www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ជោគវាសនា​របស់ ម្ចាស់​គណនី​ហ្វេ​ស​ប៊ុ​ក​ឈ្មោះ IMan-KH ដែលបានបង្ហោះ​ខ្លឹមសារ​ឌឺដង​រដ្ឋាភិបាល ដោយ​ប្រើ​ពាក្យ​ថា «​ទិញ​ម៉ាស​ពាក់​ឲ្យ​កូន​មាន់​»

រាជធានី​ភ្នំពេញ ៖ លោក សុង ប៊ុ​ណ្ណា​រិ​ទ្ធ ចៅក្រម​ជំនុំជម្រះ​សាលាដំបូង​រាជធានី​ភ្នំពេញ នា​ព្រឹក​ថ្ងៃ​ទី​១៨ ខែសីហា ឆ្នាំ​២០២១ បាន​ប្រកាស​សាលក្រម​ផ្តន្ទាទោស​លើ​សំណុំរឿង​ពី​បទ​.​ញុះញង់ ឲ្យ​មានការ​រើសអើង និង​ជេរ​ប្រមាថ​. ដល់​មន្ត្រីរាជការ​សាធារណៈ ដែល​មាន​ជនជាប់ចោទ​ឈ្មោះ នី ណា​ក់ ដាក់​ពន្ធនាគារ​កំណត់​១​ឆ្នាំ​កន្លះ និង​ពិន័យ​ជា​ប្រាក់​ចូល​ថវិការដ្ឋ​ចំនួន​២​លាន​រៀល ។សាលក្រម​បាន​ទុក​សិទ្ធិ​ឲ្យ​ប្តឹង​ឧទ្ធរណ៍ តាម​កំណត់​ច្បាប់ បើសិនជា​ជនជាប់ចោទ មិន​សុខចិត្ត​ក្នុង​ការ​កាត់ក្តី​នេះ ។

សូម​រំលឹក​ថា ជនជាប់ចោទ​ឈ្មោះ នី ណា​ក់ កន្លង​មក បាន​ប្រើប្រាស់ គណនី​ហ្វេ​ស​ប៊ុ​ក​ឈ្មោះ IMan-KH បង្ហោះ​ខ្លឹមសារ​ឌឺដង រដ្ឋាភិបាល​ប្រើប្រាស់​ដោយ​ប្រើ​ពាក្យ​ថា (​ទិញ​ម៉ាស​ពាក់​ឲ្យ​កូន​មាន់​) ហើយ​ត្រូវ​បាន​សមត្ថកិច្ច​នគរបាល​នាយកដ្ឋាន​ប្រឆាំង​បទល្មើស​បច្ចេកវិទ្យា ចាប់ខ្លួន​ប​ញ្ជួ​ន​ទៅ​កាន់​សាលាដំបូង​រាជធានី​ភ្នំពេញ កាលពី​រសៀល​ថ្ងៃ​ទី​១១ ខែធ្នូ ឆ្នាំ ២០២០ ។ពេល​នោះ​ស្ថិត​នៅ​ដំណាក់កាល​ស៊ើបសួរ​លោក ប្លង់ សុផល ព្រះរាជអាជ្ញា​រង​នៃ​អយ្យការ​អម​សាលាដំបូង បាន​សម្រេច​ធ្វើការ​ចោទប្រកាន់​ជនសង្ស័យ​ឈ្មោះ នី ណា​ក់ ជា​ផ្លូវការ ពី​បទ​.​ញុះញង់​ឲ្យ​មានការ​រើសអើង​. និង​ជេរ​ប្រមាថ​ដល់​មន្ត្រីរាជការ​សាធារណៈ តាម​មាត្រា ៣០៧.៤៩៤ និង មាត្រា​៤៩៦ នៃ​ក្រមព្រហ្មទណ្ឌ ប្រព្រឹត្ត​កាលពី​ថ្ងៃ​ទី​៧ ខែធ្នូ ឆ្នាំ​២០២០ ។

