www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ថ្នាក់​ដឹក​នាំ​ខេត្ត​កំពង់ចាម​នាំយក​អំណោយ​ លោកបណ្ឌិត​ ហ៊ុន​ ម៉ាណែត​​ និងលោកស្រី ចែកជូនប្រជា​ពលរដ្ឋ​ស្រុក​ស្ទឹងត្រង់

ខេត្ត​កំពង់ចាម​ ៖​ ប្រជាពលរដ្ឋ​ចំនួន​២០០គ្រួសារ​ រស់នៅភូមិដីក្រហម​ ឃុំសូភាស​ ស្រុក​ស្ទឹងត្រង់​ ខេត្ត​កំពង់ចាម​ ដែលមានជីវភាពខ្វះខាត​ ក្នុង​អំឡុង​ពេល​ការរីករាលដាលជំងឺកូវីដ-១៩​ ក្នុង​ព្រឹត្តិការណ៍​២០កុម្ភៈ​បានទទួល​អំណោយ​លោកបណ្ឌិត​ ហ៊ុន​ ម៉ាណែត​ អគ្គមេបញ្ជាការ​រង​ខេមរភូមិន្ទ​ និងជាមេបញ្ជាការកងទ័ពទជេីងគោក​ និងលោកស្រី ។ អំណោយ​ទាំង​នោះ​បាននាំយកទៅចែក​ ជូនដោយ​លោក​ អ៊ុន​ ចាន់ដា​ អភិបាល​ នៃគណៈអភិបាលខេត្ត​កំពង់ចាម​ និងអម​  ដំណើរ​ដោយ​លោកឧត្ដមសេនីយ៍​ទោ​ ឯម​ កុសល​ ស្នងការនគរបាលខេត្ត​កំពង់ចាម​ នៅព្រឹកថ្ងៃសៅរ៍​ ទី១០​ ខែកក្កដា​ ឆ្នាំ​២០២១​នេះ​ ។ 

កម្មវិធី​នេះ​ប្រព្រឹត្តទៅ​នៅ​សាលាស្រុក​ស្ទឹងត្រង់​ ដោយមានអញ្ជេីញចូលពីសំណាក់​ លោក​ រិន​ វីរៈ​ រដ្ឋ​លេខាធិការ​ប្រចាំក្រសួងផែនការ និនិងជាតំណាងលោកបណ្ឌិត​ ហ៊ុន​ ម៉ាណែត​ ប្រតិភូ​អមដំណើរ​ លោក​ លោកស្រី​ អភិបាល​រងខេត្ត​ កងកម្លាំង​ប្រដាប់​អាវុធ​ទាំងបី​ មន្ទីរ​អង្គភាព​ពាក់ព័ន្ធជុំវិញខេត្ត​ លោកអភិបាល​ អភិបាល​រងស្រុក​ និងសមាជិក​សមាជិការពាក់ព័ន្ធជុំវិញស្រុកស្ទឹងត្រង់​ ។អំណោយដែលយកទៅចែកូន​រួមមានៈ​​ អង្ករ​ ៥តោន,​មីជាតិ​ ១០០កេស,​អាកុល១០កាន​ និងម៉ាស់​ ១០,០០០សន្លឹក​ផ្ដល់ជូនប្រជាពលរដ្ឋ​ ២០០គ្រួសារ​ ក្នុង​មួយ​គ្រួសារទទួលបាន​ អង្ករ​ ២០គីឡូ​ក្រាម​,​ មីជាតិ០១កេស​,​ ទឹកត្រី​ ៣ដប,​ ទឹកសុីអុីវ២ដប​ និងថវិកា​ចំនួន​២០,០០០រៀលផងដែរ​ ។ 

ជួបសំណេះ​សំណាលមុនប្រគល់ជូន​ អំណោយ​លោក​ អ៊ុន​ ចាន់ដា​ អភិបាល​ នៃគណៈអភិបាលខេត្ត​កំពង់ចាម​បាន​នាំយកប្រសាសន៍​លោកបណ្ឌិត​ ហ៊ុន​ ម៉ាណែត​ អគ្គមេបញ្ជាការ​រង​ខេមរភូមិន្ទ​ និងជាមេបញ្ជាការកងទ័ពទជេីងគោក​ និងលោកស្រី សូមបងប្អូនជនរួមជាតិអនុវត្តន៍ឪ្យបានខ្ជាប់ខ្ជួននូវគោការណ៍របស់ប្រមុខរាជរដ្ឋាភិបាលបាន​ដាក់ចេញគឺ៣ការពារនិង៣កុំ ៖​ ៣ការពារ​  ពាក់ម៉ាស់ លាងដៃ. គម្លាតសុវត្ថិភាពសង្គម​ និងគម្លាតសុវត្ថិភាពបុគ្គល គឺចាប់ពី១ម៉ែត្រកន្លះឡេីងទៅឲ្យបានគ្រប់គ្នា​ នៅគ្រប់ទីកន្លែង​ និងអនុវត្តន៍ឲ្យបានគ្រប់គ្នា)​ ។ ឯ៣កុំ​ កុំចូលកន្លែងបិទជិត​ គ្មានខ្យល់ចេញចូល​ និងប្រេីម៉ាស៉ីនត្រជាក់ច្រេីនពេក​ រកកន្លែងមានខ្យល់ចេញចូល កន្លែងមនុស្សច្រេីនកុះករ កុំប៉ះពាល់គ្នា​ កុំចាប់ដៃគ្នា​ កុំកៀស្មាគ្នា​ កុំចាប់ដៃគ្នាជាដេីម៕
















Post a Comment

0 Comments