www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

ក្រសួងប្រៃសយីយ៍ព្រមានចាត់វិធានការចំពោះក្រុមហ៊ុនទូរស័ព្ទចល័តលក់ស៊ីមកាតមិនយកឯកសារសម្គាល់

រាជធានី​ភ្នំពេញ ៖ ក្រសួង​ប្រៃសណីយ៍ និង​ទូរគមនាគមន៍​បាន​ប្រកាស​ព្រមាន​ចំពោះ​ក្រុមហ៊ុនទូរស័ព្ទ​ចល័ត​ណា​ដែល​លក់​ស៊ី​មកា​ត មិន​យក​ឯកសារ​សម្គាល់ ។យោង​តាម​សេចក្ដី​ប្រកាស​ព័ត៌មាន​ក្រសួង​ប្រៃសនីយ៍ នៅ​ថ្ងៃ​ទី​១០​សីហា ឆ្នាំ​២០២១ ស្តី​ពី​ចំណាត់ការ​លើ​ប្រតិបត្តិ​ករ​ផ្ដល់​សេវា​ទូរស័ព្ទ​ចល័ត​ដែល​លក់ និង​ចែកចាយ​ស៊ី​មកា​ត​ដោយ​មិន​ទទួលយក​ឯកសារ​សម្គាល់​អត្តសញ្ញាណ​របស់​អ្នក​ប្រើប្រាស់ បាន​លើក​ឡើង​ថា ថ្មី​ៗ​នេះ ក្រសួង​ប្រៃសណីយ៍ និង​ទូរគមនាគមន៍​បាន​រក​ឃើញជាក់ស្ដែង​ជា​បន្តបន្ទាប់​ថា ក្រុមហ៊ុន​វៀត​ធេ​ល (​ខេ​ម​បូ​ឌា​) និង​ក្រុមហ៊ុន​ស្មា​ត អា​ស្យា​តា ខូ អិ​ល​ធី​ឌី បាន​ធ្វើ​សកម្មភាព​លក់​និង​ចែកចាយ​ស៊ី​មកា​ត​នៅ​តាម​ទីតាំង​មួយ​ចំនួន​ដោយ​ពុំ​តម្រូវ​ឱ្យ​មាន​ឯកសារ​សម្គាល់​អត្តសញ្ញាណ​របស់​អ្នក​ប្រើប្រាស់ ។ក្រសួង​ថា សកម្មភាព​នេះ បង្ហាញ​ឱ្យ​ឃើញ​នូវ​ការ​បន្ត​អនុវត្ត​ផ្ទុយ​នឹង​សារាចរ​អន្តរក្រសួង ចុះ​ថ្ងៃ​ទី​២៨ ខែកុម្ភៈ ឆ្នាំ​២០១២ និង សេចក្ដីណែនាំ​របស់​ក្រសួង​ប្រៃសណីយ៍ និង​ទូរគមនាគមន៍ និង​និយ័ត​ករ​ទូរគមនាគមន៍​កម្ពុជា ។ក្រសួង​ថា ដើម្បី​ពង្រឹង​សណ្តាប់ធ្នាប់​លើ​វិស័យ​ទូរគមនាគមន៍ និង​សន្តិសុខ​ជាតិ តាម​រយៈ​ការ​ទប់ស្កាត់​ការ​ប្រើប្រាស់​ស៊ី​មកា​ត​ដែល​មិន​មាន​ឯកសារ​សម្គាល់​អត្តសញ្ញាណ​ត្រឹមត្រូវ ក្រសួង​សូម​ជម្រាប​ជូន​សាធារណជន​អំពី​ការ​ចាត់វិធានការ​លើ​ប្រតិបត្តិ​ករ​ផ្តល់​សេវា​ទូរស័ព្ទ​ចល័ត​ទាំង​ពីរ ដោយ​តម្រូវ​ឱ្យ​បញ្ឈប់​ជា​បន្ទាន់​នូវ​ការ​លក់ និង​ចែកចាយ​ស៊ី​មកា​ត​ដោយ​មិន​យក​ឯកសារ​សម្គាល់​អត្តសញ្ញាណ​របស់​អ្នក​ប្រើប្រាស់ តាម​គ្រប់​រូបភាព ឬ​មធ្យោបាយ ចាប់ពី​ថ្ងៃ​ជូនដំណឹង​នេះ​តទៅ ។

