www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ប្រជាពលពលរដ្ឋ​រាប់រយនាក់​ បានលើកគ្នា​​មកតវ៉ា ស្នើ​សុំ​បណ្តេញ​ចៅ​អធិ​ការ​​វត្ត​សិរី ចេញពី​វត្ត

ខេត្តកំពង់ឆ្នាំង ៖ ប្រជាពលរដ្ឋជាង​២០០​នាក់ ក្នុងភូមិ​សិរី ឃុំ​ខុន​រ៉​ង ស្រុក​បរិបូរ​ណ៌ បាន​នាំ​គ្នា​មក​កាន់​វត្ត​សិរី ដើម្បី​ស្នើ​សុំ​ដល់​អាជ្ញាធរ និង​មន្ទីរ​ពាក់​ព​ន្ឋ័ ស្នើ​សុំ​និមន្ត​ចៅអធិការ​វត្ត​សិរី ចេញពី​វត្ត ដោយ​ចោទប្រកាន់​ថា​ ជាង​៤​ឆ្នាំ​កន្លង​ទៅ​នេះ​ ចៅអធិការ​វត្ត​ មិន​ដែល​បាន​កសាង​អ្វី​សោះឡើយ និង​បាន​ធ្វើ​ឱ្យ​អាប់ឱន​ដល់​វិស័យ​ព្រះ​ពុ​ទ្ឋ​សាសនា​ទៀត​ផង ។​ ការផ្ទុះ​អធិករណ៍​នេះ​បាន​កើតឡើង​​កាលពី​ព្រឹក​ថ្ងៃ​ទី​៧ ខែសីហា ឆ្នាំ​២០២១​។ប្រជាពលរដ្ឋ​ទាំងនោះ​បាន​លើក​ឡើង​ថា​​ រាល់​បច្ច័យ​ដែល​បាន​មក​ពី​បុណ្យ​ទាន ដូច​ជា​បុណ្យចូលឆ្នាំ បុណ្យ​ភ្ជុំ​បិ​ណ្យ បុណ្យ​កឋិនទាន បុណ្យផ្កា ជាដើម គឺ​​ព្រះ​ចៅអធិការ​វត្ត​សិរី ព្រះ​នាម ប៊ូ ច័ន្ទ​មុន្នី បាន​យក​ទុក​ផ្ទាល់ខ្លួន​ ហើយ​មិន​ដែល​បាន​យក​ទៅ​កសាង​អ្វី​ឡើយ ។ ​ផ្ទុយ​ទៅ​វិញ ពេល​ដែល​ក្រុម​ងារ​ងារ​ថ្នាក់​ខេត្ត ឬ ថ្នាក់​ជាតិ​ចុះ​មក​ជួយ​កសាង​អ្វី​ក្នុង​វត្ត​គឺ​ចៅអធិការ​ចេះ​តែ​ជំទាស់​ជា​និច្ច​។

