ខេត្តស្វាយរៀង៖ សមត្ថកិច្ចកងរាជអាវុធហត្ថខេត្តស្វាយរៀង បានចាប់ខ្លួនជនសង្ស័យជាជនជាតិវៀតណាម០៧នាក់បញ្ជូនមកតុលាការខេត្តស្វាយរៀងពីបទក្លែងបន្លំឯកសារសាធារណៈ(វៀតណាម)នៅក្រុងបាវិត។
យោងតាមកងរាជអាវុធហត្ថខេត្តស្វាយរៀងបានអោយដឹងនារសៀលថ្ងៃទី៨ ខែកក្កដា ឆ្នាំ២០២៥នេះថា ជនសង្ស័យរួមមាន៖ទី១-ឈ្មោះផាម វៀតតង (PHAM VIET TOAN) ភេទប្រុស អាយុ១៦ ឆ្នាំ មុខរបរ បុគ្គលិក(ធ្វើឯកសារក្លែងក្លាយ) ជនជាតិវៀតណាម។២-ឈ្មោះ ហ្វិញ វាំងគឿង (HUYNH VAN CUONG) ភេទប្រុស អាយុ៣៤ ឆ្នាំមុខរបរ មិនពិតប្រាកដ ជនជាតិវៀតណាម។៣.ឈ្មោះចឹង វឹកយ៉ុង (TRAN QUOC DUNG) ភេទប្រុស អាយុ២៧ ឆ្នាំមុខរបរ បុគ្គលិក(ធ្វើឯកសារក្លែងក្លាយ) ជនជាតិវៀតណាម។
៤-ឈ្មោះឡេ ជុងហ័ង (LE TRUNG HOANG) ភេទប្រុស អាយុ២០ ឆ្នាំ មុខរបរបុគ្គលិក(ធ្វើឯកសារក្លែងក្លាយ) ជនជាតិវៀតណាម។៥-ឈ្មោះហ្វាម ចឹងជុងហៀវ (PHAM TRAN TRUNG HIEU) ភេទប្រុស អាយុ២៣ ឆ្នាំមុខរបរ បុគ្គលិក(ធ្វើឯកសារក្លែងក្លាយ) ជនជាតិវៀតណាម។៦-ឈ្មោះដង ថាន់ដាក (DOAN THANH DAT) ភេទប្រុស អាយុ៣៦ ឆ្នាំមុខរបរចុងភៅ ជនជាតិវៀតណាម។និងទី៧-ឈ្មោះ ហ្វុង ង៉ុកឌិន (ហៅម៉ាប់) PHUNG NGOC DINH ភេទប្រុស អាយុ៣៤ ឆ្នាំ មុខរបរចុងភៅជនជាតិវៀតណាម។
ប្រភពបន្តថា នៅវេលាម៉ោង១២និង១០នាទី ថ្ងៃទី០៤ ខែកក្កដា ឆ្នាំ២០២៥ ដោយមានការចង្អុលបង្ហាញពីលោកឧត្តមសេនីយ៍ត្រី សុខា រ៉ានាថ មេបញ្ជាការ កងរាជអាវុធហត្ថខេត្តស្វាយរៀង បានបញ្ជាឱ្យកម្លាំងមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោកវរសេនីយ៍ឯក ស្រី វុត្ថា មេបញ្ជាការរងកងរាជអាវុធហត្ថខេត្តស្វាយរៀង និងមានការដឹកនាំសម្របសម្រួលនីតិវិធីពីលោក ដូរ៉ា អង្គប្រទាន ព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង ធ្វើប្រតិបត្តិការចុះបង្ក្រាបករណី ក្លែងបន្លំឯកសារសាធារណៈនៅចំណុចផ្ទះល្វែងលេខK១២ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បានធ្វើការឃាត់ខ្លួនជនសង្ស័យ ចំនួន០៧ នាក់និងចាប់យកវត្ថុតាងរួមមាន៖
១-ម៉ាស៊ីនភ្លើង ចំនួន០១ គ្រឿង
២-ម៉ាស៊ីនព្រីម ចំនួន០៩ គ្រឿង
៣-ម៉ាស៊ីនអ៊ុតចំនួន០២ គ្រឿង
៤-ត្រា ចំនួន០៩ (ត្រាការិយាល័យទទួលស្គាល់រដ្ឋធានីហាណូយ ចំនួន០១ ,ត្រាការិយាល័យទទួលស្គាល់ទីក្រុងហូជីមិញ ចំនួន០១ , ត្រាវាយលើឯកសារថតចម្លង ចំនួន០៧)។៥-កុំព្យូទ័រយួរដៃចំនួន០៣ គ្រឿង
៦-ទូរស័ព្ទចំនួន១៦ គ្រឿង
៧-លិខិតឆ្លងដែនចំនួន០៣ ក្បាល
៨-អត្តសញ្ញាណប័ណ្ណច្បាប់ដើម ចំនួន០៣សន្លឹក។
៩-កុំព្យូទ័រលើតុ ចំនួន១៣ គ្រឿង។១០-ត្រាផុស ចំនួន០៣
១១-ម៉ាស៊ីនវាយលេខ និងអក្សរផុស ចំនួន០១គ្រឿង
១២-ឧបករណ៍កាត់តម្រឹម ចំនួន០១គ្រឿង
១៣-អត្តសញ្ញាណប័ណ្ណ ,ប័ណ្ណបើកបរ ,ប័ណ្ណបញ្ជាក់ការរៀនបើកបរ ,សញ្ញាបត្រអនុបណ្ឌិត , សញ្ញាបត្រទុតិយភូមិ,ប័ណ្ណបណ្ដុះបណ្ដាល ,សញ្ញាបត្រអង់គ្លេស ,សញ្ញាបត្របច្ចេកវិទ្យា (វៀតណាម) ក្លែងក្លាយមួយចំនួន។១៤-ជញ្ជីងសម្រាប់ថ្លឹងគ្រឿងញៀន ចំនួន០១ គ្រឿង៕
No comments:
Post a Comment