វៀតណាមបិទមិនអោយមានការនាំចូលបន្លែ មកកម្ពុជាតាមច្រកជ្រៃធំ ព្រោះខ្លាចឆ្លងកូវីដ ១៩ - គេហទំព័រសាន់ដេ ធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

វៀតណាមបិទមិនអោយមានការនាំចូលបន្លែ មកកម្ពុជាតាមច្រកជ្រៃធំ ព្រោះខ្លាចឆ្លងកូវីដ ១៩

(កណ្ដាល)៖ អាជ្ញាធរវៀតណាម បានសម្រេចបិទមិនឲ្យមានការនាំចូលបន្លែពីប្រទេសរបស់ខ្លួនចូលមកកម្ពុជានោះទេ ដោយសារយោងហេតុផលថា មានក្រុមអាជីវករផ្សារដើមគរឆ្លងកូវីដច្រើន ហើយភាគីវៀតណាម ភ័យខ្លាចឆ្លងចូលស្រុកគេ ទើបគេបិទមិនឲ្យអាជីវករខ្មែរយកបន្លែពីគេទៀតនោះទេ។ នេះបើតាមការឲ្យដឹងពីលោក សែ ឈុនទ្រី ប្រធានច្រកជ្រៃធំ ។

លោកប្រធានច្រក បានបន្ថែមថា លោកខិតខំពន្យល់ដល់ភាគីវៀតណាមពេញមួយថ្ងៃមកហើយ ជុំវិញការមានវិធានការល្អរបស់កម្ពុជា ហើយស្នើឲ្យមានការបើកលក់បន្លែមកកម្ពុជាធម្មតាវិញទៅ ប៉ុន្តែខាងវៀតណាមនៅតែមិនព្រម ហើយនិយាយដដែលៗថា ខ្លាចឆ្លងជំងឺពីកម្ពុជា ព្រោះអាជីវករនៅផ្សារដើមគរឆ្លងច្រើន។លោកប្រធានច្រកអះអាងថា នេះមិនមែនជាបញ្ហាឡើយ បើសិនខាងវៀតណាមបិទមិនឲ្យចូលតាមច្រកជ្រៃធំ ប៉ុន្តែក្រុមអាជីវករខ្មែរយើង បាននាំសម្រុកទៅទិញបន្លែពីច្រកវៀតណាម នៅឯខាងខេត្តតាកែវ វិញផងដែរ។

ទន្ទឹមនឹងករណីនេះដែរ នៅឯច្រកក្អមសំណរឯណោះវិញ លោក សុទ្ធ សាវឿន ជាប្រធានច្រកបានថ្លែងប្រាប់ដែរថា ខាងច្រករបស់លោក មិនមានការដឹកជញ្ជូនបន្លែធំដុំទេ មានតែបន្ដិចបន្ដួចប៉ុណ្ណោះ ខណៈដែលលោកបានអនុវត្តន៍វិធានការកូវីដចំពោះការចេញ-ចូលរបស់វៀតណាមមកកម្ពុជា និងពីកម្ពុជាទៅវៀតណាម ធ្វើយ៉ាងណាទប់ស្កាត់មិនឲ្យមានការឆ្លងជំងឺកូវីដជាដាច់ខាត។សូមរំលឹកថា ប៉ុន្មានថ្ងៃមុននេះពលរដ្ឋស្រុកស្អាង ដែលដឹកបន្លែមកលក់នៅក្រុងតាខ្មៅ តាមរយៈឡានទួរីស ប៉ុន្តែមិនត្រូវបានគេអនុញ្ញាតឲ្យឆ្លងកាត់ចូលក្រុងឡើយ រីឯដំណាំកសិផលរបស់ពួកគាត់ត្រូវដឹកយកទៅផ្ទះវិញ ដែលបង្កឲ្យមានការខូចខាត៕

No comments:

Post a Comment

Pages