ទីតាំង​មាន់​ជល់​នៅ​ភូមិ​ថ្មសំលៀង ឃុំក្រយា សង្ស័យជាឆ្នាំងបាយរបស់អស់លោកអាជ្ញាធរ និងសមត្ថកិច្ច ស្រុកសន្ទុក

 

កំពង់ធំ៖មហាជនបានសំណូមពរដល់លោកម៉ែន លី ស្នងការខេត្តកំពង់ធំ និងលោកងួន រតនះ ចៅហ្វាយខេត្តកំពង់ធំ សូមមេត្តាជួយចាត់វិធានការណ៌ តាមផ្លូវច្បាប់ចំពោះទីតាំងល្បែងស៊ីសងមាន់ជល់និងអាប៉ោង នៅចំណុចភូមិ​ថ្មសំលៀង ឃុំក្រយា ស្រុកសន្ទុក ខេត្តកំពង់ធំ បាននិងកំពុងតែធ្វើសកម្មភាពលួចលាក់បើកលេងជារៀងរាល់ថ្ងៃ ក្នុងនោះអាជ្ញាធរនិងសមត្ថកិច្ចស្រុកសន្ទុក បាននាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទនៅទូទាំងរាជធានីខេត្ត។

សូមរំលឹកថា កាលថ្ងៃទី ១៧ ខែកញ្ញា ឆ្នាំ ២០២២ កន្លងទៅថ្មីៗ​នេះ​ សម្ដេចតេជោ ហ៊ុន សែន នាយករដ្ឋមន្ត្រី​ នៃកម្ពុជា​ បានចេញ​បទបញ្ជា ដាច់ណាត់មួយ ឲ្យអភិបាលរាជធានីខេត្ត ទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទ ទាំងអស់ឧ្យខាងតែបាន​ សម្តេច​តេជោ​ ហ៊ុន​ សែន បានបញ្ជាក់យ៉ាងច្បាស់ថា អាជ្ញាធរ​ស្រុក ក្រុង ខេត្តណា ដែលមិនទប់​ស្កាត់និងមិនបង្ក្រាប បទល្មើសល្បែងស៊ីសង នៅ​ក្នុងមូលដ្ឋានរបស់ខ្លួនទេ​ ! អាជ្ញាធរនិងសមត្ថកិច្ចទាំងនោះ និងត្រូវប្រឈមបាត់បង់តំណែងទៀតផង ។

ពាក់ព័ន្ធនិងបទល្មើសល្បែងស៊ីសងខាងលើនេះ មហាជននៅក្នុងឃុំក្រយា ស្រុកសន្ទុក ខេត្តកំពង់ធំ បានដាក់ការសង្ស័យថា?ទីតាំងល្បែងស៊ីសងខាងលើនេះ អាចជាឆ្នាំងបាយរបស់អស់លោកអាជ្ញាធរនិងសមត្ថកិច្ចស្រុកសន្ទុកផងក៌មិនដឹង? ទើបបានជាអស់លោក នាំគ្នារក្សាភាពស្ងៀមស្ងាត់ផ្គើននិងបទបញ្ជារបស់សម្តេចតេជោហ៊ុនសែន ពិសេសមិនអនុវត្តន៌នូវគោលនយោបាយភូមិ ឃុំមានសុវត្ថភាព របស់ក្រសួងមហាផ្ទៃ។