www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ពេល​នេះ ​ដេត ម៉ាលី​ណា នៅ​មិន​ទាន់​​បក​ស្រាយ ករណី​អតីត​ម្ដាយក្មេក​ថា ​ខ្លួន​រៀបចំ​គម្រោង​ធ្វើបាប​ព្រះតេជព្រះគុណ ឌួង ឆាយ

ភ្នំពេញ៖​ថ្វី​ត្បិត​ចំណង​ស្នេហ៍​រវាង​អតីត​ឧកញ៉ា ឌួង ឆាយ និង​អ្នកនាង ដេ​ត ម៉ាលី​ណា ត្រូវ​បាន​បញ្ចប់​នៅ​ចុងឆ្នាំ​២០២០​ក៏ដោយ​ ក៏​នៅតែ​កើតមាន​រឿងរ៉ាវ​មួយ​ចំនួន​និង​មន្ទិល​សង្ស័យ​ថា ​អ្នក​ទាំងពីរ​បែក​គ្នា​នេះ អាចម​អាច​មកពី​អ្នក​ទី​៣​។​​ការ​មាន​មន្ទិល​និង​សង្ស័យ​បែបនេះ ​ព្រោះ​ព្រះតេជព្រះគុណ ឌួង ឆាយ ក៏​ធ្លាប់​បង្ហើប​កាលពី​នៅ​ជា​បាសក​ថា​“​ដេ​ត ម៉ាលី​ណា​មាន​អ្នក​ទី​៣”​ តែ​ពេលនោះ ព្រះតេជព្រះគុណ មិនបាន​បង្ហើប​ថា​ មានឈ្មោះ​អ្វី​ឡើយ។​ 

ដូច​ការសង្ស័យ​មែន អាថ៌កំបាំង ត្រូវ​បាន​ទម្លាយ​កាលពី​ថ្ងៃ​ទី​១៤​ ខែ​ឧសភា​ ឆ្នាំ​២០២១​ដោយ​លោកជំទាវ ខុង លី​ស៊ី​អាណា ភរិយា​ឧកញ៉ា ឌួង ងៀប ថា អតីត​កូនប្រសា ដេ​ត ម៉ាលី​ណា និង​ឪពុក​ក្មេក ឌួង ងៀប បាន​ចូល​ដៃ​ចូល​ជើង​គ្នា​ ដើម្បី​រៀបចំ​គម្រោងការ​ជាន់​ឈ្លី​កេរ្តិ៍ ឈ្មោះ​ព្រះ​តេជគុណ លោក ឌួង ឆាយ​។​​ខណៈដែល​គេ​បានរៀបចំ​កាមេរ៉ា​នៅក្នុង​ផ្ទះ​ជាច្រើន​កន្លែង​ និង​បាន​អនុញ្ញាត​ឲ្យ​លោក ឌួង ឆាយ ទៅ​ជួប​ហើយក៏​ប្រើពាក្យ​ពេចន៍​ប្រមាថ​ជាច្រើន ​ក្នុង​គោលបំណង​ធ្វើ​ឲ្យ​លោក​ទប់​កំហឹង​មិនបាន​ក៏​ប្រើ​ហិង្សា​លើ​អ្នកនាង ហើយក៏​ប្រមូល​វីដេអូ​ទុកជា​ភស្តុតាង សម្រាប់​ដាក់​បន្ទុក​មក​លើ​រូបលោក​តែម្តង​។​

​បើ​យោងតាម​ការរៀបរាប់រ​បស់​លោកជំទាវ ​ខុង​ លី​ស៊ី​អាណា​ជាការ​ពិត​នោះ​ វា​ជា​ទង្វើ​ដ៏​ស្មោកគ្រោក ដែល​មនុស្ស​គ្រប់គ្នា​សឹងតែ​មិន​ជឿ​ថា ​ឪពុក​ហ៊ាន​ធ្វើបែបនេះ ​ចំពោះ​កូន​ឡើយ​ព្រោះតែ​កូនប្រុស​ច្បង ឌួង ឆាយ តែងតែ​ប្រឆាំង​មិន​ចង់​ឲ្យ​ឪពុក​មាន​ស្រី ហើយ​ព្យាយាម​ការពារ​ម្ដាយ​ទើបត្រូវ​ឪពុក​កើត​ក្តី​ហ្មង​សៅ​ខឹងសម្បា​ចាប់​ពី​ពេលនោះ​ មករ​ហូត​មាន​ការ​រៀប​គម្រោង​បែបនេះ​ជាមួយ​អតីត​កូនប្រសា ដេ​ត​ម៉ាលី​ណា​។ ​នេះ​បើតាម​ការបញ្ជាក់​របស់​លោក​ជំ​ទាវ ខុង លី​ស៊ី​អាណា ​ក្នុង​សន្និសីទ​សារព័ត៌មាន​កាល​ពីថ្ងៃ​ទី​១៤ ខែ​ឧសភា​។​

​ជុំវិញ​រឿង​សមគំនិត ដែល​លោកជំទាវ អះអាង​នៅ​ក្នុង​សន្និសីទ​សារព័ត៌មាន​នេះ មិនទាន់មាន​ការបកស្រាយ​ពី​លោកស្រី ដេ​ត ម៉ាលី​ណា និង​លោក​ឧកញ៉ា ឌួង ងៀប នៅឡើយ​ទេ​។​ ខណៈ​ដែល​រឿងរ៉ាវ​ខាងលើនេះ ​មាន​មហាជន​រង់ចាំ​មើល​ការ​ចេញមុខ​ស្រាយ​បំភ្លឺ​ពី​សំណាក់​អ្នកនាង ដេ​ត ម៉ាលី​ណា ដើម្បី​ជម្រះ​មន្ទិល​ជុំវិញ​ការ​បញ្ជាក់​ពី​អតីត​ម្ដាយ​ក្មេក​លោកជំទា វ​ខុង លី​លី​ស៊ី​អាណា ផង​ដែរ​៕

Post a Comment

0 Comments