លោកឧត្តមសេនីយ៍ទោ ឯម កុសល ចុះត្រួតពិនិត្យ និងរៀបចំសន្តិសុខ រក្សាសុវត្ថិភាព សណ្ដាប់ធ្នាប់សាធារណ: ជូនថ្នាក់ដឹកនាំ និងប្រជាពលរដ្ឋ និងភ្ញៀវទេសចរណ៍ជាតិ-អន្តជាតិ មកកំសាន្តក្នុងពិធីប្រណាំងទូក!

ខេត្តកំពង់ចាម ៖ នៅព្រឹកថ្ងៃទី០៥ ខែកញ្ញា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំលោកស្នងការរងនគរបាល និងលោកនាយការិយាល័យជំនាញពាក់ព័ន្ធ នាយប៉ុស្តិ៍រដ្ឋបាល បានចុះត្រួតពិនិត្យ និងរៀបចំសន្តិសុខ រក្សាសុវត្ថិភាព សណ្ដាប់ធ្នាប់សាធារណ: ជូនថ្នាក់ដឹកនាំ និងប្រជាពលរដ្ឋ និងភ្ញៀវទេសចរណ៍ជាតិ-អន្តជាតិ ដែលមកកំសាន្តក្នុងខេត្តកំពង់ចាម ក្នុងពិធីប្រណាំងទូក ក្នុងក្រុងកំពង់ចាម ដេីម្បីអបអរពិធីបុណ្យចេញព្រះវស្សា ថ្ងៃទី១០ ខែកញ្ញា ឆ្នាំ២០២២ ក្រោមអធិបតីភាព ឯកឧត្តម អ៊ុន ចាន់ដា អភិបាល នៃគណ:អភិបាលខេត្តកំពង់ចាម ។

លោកឧត្តមសេនីយ៍ ស្នងការ បានណែនាំកម្លាំងនគរបាលក្រោមឱវាទគ្រប់ផ្នែកនិងគ្រប់ជំនាញ និងប៉ុស្តិ៍នគរបាលរដ្ឋបាលទាំងអស់ ត្រូវប្រឹងប្រែងបំពេញភារកិច្ចពង្រឹងការពារសន្តិសុខ រក្សាសណ្តាប់ធ្នាប់ឱ្យបានល្អបំផុត ដើម្បីនាំមកនូវសុខសុវត្ថិភាពឱ្យបានគ្រប់គ្រាន់ជូនប្រជាពលរដ្ឋក៏ដូចជាភ្ញៀវទេសចរជាតិនិងអន្តរជាតិដើរមកលេងកម្សាន្តសប្បាយរីករាយនៅថ្ងៃឈប់សម្រាកនៃពិធីបុណ្យអ៊ុទូកថ្ងៃទី១០ តុលា នៅក្នុងភូមិសាស្រ្តក្រុងកំពង់ចាម ។

លោកស្នងការបានលើកឡើងទៀតថា កិច្ចការងារការពារថែរក្សាសន្តិសុខ សណ្តាប់ធ្នាប់នៅក្នុងមូលដ្ឋាន ទាមទារឱ្យកងកម្លាំងទាំងអស់ត្រូវមានការសហការគ្នាឱ្យបានល្អគ្រប់ជ្រុងជ្រោយ ដើម្បីបង្ការទប់ស្កាត់បទល្មើសគ្រប់ប្រភេទឱ្យទាន់ពេលវេលា។ជាងនេះថែមទៀត គឺប្រើប្រាស់កម្លាំងល្បាតជាប្រចាំជាមធ្យោបាយម៉ូតូរឺរថយន្ត ដែលមានការដាក់វេនគ្នាចេញល្បាតទៅតាមផែនការដែលបានបែងចែងតាមមុខព្រួញការងារទទួលខុសត្រូវរៀងៗខ្លួន៕