ភ្នំពេញ ៖ ប្រធានក្រុមហ៊ុនផលិតដែកម្នាក់ រួមនឹងសង្សារ ត្រូវបានឃាតក២នាក់ប្លន់សម្លាប់យកទ្រព្យសម្បត្តិនៅក្នុងខុនដូ LH Residence ដោយឃាតកទាំង២នាក់ យកកាំភ្លើងខ្លីនិងកាំបិត ភ្ជង់គំរាមចាកចេញពីជណ្ដើរយន្ត ចូលទៅក្នុងបន្ទប់ រួចធ្វើសកម្មភាព យកខ្នើយខ្ទប់មាត់ និងរឹតកសម្លាប់។
![](https://kampucheathmey.com/wp-content/uploads/2021/01/photo_2021-01-14_20-37-24-2-1024x576.jpg)
ហេតុការណ៍នេះ កើតឡើងកាលពីវេលាម៉ោង២និង៤០នាទីរសៀល ថ្ងៃទី១៣ ខែមករា ឆ្នាំ២០២១ ក្នុងខុនដូ LH Residence ដែលមានទីតាំងស្ថិតនៅ តាមផ្លូវលេខ៩ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
![](https://kampucheathmey.com/wp-content/uploads/2021/01/photo_2021-01-14_20-37-25-1024x576.jpg)
ប្រភពព័ត៌មានបានឲ្យដឹងថា ជនរងគ្រោះទាំង២នាក់ ទី១មានឈ្មោះ XIO BO ជនជាតិចិន ភេទប្រុស អាយុ៣៨ឆ្នាំ មុខរបរប្រធានក្រុមហ៊ុនផលិតដែក ស្នាក់នៅខុនដូ និងមិត្តស្រី ឈ្មោះ CAO RUIXIN ជនជាតិចិន អាយុ២១ឆ្នាំ មុខរបរនៅផ្ទះ។ អ្នកទាំងពីរ ត្រូវបានជនសង្ស័យ២នាក់ ប្រើកាំភ្លើងខ្លីនិងកាំបិត ភ្ជង់គំរាមចាកចេញពីជណ្ដើរយន្ត ចូលទៅក្នុងបន្ទប់ រួចធ្វើសកម្មភាព យកខ្នើយខ្ទប់មាត់ និងរឹតកសម្លាប់។
![](https://kampucheathmey.com/wp-content/uploads/2021/01/photo_2021-01-14_20-37-24-1024x561.jpg)
បន្ទាប់ពីកើតហេតុ កម្លាំងជំនាញ បានត្រួតពិនិត្យ និងធ្វើកោសល្យវិច័យសន្និដ្ឋានថា នេះជាករណីឃាតកម្ម ដោយជនសង្ស័យ ប្រើខ្សែរឹតក យកខ្នើយញ៉ុកនឹងខ្ទប់មាត់ ហើយស្កុតរំផងដែរ៕
No comments:
Post a Comment