www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

បញ្ជូន​បុរស​អាមេរិកកាំង​ម្នាក់ វាយ​ទូ អេ​ធី​អឹម របស់​ធនាគារ​ភ្នំពេញ​ពាណិជ្ជ មក​តុលាការ​


ភ្នំពេញៈ នគរបាល​ព្រហ្មទណ្ឌ នៃ​ក្រសួងមហាផ្ទៃ កាលពី​ថ្ងៃទី​១៩ ខែវិច្ឆិកា ឆ្នាំ​២០២០ បាន​ឃាត់ខ្លួន​បុរស​ម្នាក់ ឈ្មោះ CHRISTOPER TERENCE BOWMAN អាយុ​៤៥​ឆ្នាំ ជនជាតិ​អាមេរិកកាំង នៅ​ចំណុច​សណ្ឋាគារ អា​ខ្វា​រៀស សង្កាត់​ចតុមុខ ខណ្ឌដូនពេញ ក្រោយ​ធ្វើ​សកម្មភាព វាយកម្ទេច​ទូ អេ​ធី​អឹម ( ATM ) របស់​ធនាគារ​ភ្នំពេញ​ពាណិជ្ជ។​

​សមត្ថកិច្ច បានបញ្ជាក់ នៅ​ថ្ងៃទី ២១ ខែវិច្ឆិកា ឆ្នាំ​២០២០ នេះ ថាៈ កាលពី​យប់ ថ្ងៃទី​១៦ ខែវិច្ឆិកា ឆ្នាំ​២០២០ សមត្ថកិច្ច បានទទួល​ពាក្យបណ្តឹង ពី​ជនរងគ្រោះ ដែលជា​ប្រធាន​សាខា ធនាគារ​ភ្នំពេញ​ពាណិជ្ជ សាខា​ផ្សារ​ថ្មី ពាក់ព័ន្ធ​ករណី បំផ្លិចបំផ្លាញ​ទ្រព្យសម្បត្តិ របស់​ធនាគារ​ភ្នំពេញ​ពាណិជ្ជ ទូ ATM ត្រង់ចំណុច​ផ្លូវ​ព្រះស៊ីសុវត្ថិ កែង​ផ្លូវ​១១០ សង្កាត់​វត្តភ្នំ ខណ្ឌដូនពេញ ។​

​ឆ្លងតាម​ការសាកសួរ , ជនសង្ស័យ បាន​សារភាពថា ខ្លួន​ពិតជា​បាន វាយ​បំផ្លិចបំផ្លាញ​ម៉ាស៊ីន និង​ទ្វារ​ទូ ATM របស់​ធនាគារ​ភ្នំពេញ​ពាណិជ្ជ ពិតប្រាកដ​មែន ។​បច្ចុប្បន្ន កម្លាំង​ការិយាល័យ​ជំនាញ បាន​កសាង​សំណុំរឿង និង​បញ្ជូន​ជនសង្ស័យ ទៅ​អយ្យការ​អម សាលាដំបូង រាជធានី​ភ្នំពេញ នៅ​ព្រឹក​ថ្ងៃទី​២១ ខែវិច្ឆិកា ឆ្នាំ​២០២០ ដើម្បី​ចាត់ការ តាម​នីតិវិធី ៕

Post a Comment

0 Comments