ល្បែងស៊ីសងហ្គេមបាញ់ត្រី និងល្បែងស៊ីសងមួយចំនួនទៀត របស់ជនជាតិចិនកំពុងបើកលេងយ៉ាងពេញបន្ទុកស្ថិតនៅក្នុងភូមិព្រែកទា សង្កាត់ចោមចៅ3 ខណ្ឌពោធិ៍សែនជ័យ ខណះ អាជ្ញាធរនិងសមត្ថកិច្ចរក្សាភាពស្ងៀមស្ងាត់

 

រាជធានីភ្នំពេញ៖ល្បែងស៊ីសងហ្គេមបាញ់ត្រី និងល្បែងស៊ីសងមួយចំនួនទៀត របស់ជនជាតិចិន កំពុងបើកលេងយ៉ាងពេញបន្ទុកស្ថិតនៅក្នុងភូមិព្រែកទា សង្កាត់ចោមចៅ3 ខណ្ឌពោធិ៍សែនជ័យ រាជធានីភ្នំពេញ ខណះអាជ្ញាធរនិងសមត្ថកិច្ចរក្សាភាពស្ងៀមស្ងាត់ មិនមានវិធានការបង្ក្រាបទាល់តែសោះ។

ប្រភពបានទម្លាយឱ្យដឹងថា ល្បែងស៊ីសងទាំងនោះមានដូចជាហ្គេមបាញ់ត្រី បៀលការ៉ាត ឡូតូ និងល្បែងស៊ីសងមួយចំនួនទៀត។ល។ដែលកំពុងបើកដំណើរការទទួលស្វាគមន៍អតិថិជនមកពីគ្រប់មជ្ឈដ្ឋានទាំងអស់ទាំងយប់ទាំងថ្ងៃ 24 ម៉ោងលើ 24 ម៉ោង។ដោយទីតាំងល្បែងស៊ីសងខាងលើនេះ គេបានបញ្ជាក់ថាមានអ្នកសម្របសម្រួលក៏ដូចជាអ្នកកាងមានរហ័សនាម72ដែលជាអ្នកសម្របសម្រួលជាមួយនឹងអ្នកកាសែតដែលបានចុះផ្សាយព័ត៌មានក៏ដូចជាបានផ្ដិតយករូបភាពទីតាំងល្បែងស៊ីសងរបស់ខ្លួនដែលគ្រប់គ្រងនោះ។

ពាក់ព័ន្ធនិងករណីល្បែងស៊ីសង ខាងលើនេះ មហាជនបានសំណូមពរដល់លោកសក់ កាញ៉ារិទ្ធ អភិបាលខណ្ឌពោធ៌សែនជ័យ និងលោកម៉ន វុទ្ធី អធិការខណ្ឌពោធ៌សែនជ័យ សូមមេត្តាពិនិត្យនិងចាត់ឱ្យមន្ត្រីជំនាញពាក់ព័ន្ធ ចុះមកបង្រ្កាបទីតាំងល្បែងស៊ីសង របស់ជនជាតិចិនខាងលើនេះ  ដើម្បីអនុវត្តនូវគោលនយោបាយភូមិ,សង្កាត់ មានសុវត្ថភាព ទាំង៧ចំណុច របស់រាជរដ្ឋាភិបាលកម្ពុជា។