ភ្នំពេញ៖នៅព្រឹកថ្ងៃទី២២ ខែវិច្ឆិកា ឆ្នាំ២០២០ នេះ ប្រជាពលរដ្ឋ បានប្រទះឃើញ សពបុរសម្នាក់ នៅចំណុចផ្ទះ គ្មានលេខ ផ្លូវ 600R ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បង្កការភ្ញាក់ផ្អើល យ៉ាងខ្លាំង។
សមត្ថកិច្ច បានអះអាង តាមព័ត៌មានបឋមថា បងជីដូនមួយ របស់ជនរងគ្រោះ បានប្រទះឃើញជនរងគ្រោះ ដេកស្លាប់ នៅក្នុងផ្ទះ ជាន់ផ្ទាល់ដី ដោយត្រូវគ្រាប់កាំភ្លើង ចំស្នៀតថ្កាខាងស្តាំ ។ ជនរងគ្រោះ ឈ្មោះ នី អៀង អាយុ ២៨ ឆ្នាំ ស្នាក់នៅកន្លែងកើតហេតុ ខាងលើ ដោយគ្មានសម្ភារបាត់បង់ទេ ។ នៅកន្លែងកើតហេតុ បន្សល់ទុកនូវអាវុធខ្លី ពណ៌ខ្មៅ មួយដើម ម៉ាក Zoroki និងសម្បកកាទុស្សគ្រាប់ ចំនួនមួយ ។
ពេលនេះ កម្លាំងការិយាល័យ ព្រហ្មទណ្ឌកំរិធ្ងន់ កម្លាំងអធិកាដ្ឋាននគបាល ខណ្ឌសែនសុខ និង ការិយាល័យនគបាលបច្ចេកទេស កំពុងស្រាវជ្រាវបន្ត នៅកន្លែងកើតហេតុ ដោយពុំទាន់សន្និដ្ឋានថា ជាករណីឃាតកម្ម ឬ អត្តឃាត ដោយខ្លួនឯង នៅឡើយទេ ៕
No comments:
Post a Comment