ស្នងការដ្ឋាននគរបាលខេត្តកណ្តាល កំពុងស្រាវជ្រាវ តាមចាប់ខ្លួន លោកផ្កាយមួយ ស្រេង សុខា ហៅ ទ្រី - គេហទំព័រសាន់ដេធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

Post Top Ad

Your Ad Spot

ស្នងការដ្ឋាននគរបាលខេត្តកណ្តាល កំពុងស្រាវជ្រាវ តាមចាប់ខ្លួន លោកផ្កាយមួយ ស្រេង សុខា ហៅ ទ្រី

កណ្តាល៖កម្លាំងការិយាល័យជំនាញនៃស្នងការដ្ឋាននគរបាលខេត្តកណ្តាល កំពុងស្រាវជ្រាវអនុវត្តតាមដីកាបង្គាប់ឲ្យចាប់ខ្លួនតាមនីតិវិធីទៅលើជនជាប់ចោទឈ្មោះ ស្រេង សុខា ហៅ ទ្រី ។ នេះបើយោងតាមសេចក្ដីបំភ្លឺព័ត៌មានរបស់ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តកណ្តាល កាលពីថ្ងៃទី៤ ខែមករា ឆ្នាំ២០២២ ។

-យោងតាមដីកាបង្គាប់ឱ្យចាប់ខ្លួនលេខ៧០៥ ដកបចខ/២១  របស់សាលាដំបូងខេត្តកណ្តាល ចេញដោយចៅក្រមជំនុំជម្រះ រស់ ចាន់និមល អមដោយលោក គង់ វិបុល ជាក្រឡាបញ្ជី បង្គាប់ឱ្យចាប់ខ្លួន ឈ្មោះ ស្រេង សុខា ហៅ ទ្រី ត្រូវបានផ្តន្ទាទោសដាក់ពន្ធនាគាររយៈពេល ០១ឆ្នាំ ០៦ខែ ពីបទ ប្រើអំពើហិង្សាទៅលើអ្នកកាន់កាប់អចលនវត្ថុដោយសុចរិត ប្រព្រឹទ្ធនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល កាលពីថ្ងៃទី៣០ ខែកក្កដា ឆ្នាំ២០២០។

សូមបញ្ជាក់ថា ស្នងការដ្ឋាននគរបាលខេត្តកណ្តាល តាមរយៈការិយាល័យរដ្ឋបាល បានទទួលដីកាពីសាលាដំបូងខេត្តកណ្តាល នៅថ្ងៃទី២៧ ខែធ្នូ ឆ្នាំ២០២១ វេលាម៉ោង ៤និង០០នាទីរសៀល។ អនុវត្តតាមចំណារ ចុះថ្ងៃទី២៨ ខែធ្នូ ឆ្នាំ២០២១ របស់លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ប្រគល់ភារកិច្ចជូនផែនការងារនគរបាលព្រហ្មទណ្ឌ មុខការ។ បន្ទាប់មកផែនការងារនគរបាលព្រហ្មទណ្ឌ ប្រគល់ភារកិច្ចជូនការិយាល័យនគរបាលព្រហ្មទណ្ឌកម្រិតធ្ងន់មុខការ។ បច្ចុប្បន្ន ការិយាល័យជំនាញកំពុងស្រាវជ្រាវអនុវត្តតាមដីកាបង្គាប់ឱ្យចាប់ខ្លួនខាងលើតាមនីតិវិធី។អាស្រ័យហេតុនេះ សូមសាធារណជន និងបណ្តាញសារព័ត៌មានមេត្តាជ្រាប និងកុំមានការភាន់ច្រឡំ៕



No comments:

Post a Comment

Pages