ក្រសួង​បន្ថែម​ថា ក្នុង​ករណី​ជន​ទុច្ចរិត​ទិញ​ស៊ី​មកា​ត មិន​មាន​ឯកសារ​សម្គាល់​អត្តសញ្ញាណ​ពី​ក្រុមហ៊ុន ដើម្បី​ប្រព្រឹត្ត​អំពើ​ខុសច្បាប់ ទោះបី​ក្រុមហ៊ុន​មិន​បាន​ប្រព្រឹត្ត​ក៏​ដោយ នោះ​មាន​ន័យ​ថា ក្រុមហ៊ុន​បាន​ចូលរួម​ចំណែក​ប្រព្រឹត្ត​អំពើ​ខុសច្បាប់ ឬ​ឃុបឃិត​ជាមួយ​ជន​ទុច្ចរិត​ដោយ​ប្រយោល ។ប្រសិនបើ ប្រតិបត្តិ​ករ​ផ្តល់​សេវា​ទូរស័ព្ទ​ចល័ត​នៅ​តែ​មិន​អនុវត្ត​តាម​ចំណាត់ការ​ខាងលើ ក្រសួង​ប្រៃសណីយ៍ និង​ទូរគមនាគមន៍ និង​ចាត់វិធានការ​ដូច​ខាងក្រោម ៖ ១. ព្យួរ ឬ​លុប​អាជ្ញា​បណ្ណ​ប្រតិបត្តិការ​ផ្តល់​សេវា​ទូរស័ព្ទ​ចល័ត ។ ២. បង្កក​រាល់​ការ​ស្នើ​សុំ​នានា​របស់​ប្រតិបត្តិ​ករ ។ ៣. ចាត់វិធានការ​ផ្សេង​ទៀត ស្រប​តាម​មាត្រា​៧៨ នៃ​ច្បាប់​ស្ដី​ពី​ទូរគមនាគមន៍ ៤.​រាល់​បុគ្គល​ពាក់ព័ន្ធ​នឹង​ករណី​ខាងលើ​នេះ​នឹង​ត្រូវ​ប្រឈម​ចំពោះ​មុខ​ច្បាប់ព្រហ្មទណ្ឌ ។ក្រសួង​ប្រៃសណីយ៍ និង​ទូរគមនាគមន៍​នឹង​បន្ត​តាមដាន និង​ចាត់វិធានការ​យ៉ាង​តឹងរ៉ឹង​បំផុត​ស្រប​តាម​ច្បាប់ និង​លិខិត​បទដ្ឋាន​គតិ​យុ​ត្ត​ដែល​មាន​ជា​ធរមាន ចំពោះ​ប្រតិបត្តិ​ករ​ផ្តល់​សេវា​ទូរស័ព្ទ​ចល័ត​ណា​ដែល​បាន​ប្រព្រឹត្ត​ខុសច្បាប់។សូមបញ្ជាក់ផងដែរថា?កាលពីពេលថ្ងៃទី២២ខែកក្កដា ឆ្នាំ២០២១កន្លងទៅនេះក្រសួង​ប្រៃសណីយ៍ និង​ទូរគមនាគមន៍ បានចេញប្រកាស​ពី​ការចាត់វិធានការ ចំពោះ​ក្រុមហ៊ុន ស្មា​ត អា​ស្យា​តា ខូ អិ​ល​ធី​ឌី បន្ទាប់ពី​ក្រសួងប្រិយណីយ៍ បាន​រកឃើញថា ក្រុមហ៊ុន​មួយ​នេះ បាន​អនុវត្ត​ខុស​នឹង​នីតិវិធី ក្នុង​ការបើក​លេខ​ទូរស័ព្ទ ជូន​អតិថិជន​។​

