ភ្នំពេញ៖តាមរយៈលិខិតបំភ្លឺមួយច្បាប់មានពីរទំព័ររបស់ ឧកញ៉ា ស្រី ចន្ធូរ ចុះថ្ងៃទី ២៤ ខែ មករា ឆ្នាំ ២០២២ ដែលយើងខ្ញុំទេីបទទួលបាន បានអោយដឹងថា ដីដែលលោកឧកញ៉ា កាន់កាប់ អាស្រ័យផលស្ថិតនៅឃុំ សែនមនោរម្យ ស្រុក អូររាំង ខេត្ត មណ្ឌលគីរី គឺ លោកប្រមូលទិញជាចំហរតាមរយៈលោក សៀក មុន្នី អភិបាលស្រុក អូររាំង ខេត្ត មណ្ឌលគីរី ចន្លោះពីឆ្នាំ ២០១២ ដល់ឆ្នាំ ២០២០ ។ លោកឧកញ៉ា ស្រី ចន្ធូ បានបញ្ជាក់បន្ថែមថា លោកឧកញ៉ា មិនបានដឹងថា ដីណាជាដីរដ្ឋ ដីណាមិនមែនដីរដ្ឋនោះទេ ព្រោះរាល់ការទិញដីទាំងអស់ មានលិខិតបញ្ជាក់ពីអាជ្ញាធរមូលដ្ឋានត្រឹមត្រូវ។
ឆ្លងតាមការបំភ្លឺរបស់ ឧកញ៉ា ស្រី ចន្ធូ គេអាចដឹងបានកាន់តែច្បាស់ថា លោក សៀក មុន្នី អភិបាលស្រុកអូររាំង ពិតជាមានការពាក់ព័ន្ធពិតប្រាកដក្នុងការទន្ទ្រានដីរដ្ឋ បញ្ជាក់លេីដីរដ្ឋ លក់អោយឈ្មួញពិតប្រាកដមែន ។ ក្រៅពីការពាក់ព័ន្ធដីរដ្ឋ លោក សៀក មុន្នី ក៏កុះពុងរងការប្ដឹងចោទប្រកាន់ពីបងប្អូនជនជាតិដើមភាគតិច ថាបានឃុបឃិតគ្នាយកដីពួកគាត់លក់អោយឧកញ៉ា ស្រី ចន្ធូ ផងដែរ ដែលករណីនេះ ឯកឧត្តម ប៉ែន អ៊ាន ទីប្រឹក្សាផ្ទាល់សម្ដេចតេជោ ហ៊ុន សែន បានដាក់ពាក្យបណ្ដឹងអន្តរាគមន៍ទៅ សម្ដេចក្រឡាហោម ស ខេង រួចហើយ ។
នៅខេត្តមណ្ឌលគីរី អ្នកណាក៏បានដឹងលឺគ្រប់គ្នាថា លោក សៀក មុន្នី អតីតឈ្មួញឈូសឆាយដីនៅខេត្តមណ្ឌលគីរី បច្ចុប្បន្នជា អភិបាលស្រុក អូររាំង មានការពាក់ព័ន្ធជ្រៅក្នុងអំពេីទន្ទ្រានយកដីរដ្ឋ បញ្ជាក់លេីដីរដ្ឋ លក់អោយឈ្មួញ ។ តែដោយសារលោកមានលុយ មានខ្នងបង្អែកជាមន្ត្រីជាន់ខ្ពស់មួយរូបនៅក្រសួងមហាផ្ទៃ ទេីបមិនមានអ្នកណាហ៊ានប៉ះពាល់លោកបាន ។
No comments:
Post a Comment