កំពង់ចាម៖នៅព្រឹកថ្ងៃពុធ ទី០៨ ខែមីនា ឆ្នាំ២០២៣នេះ លោកឧត្ដមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម និងភរិយា បានអញ្ជើញដឹកនាំរៀបចំប្រារព្ធពិធីអបអរសាទរខួបលេីកទី១១២ ទិវាអន្តរជាតិនារី ៨មីនា ឆ្នាំ២០២៣ ក្រោមប្រធានបទ "ស្រ្តីរួមគ្នា រក្សាសន្តិភាព ដេីម្បីកិច្ចអភិវឌ្ឍន៍ក្នុងសម័យឌីជីថលដោយមានការអញ្ជេីញចូលរួមពី លោក-លោកស្រី ស្នងការរង និងលោកស្រី ឬស្វាមី លោកអនុប្រធានផែនជំនាញ និងលោកស្រី លោក-លោកស្រី នាយការិយាល័យជំនាញគ្រប់រូប និងលោកស្រី ឬស្វាមី ព្រមទាំងកងកម្លាំងនារីទាំងអស់ នៃស្នងការដ្ឋាននគរបាលខេត្តកំពង់ចាម ។
ក្នុងពិធីនេះដែរ លោកឧត្តមសេនីយ៍ស្នងការក៏បាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ឧបត្ថម្ភដល់កងកម្លាំងជានារីចំនួន១១៨នាក់ ដោយម្នាក់ៗ ទទួលបាន ថវិកា៣មុឺនរៀល ក្រណាត់ផាមួង១សម្រាប់ សរុបក្នុងការចំណាយថវិកាអស់ចំនួន៧,០៤៥,០០០រៀល ។ លោកឧត្តមសេនីយ៍ស្នងការ បានថ្លែងក្នុងឱកាសនោះថា ជារៀងរាល់ឆ្នាំរាជរដ្ឋាភិបាល តែងតែលើកយកប្រធានបទមួយ ស្របទៅតាមស្ថានភាពជាក់ស្តែងរបស់កម្ពុជា និងពិភពលោក ក្នុងគោលបំណងតែមួយ គឺរំលឹកអំពីវីរភាពរបស់ស្រ្តីក្នុងការតស៊ូធ្វើឲ្យសម្រេចបាននូវសមភាព សមធម៌ សន្តិភាព និងការអភិវឌ្ឍសង្គម តាមរយៈការផ្លាស់ប្តូរឥរិយាបថរបស់មនុស្សនៅក្នុងគ្រួសារ សហគមន៍ សង្គម និងប្រទេសជាតិ សំដៅធានាឲ្យបាននូវការគោរពសិទ្ធិសេរីភាព ការទទួលស្គាល់នូវតម្លៃរបស់ស្រ្តី និងការចូលរួមដោយស្មើភាពនៅក្នុងសង្គម ។
លោកឧត្ដមសេនីយ៍ស្នងការ បន្តទៀតថា ការប្រារព្ធទិវាអន្តរជាតិនារី ៨មីនា លើកទី១១២ ឆ្នាំ២០២៣នេះ ប្រព្រឹត្តទៅក្រោមប្រធានបទ “ស្ត្រីរួមគ្នា រក្សារសន្តិភាព ដើម្បីកិច្ចអភិវឌ្ឍន៍ក្នុងសម័យឌីជីថល” ពិតជាមានអត្ថន័យ និងសារៈសំខាន់ឆ្លើយតបទៅនឹងបរិការណ៍សេដ្ឋកិច្ចសកល និងសង្គម ទោះបីសកលលោកកំពុងប្រឈមនឹងការរីករាលដាលនៃជម្ងឺកូវីដ១៩ក៏ដោយ ។ ប្រធានបទនេះ បានបង្ហាញឲ្យឃើញថា ការចូលរួមរបស់ស្ត្រីក្នុងកិច្ចអភិវឌ្ឍ មាននៅគ្រប់កម្រិត គ្រប់វិស័យ និងគ្រប់កាលៈទេសៈ ស្របតាមយុទ្ធសាស្រ្តចតុកោណតំណាក់កាលទី៤ របស់រាជរដ្ឋាភិបាល ដែលចាត់ទុក ស្រី្តគឺជាឆ្អឹងខ្នងនៃសេដ្ឋកិច្ច និងសង្គមជាតិ ជាពិសេស សុខសន្តិភាពដែលកម្ពុជារកបានយ៉ាងលំបាកក្នុងរយៈពេលកន្លងមក ។ គ្មានសន្តិភាព យើងនឹងបាត់បង់នូវអ្វីៗទាំងអស់ ក្នុងន័យនេះទោះបីត្រូវលះបង់ក្នុងតម្លៃណាក៏ដោយ គឺយើងត្រូវរក្សារសន្តិភាពឲ្យខានតែបាន ៕
No comments:
Post a Comment