 ​យោងតាម​សេចក្តីប្រកាស របស់​ក្រសួង​ប្រៃសណីយ៍ បានបញ្ជាក់​ថាៈ ”​នា​ថ្មីៗ​នេះ ក្រសួង​ប្រៃសណីយ៍ និង​ទូរគមនាគមន៍ បាន​រកឃើញថា ក្រុមហ៊ុន ស្មា​ត អាស្សា​តា ខូ អិ​ល​ធី​ឌី (Smart Axiata Co., Ltd.) បាន​អនុវត្ត​ខុស​នឹង​នីតិវិធី ក្នុង​ការបើក​លេខ​ទូរស័ព្ទ ជូន​អតិថិជន ដោយបាន​កាត់ផ្តាច់ លេខ​ទូរស័ព្ទ របស់​អតិថិជន ដែល​កំពុង​ប្រើ ប្រាស់​រាល់ថ្ងៃ ហើយ​យកទៅលក់​បន្ត ឱ្យ​អតិថិជន​ថ្មី ដោយ​គ្មាន​ការយល់ព្រម ពី​ម្ចាស់​ដើម​”​។​យោងតាមលិខិតរបស់​ក្រសួង​ប្រៃសណីយ៍ បានបញ្ជាក់​ក្នុង​សេចក្តីប្រកាស​របស់ខ្លួន​ថាៈ ដើម្បី​ការពារ​សិទ្ធិ និង​ផលប្រយោជន៍ អ្នកប្រើប្រាស់​សេវា​ទូរស័ព្ទ​ចល័ត ក្រសួង​ប្រៃសណីយ៍ និង​ទូរគមនាគមន៍ សូម​ជម្រាបជូន សាធារណជន អំពី​ការចាត់វិធានការ លើ​ក្រុមហ៊ុន ស្មា​ត អាស្សា​តា ខូ អិ​ល​ធី​ឌី ដូចខាងក្រោម​៖។១. ក្រុមហ៊ុន ស្មា​ត អាស្សា​តា ខូ​អិ​ល​ធី​ឌី ត្រូវ​ធ្វើការ​សុំទោស ជា​សាធារណៈ ដោយ​ចុះផ្សាយ ក្នុង​គេហទំព័រ​ផ្លូវការ របស់ខ្លួន និង​សន្យា​មិន​ឱ្យមាន​ហេតុការណ៍ ខាងលើ កើតមាន​សារជាថ្មី​ម្តងទៀត​។​

២. ក្រុមហ៊ុន ស្មា​ត អាស្សា​តា ខូ​អិ​ល​ធី​ឌី ត្រូវ​ផ្តល់​សំណង នៃ​ការខូចខាត ដល់​ម្ចាស់​ដើម ចំពោះ​ការប្រព្រឹត្ត ខុស​នឹង​នីតិវិធី ក្នុង​ការបិទ​លេខ​ទូរស័ព្ទ ពី​អតិថិជន ដែល​កំពុង​ប្រើប្រាស់​។​៣.​ម្ចាស់​ដើម​មាន​សិទ្ធិ​ទទួលបាន លេខ​ទូរស័ព្ទ​នោះ មកប្រើប្រាស់​វិញ​។​៤. រាល់​បុគ្គល​ពាក់ព័ន្ធ​នឹង​ករណី ខាងលើនេះ នឹងត្រូវ​ទទួលខុសត្រូវ ចំពោះមុខ​ច្បាប់ ជា​ធរមាន​។​ក្រសួង​ប្រៃសណីយ៍ និង​ទូរគមនាគមន៍ សូម​រំលឹក​ដល់​ប្រតិបត្តិ​ករ ផ្តល់​សេវា​ទូរស័ព្ទ ចល័ត​ទាំងអស់ ត្រូវ​ពង្រឹង ការគ្រប់គ្រង និង​នីតិវិធី នៃ​ការ​ចែកចាយ និង​លក់​ស៊ីម​កាត ទូរស័ព្ទ​ចល័ត ឱ្យបាន​ត្រឹមត្រូវ ជូន​អតិថិជន​របស់ខ្លួន ជៀសវាង មាន​ករណីបែបនេះ កើតឡើង​។​ក្រសួង​ប្រៃសណីយ៍ និង​ទូរគមនាគមន៍ នឹង​បន្ត​តាមដាន និង​ចាត់វិធានការ​យ៉ាង​តឹង រ៉ឹង​បំផុត ស្របតាម​ច្បាប់ និង​លិខិតបទដ្ឋាន គតិយុត្ត ជា​ធរមាន ចំពោះ​ប្រតិបត្តិ​ករ ផ្តល់​សេវា​ទូរស័ព្ទ​ចល័ត​ណា ដែល​បាន​ប្រព្រឹត្ត ខុស​៕



Post a Comment

0 Comments