ជាក់ស្តែង​ដូច​ជា​សប្បុរសជន ជួយ​កសាង​សាលាឆាន់ ពេល​ដល់​ថ្ងៃ​ត្រូវ​ក្រុង​ពាលី​​ លើកជហ្វា ប្រក់​ដំបូល បែរ​​ជា​ចៅអធិការ​វត្ត​ចេញ​មក​ហាមឃាត់ រហូត​មាន​ទំនាស់​ពាក្យ​សំដី​គ្នា​ទៀត​ផង ។ កាល​ណោះ ប្រជាពលរដ្ឋ​បាន​ជំនះ​ក្រុង​ពាលី លើក​ជហ្វា និង​ប្រក់​ដំបូល​សាលាឆាន់​រហូត​ហើយ​។ ចៅអធិការ​វត្ត​សិរី មាន​បើក​ព្យាបាល​ជម្ងឺ​តាម​បែប​ព្រហ្មញ្ញ​សាសនា ដោយ​មាន​ពាក់​ខ្យែ​អង្កាំ លើ​ដៃ លើ​ខ្លួន និង​សាក់ ពេញ​ខ្លួន មិន​សមជា​ព្រះសង្ឃ សា​វ័ក​របស់​ព្រះ​ពុ​ទ្ឋ​ឡើយ​។ ការ​ទទួល​អ្នកជម្ងឺ​មក​ស្នាក់​នៅ​ព្យាបាល​ក្នុង​សម័យ​កូ​វីដ​​នេះ ក៍​គួរ​ព្រួយ​បារ​ម្ភ​ណាស់ មិនដឹង​ថា​អ្នកជម្ងឺ​នោះ​វិជ្ជមាន ឬ អវិជ្ជមាន​កូ​វីត​១៩​ឡើយ ​។​ប្រជាពលរដ្ឋបានបន្ត​ថា លើស​ពី​នេះ ចៅអធិការ​​១អង្គ​​នោះ​បាន​អនុញាតឱ្យ​អ្នក​ស្លា.ប់​ដោយសារ​ជម្ងឺ​កូ​វីត​១៩​នៅ​ផាត់​សណ្តាយ​ខេត្តកំពង់ធំ មក​បូជា​នៅ​វត្ត​ទៀត​ផង តែ​កាល​ណោះ​មាន​ប្រជាពលរដ្ឋ​តវ៉ា​ខ្លាំង ទើប​គេ​ដឹក​ស.ព​ចេញ​ទៅ​វិញ ។ ជាមួយ​គ្នា​នេះ​ចៅអធិការ​វត្ត​សិរីមួយ​អង្គ​នេះ គ្មាន​សីលធម៌ ដាក់​មេក្រូ​ជេរ​ដៀល​រដ្ឋអំណាច ចាក់​មេក្រូ​ចាក់​បទ​ចម្រៀង​ភ្លេង​ការ អូន​បង , សូត្រធម៌​ឥណ្ឌា មន្តអាគម​អូ​ម​អាម និងអួតអាង​ខុស​វិន័យ​សង្ឃ ។

 ចៅអធិការ​វត្ត បាន​ឈ្លោះ​ជេរ​គ្នា​អាមឹង​ជាមួយ​ប្រជាពលរដ្ឋ ក្នុង​វត្ត រួច​ប្តឹង​ប្រជាពលរដ្ឋ​ទៅ​នគរបាល​ស្រុក​ចោទ​ថា​ប៉ុនប៉ង​ធ្វើឃា.ត, មិន​ទទួល​ការ​និមន្ត​ទៅ​ធ្វើបុណ្យ​តាម​ផ្ទះ​, ។ ​អ្វី​ដែល​ហួសចិត្ត​ទៀត​នោះ ពេល​មាន​អគ្គី​ភ័យ​ឆេះ​កញ្ជ្រាំង​ស្រូវ​រាលដាល់​ទៅ​ជិត​ផ្ទះ​ប្រជាពលរដ្ឋ រថយន្ត​ពន្លត់អគ្គីភ័យ របស់​នគរបាល បាន​ទៅ​បូមទឹក​អណ្តូង​ក្នុង​វត្ត​ដើម្បី​ពន្លត់អគ្គីភ័យ បែ​ជា​ចៅអធិការ​មិន​ឱ្យ​បូម​ជាដើម ។​ កន្លង​ទៅ ចៅអធិការ​វត្ត បាន​ប្ដឹង​សាមណេ ដែល​ចៅអធិការ​វត្ត​ខ្លួនឯង បំបួស​អត់​ច្បាប់​១​អង្គ ដាក់គុក​ដល់​រាល់ថ្ងៃ ដោយ​សារ​តែ​បាន​វាយ​​ព្រះកេស​​លោក​នឹង​អំបោស ។​កន្លង​ទៅ​ប្រជាពលរដ្ឋ​ធ្លាប់​ប្ដឹង​ទៅ​ធម្មការ​ស្រុក​-​ខេត្ត និង​មេគុណ​ស្រុក -​ខេត្ត ជា​ច្រើន​ដង​ហើយ​តែ​លោក​មិន​ព្រម​និមន្ត​ចេញពី​វត្ត ហើយ​បាន​ប្រើ​ពាក្យ​ថា​៖ ទឹក​១​ថ្លុក ដី​១​ដុំ ជា​របស់​លោក លោក​មិន​ចេញ​ទៅ​ណា​ឡើយ បើ​ទោះបី​មាន​លោក​ចៅអធិការ​ចំនួន ២៧​វត្ត នៅ​ក្នុងស្រុក​បរិបូណ៌ ផ្ដិត​មេដៃ​សុំ​ឲ្យ​លោ ក​និមន្ត​ចេញពី​វត្ត​សិរី ក៏​លោក​មិន​ព្រម​ចេញ​ដែរ ។ ប្រជាពលរដ្ឋ​ជាង​២០០​នាក់​បាន​សំណូម​ទទូច​ស្នើ​សុំ​មន្ត្រី​ជំនាញ និង​អាជ្ញាធរ​ពាក់​ព​ន្ឋ​សូម​មេត្តា​ជួយ​អន្តរាគមន៍ និមន្ត​ចៅអធិការ​វត្ត​រូប​នោះ​ចេញពី​វត្ត​ផង ព្រោះ​សព្វថ្ងៃ ប្រជាពលរដ្ឋ គ្មាន​ទី​អារាម​ធ្វើបុណ្យ​ទេ បើ​ចង់​ធ្វើបុណ្យ​ត្រូវ​ទៅ​វត្ត​ឆ្ងាយ​សម្រាប់​វត្ត​សិរី​នេះ បើ​ចៅអធិការ​វត្ត​មិន​ព្រម និមន្ត​ចេញ​ទេ គ្មាន​ប្រជាពលរដ្ឋ​ណា ចូល​ធ្វើបុណ្យ​ជាមួយ​ឡើយ​។

