សង្ស័យលោកម៉ឹង យូឡេង មើលមិនឃើញ ផ្លូវលេខ១០៨ ក្នុងក្រុងតាខ្មៅ ដែលកំពុងតែរងការខូចខាត ទុកអោយពលរដ្ឋជួបការលំបាករាប់ឆ្នាំ - គេហទំព័រសាន់ដេ ធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

Post Top Ad

Your Ad Spot

សង្ស័យលោកម៉ឹង យូឡេង មើលមិនឃើញ ផ្លូវលេខ១០៨ ក្នុងក្រុងតាខ្មៅ ដែលកំពុងតែរងការខូចខាត ទុកអោយពលរដ្ឋជួបការលំបាករាប់ឆ្នាំ



កណ្តាល៖ផ្លូវលេខ១០៨ ស្ថិតក្នុងសង្កាត់តាខ្មៅ ក្រុងតាខ្មៅ ខេត្តកណ្តាល ប្រវែងជាង១គីឡូម៉ែត្រ ប៉ុណ្ណោះ បានខូចខាតស្ទើរអស់ទៅហើយ បែរជាលោក ម៉ឹង យូឡេង ប្រធានមន្ទីរសាធារណការនិងដឹកជញ្ជូនខេត្តកណ្តាល មើលមិនឃើញទាល់តែសោះ សង្ស័យថា លោកប្រធានមន្ទី មិនដែលជិះឆ្លងកាត់ផ្លូវមួយខ្សែនេះហើយតាមមើលទៅ ។

ប្រជាពលរដ្ឋបានផ្តល់ព័ត៌មានមកអង្គភាពសារព័ត៌មាន និង សំណូមពរអោយចុះយកព័ត៌មានផ្ទាល់ ដោយរឿងនេះ គេ សង្កេតឃើញជាក់ស្តែងថា ផ្លូវមួយខ្សែនេះ រងការខូចខាតជាច្រើនកន្លែងពិតប្រាកដមែន ។អ្នកធ្វើដំណើរតាមផ្លូវមួយខ្សែនេះ បានរៀបរាប់ប្រាប់ថា ផ្លូវនេះមិនមែនទើបតែខូចនោះទេ? (ពោល)គឺខូចជាយូរណាស់មកហើយ តែមិនដែលឃើញខាងមន្ទីរសាធារណការ មកជួសជុស ឬ ស្ថាបនា ឡើងវិញទាល់តែសោះ ដោយទុកអោយពលរដ្ឋជួបការលំបាកជាខ្លាំង ។

ពលរដ្ឋ អះអាងថា នៅពេលភ្លៀងធ្លាក់មកម្តងៗ គឺទឹកក្នុងជង្ហុក អ្នកដំណើរមើលមិនឃើញនោះទេ? ធ្លាក់ជង្ហុកប៊ិះដួលម្តងៗទៅហើយ ។ និយាយរួម គឺ លំបាកធ្វើដំណើរមែនទែន បើចៀសបាន គឺ ចៀសហើយ មិនធ្វើដំណើរតាមផ្លូវមួយខ្សែនេះទេ ។

ពាក់ព័ន្ធផ្លូវមួយខ្សែនេះ ប្រជាពលរដ្ឋក៏ធ្លាប់រាយការណ៍ជូនអាជ្ញាធរពាក់ព័ន្ធផងដែរ ជាពិសេស ខាងមន្ទីរសាធារណការ តែហាក់គ្មានមុខមន្ត្រីណាម្នាក់ មកជួយដោះស្រាយបញ្ហាជូនប្រជាពលរដ្ឋទាល់តែសោះ ។ប្រជាពលរដ្ឋ សង្ឃឹមថា ការផ្សព្វផ្សាយតាមរយៈសារព័ត៌មាន នឹងនាំដំណឹងនេះដល់ខាងក្រសួងសាធារណការតែម្តង ដើម្បីជ្រាបនិងដោះស្រាយបញ្ហាជូនប្រជាពលរដ្ឋ ៕














No comments:

Post a Comment

Pages