ប្រជាពលរដ្ឋសំណូមពរអោយអាជ្ញាធរជំនាញពាក់ពន្ធ័មានវិធានការករណីលោកស្រី ងួន គីថារី ហៅស្រីនិច្ច ហ៊ានបើកផ្សារអត់ច្បាប់និងធ្វើឲ្យប៉ះពាល់សុខភាពពលរដ្ឋយ៉ាងធ្ងន់ធ្ងរនៅស្រុកបាធាយ - គេហទំព័រសាន់ដេ ធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

Post Top Ad

Your Ad Spot

ប្រជាពលរដ្ឋសំណូមពរអោយអាជ្ញាធរជំនាញពាក់ពន្ធ័មានវិធានការករណីលោកស្រី ងួន គីថារី ហៅស្រីនិច្ច ហ៊ានបើកផ្សារអត់ច្បាប់និងធ្វើឲ្យប៉ះពាល់សុខភាពពលរដ្ឋយ៉ាងធ្ងន់ធ្ងរនៅស្រុកបាធាយ



ខេត្តកំពង់ចាម ៖ ប្រជាពលរដ្ឋ និង អាជីវករក្នុងមូលដ្ឋាន សូមសំណូមពរនិងរងចាំមើលចំណាត់ការរបស់អាជ្ញាធរជំនាញពាក់ព័ន្ធតើមានវិធាការចំពោះករណី លោកស្រី ងួន គីថារី ហៅស្រីនិច្ច ម្ចាស់ផ្សារសំបូរ (ហៅផ្សាររុងរឿង) ទីតាំងស្ថិតនៅភូមិសំបូរ ឃុំសំបូរស្រុកបាធាយ ខេត្តកំពង់ចាម នៅពេលណា? ខណៈដែលកំពុងរងការរិះគន់ និងបណ្តឹងពីពលរដ្ឋដែលរស់នៅជុំវិញថា បង្កើតផ្សារដោយមិនខ្វល់ខ្វាយពីបញ្ហាបរិស្ថាន គ្មានអនាម័យ ផ្សារសាងសង់ឡើងខុសច្ចេកទេស  គ្មានច្បាប់ទម្លាប់ គ្មានអាជ្ញាបណ្ណ និងបង្កការប៉ះពាល់ដល់សុខភាពប្រជាពលរដ្ឋយ៉ាងធ្ងន់ធ្ងរ។
  
បើយោងតាមលិខិតជូនដំណឹងរបស់មន្ទីរបរិស្ថានខេត្តកំពង់ចាម លេខ៥៨២ ប.ស្ថ ក.ចុះថ្ងៃទី២៨ ខែតុលា ឆ្នាំ២០២២ ដែលពលរដ្ឋបានប្តឹងទៅមន្ទីរបរិស្ថានខេត្តកំពង់ចាម កាលពីថ្ងៃទី១៩ ខែសីហា ឆ្នាំ២០២២ថ្មីៗនេះ មន្ទីរបរិស្ថានខេត្ត បានស្នើឲ្យម្ចាស់ផ្សារធ្វើកិច្ចសន្យាការពារបរិស្ថាន ដោយទុករយៈពេល ៣០ថ្ងៃឲ្យជួយមើលបរិស្ថានអនាម័យ ក្នុងផ្សារសំបូរ ហៅផ្សារុងរឿង របស់លោកស្រី ងួន គីថារី ហៅស្រីនិច្ច ដែលបានបើកផ្សារលក់ដូរ យ៉ាងអាណាធិបតេយ្យ ខ្វះបច្ចេកទេសផ្នែកបរិស្ថាន អនាម័យ បង្កកសំរាម បង្កើតជាភក់ជ្រាំ ធ្វើឲ្យប៉ះពាល់ដល់សុខភាពបងប្អូនប្រជាពលរដ្ឋដែលរស់នៅជុំវិញ។

ខណៈដែលយ៉ាងលោកស្រី ងួន គីថារី និងបក្ខពួកកូនចៅ ឃើញតែដើរទារលុយថ្លៃភាសុី ថ្លៃតូប ថ្លៃអនាម័យសណ្តាប់ធ្នាប់ ជាធម្មតា តែបើការសំអាតអនាម័យវិញនោះគឺគ្មានទេ បណ្តែតបណ្ដោយឱ្យសំរាមហូរកកស្ទះលិចក្នុងផ្សារលិចផ្លូវ ក្លាយជាក្លិនស្អុយរលួយពេលភ្លៀងធ្លាក់មកម្តងៗ។កន្លងមកលោក ខឹម គឹម មេឃុំសំបូរ ស្រុកបាធាយ បានឲ្យដឹងដែរថា ផ្សាររបស់លោកស្រី ងួន គីថារី គឺជាផ្សារអនាធិបតេយ្យ គ្មានច្បាប់ទម្លាប់ គ្មានអជ្ញាបណ្ណ ពោលគឺជាផ្សារសេះហោះ។
ជុំវិញការចោទប្រកាន់ខាងលើនេះ "ដើមក្រសាំង"នៅមិនទាន់អាចសុំការបកស្រាយបំភ្លឺពីលោកស្រី ងួន គីថារី ហៅស្រីនិច្ចបាននៅឡើយទេ។លោក ផេន សុផល អភិបាលស្រុកបាធាយ បានប្រាប់"ដើមក្រសាំង"ថា៖ រឿងនេះលោកបានបន្តដោះហើយ ព្រោះមានហេតុច្រើន តែផ្សារចាស់នោះវាអត់មានច្បាប់ទម្លាប់មែន ។

ដោយឡែក លោក នួន គង់សល្យ ប្រធានមន្ទីរបរិស្ថានខេត្តកំពង់ចាម បានឲ្យ"ដើមក្រសាំង"ដឹងថា៖ លោកបានដឹងរឿងនេះហើយ លោកក៏ធ្លាប់បានចាត់ការមួយជំហានហើយដែរ ប៉ុន្តែដោយម្ចាស់ផ្សាររូបនេះ មានចរិតមានះ អឿអួតអាងខ្លាំងពេក មិនខ្លាចរអា មិនគោរពច្បាប់ឡើយ ពោលគឺលោកស្រី ងួន គីថារី ហៅស្រីនិច្ច មិនបានសហការជាមួយនឹងមន្ត្រីជំនាញរបស់លោកទេ ហើយលោកនឹងសុំគោលការណ៍ទៅលោកអភិបាលខេត្តចាត់ការបន្តពីបញ្ហានេះ។យ៉ាងណាក្តី ចំពោះករណីខាងលើនេះ ពលរដ្ឋទទូចស្នើសុំ ដល់លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាម មេត្តាចាត់វិធានការ បញ្ជូនមន្ត្រីជំនាញចុះស្រាវជ្រាវ ចំពោះផ្សារសំបូរហៅផ្សាររុងរឿងរបស់លោកស្រី ងួន គីថារី ហៅស្រីនិច្ច ទីតាំងនៅភូមិសំបូរ ឃុំសំបូរ ស្រុកបាធាយ ផងទាន៕


No comments:

Post a Comment

Pages