ទាក់ទង​នឹង​ការ​ចោទប្រកាន់​ខាងលើ​នេះ​ដែរ ចៅអធិការ​វត្ត​សិរី ព្រះ​នាម ប៊ូ ច័ន្ទ​មុន្នី ព្រះ​ជន្ម​៤២ ព្រះ​វស្សា បាន​មាន​ថេរ​ដិ​ការ​ថា​៖ ព្រះ​អង្គ​បាន​និមន្ត​ចេញពី​វត្ត​ត្រពាំង​ចាន់ មក​គង់​ក្នុង​វត្ត​អង្គ​សិរី​នេះ​​កាលពី​​ឆ្នាំ​២០១៧ តាម​ការ​និមន្ត​របស់​លោក​មេឃុំ ចាន់ អាន និង​ប្រ​ជា​ពលរដ្ឋ​ដែល​បាន​ផ្តិត​មេដៃ​ឱ្យ​លោក​ប្រមាណ​៦០​នាក់ ។ ហើយ​លោក​ត្រូវ​បាន​តែងតាំង​ជា​លោកគ្រូ​ចៅ អធិការ​វត្ត នៅ​ឆ្នាំ​២០២០ ។ ចំពោះ​ការ​ចោទប្រកាន់​ខាងលើ​ជា​រឿង​មិន​ពិត ដូច​ជា ចោទ​ថា​លោក​មិន​បាន​កសាង គឺ​លោក​បាន​កសាង​បាន​កុ​ដិ​១​ខ្នង និង​ចាក់​ដី​ក្នុង​បំពេញ​ក្នុង​វត្ត ជាដើម​ ។​ ព្រះ​អង្គ​មិន​ដែល​បដិសេធក្នុង​ការ​និមន្ត​របស់​ប្រជាពលរដ្ឋ​ឡើយ​ ។ ចំណែក​ព្រះអង្គ​ មិន​ឱ្យ​ក្រុង​ពាលី លើក ជហ្វា និង​ប្រក់​ដំបូល​សាលាឆាន់ គឺ​មក​ពី​គ្មាន​នរណា​មកប្រាប់​ព្រះអង្គ​ជា​មុន ព្រោះ​​ព្រះអង្គ​ជា​ចៅអធិការ​នៅ​វត្ត​នេះ មិនមែន​ចេះ​តែ​ធ្វើ​អ្វី​តាម​ចិត្ត​ទេ​ ។