ក្រោយ​ពី​តំណាង​អយ្យការ​បាន​ធ្វើការ​ចោទប្រកាន់​ជា​ផ្លូវការ​ហើយ​នោះ សំណុំរឿង​ត្រូវ​បាន​ចាត់​បញ្ជូន​ទៅ​ចៅក្រម​ស៊ើបសួរ គឺ​លោក ហុង សុ​គុណ​វ​ឌ្ឍា​នា ដោយ​បាន​សម្រេច​ឃុំខ្លួន​ជនសង្ស័យ ដាក់​ពន្ធនាគារ​ជា​បណ្តោះអាសន្ន កាលពី​ថ្ងៃ​ទី​១២ ខែធ្នូ ឆ្នាំ​២០២០ ។អង្គ​ហេ​តនៃ​ការ​ចាប់​ឃុំខ្លួន​ជនសង្ស័យ​ឈ្មោះ នី ណា​ក់ ជា​ម្ចាស់​គណនី​ហ្វេ​ស​ប៊ុ​ក IMan-KH នោះ ដោយ​ជនសង្ស័យ​តែងតែបាន​បង្ហោះ​ខ្លឹមសារ​ដៀមដាម ជេរ​ប្រមាថ ទៅ​លើ​បុគ្គល និង​ស្ថាប័នរដ្ឋ​មួយ​ចំនួន​ជា​ញឹកញាប់ ហើយ​ចុង​ក្រោយ​នេះ ជនសង្ស័យ​បាន​ប្រើ​វោហា​សាសន៍​ឌឺដង ឬ​ផ្គើន នឹង​ប្រសាសន៍​របស់​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា ពាក់ព័ន្ធ​នឹង​ការ​ប្រៀប​ធៀប​បង្កើត​គំរោង​.​ទិញ​ម៉ាស់​ពាក់​ឲ្យ​កូន​មាន់​. នៅ​ក្នុង​កសិដ្ឋាន​របស់​ខ្លួន ខណៈ​ពេល​ដែល​វីរុស​កូ​វី​ដ​.១៩ កំពុង​យាយី​លើ​ពិភព​លោក​ទាំងមូល ។

លោក វេ​ង សា​ខុន រដ្ឋមន្ត្រី​ក្រសួងកសិកម្ម ថ្លែង​តាម​បណ្តាញ​សង្គម Telegram នា​រសៀល​ថ្ងៃ​ទី​៧ ខែធ្នូ ឆ្នាំ​២០២០ នេះ​ថា លោក​បាន​ឲ្យ​មន្ត្រី​ស្រាវជ្រាវ​អំពី​ករណី តើ​កសិដ្ឋាន​របស់​បុគ្គល​ឈ្មោះ នី ណា​ក់ ដែល​ប្រើ​ហ្វេ​ស​ប៊ុ​ក​ផេ​ក​ឈ្មោះ Iman-KH នោះ មាន​កើត​ជំងឺផ្តាសាយបក្សី ពិតមែន​ឬទេ? ហើយ​ហ្វេ​ស​ប៊ុ​ក​ផេ​ក​ឈ្មោះ Iman-KH ដែល​កាន់កាប់​ដោយ​បុគ្គល​ឈ្មោះ នី ណា​ក់ បាន​សរសេរ​ថា «​ខ្ញុំ​បាន​ត្រៀម ឬ​ព្រៀង​លិខិត និង​ឯកសារ​រួចរាល់​អស់ហើយ ក្នុង​ការ​ស្នើ​ដាក់​ទ្រុងមាន់​របស់ខ្ញុំ​ក្នុង​ភាព​អាសន្ន ព្រោះ​មូលហេតុ មាន​មេរោគ​ផ្តាសាយ​រលាក​ផ្លូវដង្ហើម កំពុង​តែ​រាតត្បាត​ក្នុង​កសិដ្ឋាន ។ ខ្ញុំ​មិន​ចង់​គិតដល់​ចំណុច​នេះ​ទេ ព្រោះ​វា​ធ្វើ​ឲ្យ​ខូចខាត​សេដ្ឋកិច្ច​របស់​កូន​មាន់​យ៉ាងធ្ងន់ធ្ងរ ។ ខ្ញុំ​សង្ឃឹមថា កូន​មាន់​នឹង​ចេះ​ពាក់​ម៉ាស​គ្រប់​គ្នា ហើយ​ដេក​នៅ​ក្នុង​ទ្រុង កុំ​ចេញ​ក្រៅ​ឲ្យ​សោះ បើ​គ្មាន​ការ​ចាំបាច់​» ។

សំ​ណេ​រ​របស់​ឈ្មោះ នី ណា​ក់ នា​ពេល​នេះ ត្រូវ​បាន​មជ្ឈដ្ឋាន​ជា​ច្រើន​កំពុង​ជជែក​គ្នា និង អះអាង​ថា កំពុង​ឌឺដង ឬ​ផ្គើន នឹង​ប្រសាសន៍​របស់​សម្តេច​តេ​ជោ ហ៊ុន សែន នាយក​រដ្ឋមន្ត្រី​នៃ​កម្ពុជា ។ បុគ្គល នី ណា​ក់ នេះ កន្លង​មក តែងតែ​ដៀមដាម ជេរ​ប្រមាថ ទៅ​លើ​បុគ្គល និង​ស្ថាប័នរដ្ឋ​ជា​ញឹកញាប់ តែ​ហាក់​គ្មាន​អ្វី​កើតឡើង​ចំពោះ​បុគ្គល​ម្នាក់​នេះ​ទាល់តែ​សោះ ខណៈ​កន្លង​មក ក៏​ធ្លាប់​បាន​ធ្វើ​លិខិត​សុំ​ទោស​ជា​សាធារណៈ ផង​ដែរ ដោយសារ​សំដី​ព្រហើន​បែបនេះ។

Post a Comment

0 Comments