www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

បញ្ជូន​ខ្លួន​តៃកុង​រថយន្ត ដែល​បង្ក​គ្រោះថ្នាក់​ចរាចរណ៍ បណ្ដាលឱ្យ​ស្លាប់មនុស្ស ៣ នាក់ និង​របួសធ្ងន់ ៣ នាក់ ទៅកាន់​តុលាការ​

 ភ្នំពេញ៖​តៃកុង​រថយន្ត បង្ក​គ្រោះថ្នាក់​ចរាចរណ៍ បុក​រះ បណ្តាលឱ្យមាន​មនុស្ស​ប្រុស​ស្រី ចំនួន ៣ នាក់ បាន​ស្លាប់ និង ៣ នាក់ រងរបួស​ធ្ងន់ ត្រូវបាន​សមត្ថកិច្ច​ប​ញ្ជូ​ន​ទៅ សាលាដំបូង​រាជធានី​ភ្នំពេញ កាលពី​រសៀល ថ្ងៃទី​១៧ ខែតុលា ឆ្នាំ​២០២១​។​គួររំលឹកថា កាលពី​យប់ ថ្ងៃ​សៅ​រ៏ ទី​១៦ ខែតុលា ឆ្នាំ​២០២១ មនុស្ស​ប្រុស​ស្រី ៣ នាក់ បាន​ស្លាប់ នៅ​កន្លែងកើតហេតុ និង ៣ នាក់​ទៀត រងរបួស​ធ្ងន់ ត្រូវបាន​បញ្ជូនទៅ​សង្គ្រោះ នៅឯ​មន្ទីរពេទ្យ​ភ្លាមៗ បន្ទាប់ពី​មាន​បុរស​ម្នាក់​រួម​ដំណើរ​ដោយ​បុរស​ម្នាក់ទៀត បើករថយន្ត តូយ៉ូតា ធុន​ត្រា មួយគ្រឿង ក្នុង​ល្បឿន​លឿន ហើយ​បាន​រេ​ចង្កូត បុក​រះ កាលពី​វេលា​ម៉ោង ប្រមាណ​ជា ១០ និង ៣០ នាទី យប់ ថ្ងៃទី​១៦ ខែតុលា ឆ្នាំ​២០២១ ត្រង់ចំណុច​ខាងលិច សួន​ឧស្សាហកម្ម កាណាឌីយ៉ា ប្រមាណ ៥០ ម៉ែត្រ តាម​បណ្ដោយ​ផ្លូវ​វេ​ង​ស្រេង ក្នុង​សង្កាត់​ចោមចៅ​ទី​១ ខណ្ឌ​ពោធិ៍​សែន​ជ័យ ។​

​សមត្ថកិច្ច បាន​ឲ្យ​ដឹងថាៈ សព​ជនរងគ្រោះ ទាំងបី​នាក់ និង​អ្នករងរបួស​ធ្ងន់​ស្រាល ចំនួន បីនាក់​ទៀត មិនទាន់​ស្គាល់​អត្តសញ្ញាណ នៅឡើយ​។​តាម​ប្រភពព័ត៌មាន នៅ​កន្លែងកើតហេតុ បាន​ប្រាប់​ឲ្យ​ដឹងថា មុន​កើតហេតុ គេ​បានឃើញ បុរស ១​នាក់ រួម​ដំណើរ​ជាមួយ​បុរស ម្នាក់ទៀត បើករថយន្ដ ម៉ាក តូយ៉ូតា ធុន​ត្រា ពណ៌​ខ្មៅ ពាក់​ស្លាក​លេខ ភ្នំពេញ 2AG-7060 ធ្វើដំណើរ​តាម​បណ្តោយ​ផ្លូវ ២១៧ ក្នុងទិសដៅ​ពី ខាងត្បូង ទៅខាង​ជើង បាន​ប៉ះ​ម៉ូតូ​មួយគ្រឿង រង​ការខូចខាត​បន្តិចបន្តួច តែ​មិន​ព្រម​ឈប់ ដោះស្រាយ​នោះទេ ហើយ​បាន​ព្យាយាម បើក​រត់ឡើង ទៅ​ផ្លូវ​វេ​ង​ស្រេង ក្នុងទិសដៅ​ពី​ខាង កើត ទៅខាង​លិច ក្នុង​ល្បឿន​លឿន លុះ​មកដល់​កន្លែងកើតហេតុ ស្របពេល​មេឃ កំពុង​ធ្លាក់ភ្លៀង​ផង បាន​រេ​ចង្កូត ទៅខាង​ស្ដាំ​ដៃ ឡើងលើ​ចិញ្ចើមផ្លូវ បុក​រះ​ម៉ូតូ រទេះ​លក់ សាច់គោ​អាំង និង សំ​យ៉ាប​ផ្ទះ​ប្រជាពលរដ្ឋ រួមទាំង​ស្លាក​សញ្ញា​ចរាចរណ៍ បណ្ដាល​ឲ្យ​ដួល និង បែកបាក់​រាយប៉ាយ ពេញ​ផ្លូវ និង​សម្ភារ​មួយចំនួនទៀត រង​ការខូចខាត ។

​ចំណែក​មនុស្ស​ប្រុស​ស្រី​៦ នាក់ ដែល​កំពុង​ឈរ នៅ​ចិញ្ចើមផ្លូវ បាន​បុក បណ្ដាល​ឲ្យ​ស្លាប់ ៣ នាក់ នៅ​កន្លែងកើតហេតុ​ភ្លាមៗ រីឯ​មនុស្ស​ប្រុស​ស្រី ៣ នាក់​ទៀត បាន​រងរបួស​ធ្ងន់ ត្រូវបាន​រថយន្ត​សង្គ្រោះបន្ទាន់ ដឹក​យកទៅ​សង្គ្រោះ នៅឯ​មន្ទីរពេទ្យ​ភ្លាមៗ​។​ភ្លាមនោះ ម្ចាស់​រថយន្ត​បង្ក និង​អ្នករួមដំណើរ បាននាំគ្នា​រត់គេចខ្លួន តែ​ត្រូវបាន​ប្រជាពលរដ្ឋ នាំគ្នា​ព័ទ្ធចាប់​ខ្លួន រួច​ប្រគល់ជូន​សមត្ថកិច្ច រួច​បញ្ជូនទៅ​អធិការ​រដ្ឋា​ន ខណ្ឌ​ពោធិ៍​សែន​ជ័យ ភ្លាមៗ​។ ដោយឡែក សព​ជនរងគ្រោះ សមត្ថកិច្ច​ធ្វើ​កំណត់ហេតុ រួច​ទំនាក់ទំនង រក​សាច់ញាតិ មក​ទទួលយក​ទៅធ្វើ​បុណ្យ តាម​ប្រពៃណី​។​បច្ចុប្បន្ន ជន​ត្រូវ​ចោទ កំពុងស្ថិត​ក្នុងដំណាក់កាល តំណាង​អយ្យការ អម​សាលាដំបូង រាជធានី​ភ្នំពេញ បើក​ការ​ស៊ើបសួរ នៅឡើយ​៕

Post a Comment

0 Comments