​ចៅអធិការវត្ត​​ដដែលបានបន្ត​ថា រឿង​យក​ស.ព​អ្នក​កូ​វីដ​មក​បំរុង​បូជា​នៅ​វត្ត ជា​រឿង​របស់​អាជ្ញាធរ​ខេត្ត​ទេ កាល​ណោះ​មានការ​តវ៉ា​ទើប​គេ​ដឹក​ស.ព​ចេញ​។ ចាប់តាំងពី​មាន​ជម្ងឺ​កូ​វីត​មក ព្រះ​អង្គ​ឈប់​ទទួល​អ្នកជម្ងឺ​ព្យាបាល​ហើយ សព្វថ្ងៃ​នៅ​តែ​សិស្សគណ​តិចតួច​ប៉ុណ្ណោះ ​ដែល​មក​ឱ្យ​​ព្រះអង្គ​ស្រោចទឹក​ឱ្យ មួយ​ពេល​ៗ ។ ចំពោះ​ការ​ចាក់​មេក្រូ សូត្រធម៌​ឥណ្ឌា គឺជា​ធម៌​ចេញពី​ប្រទេស​ឥណ្ឌា​ទេ លោក​មិន​ចេះ​ធម៌​ឥណ្ឌា​ឡើយ តែ​ធ្លាប់​មាន​ចាក់​ភ្លេង​ការ​មែនដែរ ក្រោយមក​ក៍​ឈប់​ទៅ​ ។ ​ចំពោះ​រឿង​មិន​ឱ្យ​រថយន្ត​ពន្លត់អគ្គីភ័យ​បូមទឹក​អណ្តូង​ក្នុង​វត្ត គឺ​ព្រះ​អង្គ​ធ្វើ​តាម​អនុ​សាស្ត្រ​សម្តេច ដែល​ប្រកាស​ឱ្យ​រក្សា​ទឹក​ទុក ព្រោះ​ជា​រដូវ​រាំង​ស្ងួត​, បើ និយាយ​ជា​រួម​រាល់​ការ​ចោទប្រកាន់ ជា​រឿង​មិន​ពិត​ទាំងអស់ អាត្មា​ក៏​ចង់បាន​ភាព​យុត្តិធម៌​ផង​ដែរ​។

ដោយឡែក លោក ចាន់ អាន មេឃុំ​ខុន​រ៉​ង វិញ​ក៍បាន​លើក​ឡើង​ដែរ​ថា​ លោក​មិន​បាន​និមន្ត​លោក​ឲ្យ​មក​គង់​ក្នុង​វត្ត​នេះ​ឡើយ តែ​លោក​មិន​ព្រម​ស្ដាប់ នៅ​តែ​មក​គង់នៅ​វត្ត​នេះ ហើយ​ចាប់ពី​មក​គ​ង់​នៅ​វត្ត​នេះ កើត​មាន​អធិករណ៍​ជិត​១​អាណត្តិ​រយៈពេល​៥​ឆ្នាំ នៃ​បោះ​ឆ្នោត​មេឃុំ​ទៅ​ហើយ ប្រសិនបើ​​ចៅអធិការវត្ត​១អង្គនេះ​​នៅ​តែ​មិន​និមន្ត​ចេញពី​វត្ត​នេះ​ទេ អធិករណ៍​នឹង​តែ​កើត​មាន​រហូត ហើយ​វត្ត​មួយ​នេះ​លែង​មាន​ប្រជាពលរដ្ឋ​ចូល​ធ្វើបុណ្យ​កសាង​អ្វី​ឡើយ​។ទោះ​យ៉ាងណា​ជុំវិញ​អធិករណ៍​នេះ បើ​មន្ទីរ​ជំនាញអា​ជ្ញ​ធរ​គ្រប់​ជាន់ថ្នាក់ រួម​ទាំង​មន្ត្រី​សង្ឃ​ផង​ដែរ មិន​ប្រញាប់​ដោះស្រាយ​ទេ នឹង​មាន​អធិករណ៍​កាន់តែ​ធំ​ជាង​នេះ ព្រោះ​វិវាទ​នេះ​យូ​រ​រ៉ាំ​រ៉ៃ​ណាស់ ៕





















Post a Comment

0 Comments