័យអាកាសចរណ៍នៅកម្ពុជា មានការធ្លាក់ចុះជាង ៩០ភាគរយ ប៉ុន្តែការដឹក ជញ្ជូនទំនិញតាមផ្លូវអាកាសមានការងើបឡើងបន្តិច បើធៀបនឹងរយៈពេលដូចគ្នាកាលពីឆ្នាំ២០២០ ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMmVIQWc9PSIsImV4cCI6bnVsbCwicHVyIjoiYmxvYl9pZCJ9fQ==--ad86da87c10b7ae9d3e03167a8f1e4f40eb39d78/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/4AD88C72-557E-4E88-B725-A0F4BB6.jpeg)
ឯកឧត្ដម បន្តថា គិតត្រឹមចុងខែឧសភាឆ្នាំ២០២១ វិស័យដឹកជញ្ជូនតាមផ្លូវ អាកាសនៅកម្ពុជាធ្លាក់ចុះចន្លោះពី៩២-៩៤ភាគរយ ប៉ុន្តែមានការងើបឡើងវិញបន្តិចសម្រាប់ការដឹកជញ្ជូនទំនិញតាមផ្លូវអាកាសដោយ សារមានតម្រូវការប្រើប្រាស់ទំនិញច្រើន ដូចជា ទំនិញតាមអនឡាញ ព្រមទាំងការដឹកជញ្ជូនទំនិញផ្សេងៗទៀត ជាពិសេសការដឹកជញ្ជូនវ៉ាក់ សាំង ម៉ាស បរិក្ខាពេទ្យជាដើម ។
« ដោយឡែកនៅ ក្នុងប្រទេសកម្ពុជាយើងវិញ យើងដឹងស្រាប់ហើយថាប្រទេសកម្ពុជាយើងមានការធ្លាក់ចុះដដែល គឺជាង៩០ ភាគរយ ចន្លោះពី៩២ទៅ៩៤ ភាគរយ ហើយសម្រាប់នៅថ្ងៃខ្លះទៅគឺមានក្រាហ្វិកចរាចរ ណ៍ច្រើន ប៉ុន្តែជាមធ្យមគឺនៅខ្ទង់៩៤ភាគរយ នេះបើយើងធៀបឆ្នាំ២០២១ ក្នុងរយៈ ពេលប្រាំខែនេះ គឺយើងគិតត្រឹមដើមខែមិថុនាធៀបនឹងរយៈពេលដូចគ្នាឆ្នាំ២០២០ ប៉ុន្តែសម្រាប់ការដឹកជញ្ជូនទំនិញមានការកើនឡើង ពី មុនយើង-៦០ភាគរយកាលពី ២០២០ ប៉ុន្តែឥឡូវនេះយើងគិតរយៈពេលប្រាំខែ គឺយើងដកជាង៣០ភាគរយជាង គឺធ្លាក់ចុះ៣៤ភាគរយ ដូច្នេះនេះមានការកើនឡើង » ។
ឯកឧត្តមបានបន្តទៀតថា ៥ខែឆ្នាំ២០២១នេះ អាកាស យានដ្ឋានអន្តរជាតិទាំង៣ របស់កម្ពុជា ទទួលបានអ្នក ដំណើរបានចំនួន១១៥ ៣៥៣នាក់ ស្មើនឹង៤១៣៤ ជើង ខណៈការដឹកជញ្ជូនទំនិញមានចំនួន ២២ ៩៧៣ តោន ។
សូមបញ្ជាក់ថា តាមការព្យា ករណ៍ការធ្វើដំណើរតាមផ្លូវ អាកាស អាចនឹងល្អប្រសើរឡើងវិញ នៅក្នុងឆ្នាំ២០២៣ ។ ដោយឡែកបើតាមការរំពឹងរបស់ក្រុមហ៊ុនផលិតយន្ដហោះធំៗ២ គឺ Boeing និង Airbus ការហោះហើរមានប្រក្រតីភាពឡើងវិញ អាចក្នុង អំឡុងឆ្នាំ២០២៣-២០២៤ ៕
No comments:
Post a Comment