www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ


លោកម៉ុត ដារ៉ា រងការរិះគន់ ករណីយកកាំភ្លើងគំរាមបាញ់ប្រពន្ធ ប្រើហិង្សាលើប្រពន្ធ និងឈ្នួលបម្រើក្នុងផ្ទះ, តើមន្ត្រីនគរបាលយុត្តិធម៌ ហ៊ានទេឃាត់ខ្លួន

ភ្នំពេញ ៖មានការចែកចាយជាបន្តបន្ទាប់នៅលើបណ្តាញសង្គមហ្វេសប៊ុក និងបណ្តាញសារព័ត៌មាន ពីករណីព្រះរាជអាជ្ញារងអមសាលាដំបូងរាជធានីភ្នំពេញ លោក ម៉ុត ដារ៉ា បានយកកាំភ្លើងគំរាមបាញ់ប្រពន្ធ ប្រើហិង្សាលើប្រពន្ធ និងឈ្នួលបម្រើក្នុងផ្ទះ, ស្រ្តីជាប្រពន្ធសូមឲ្យសមត្ថកិច្ចចាត់វិធានការតាមច្បាប់ ។ អំពើនេះត្រូវតែឃាត់ខ្លួន ឬជាបទល្មើសមិនជាក់ស្តែង សូមមន្ត្រីនគរបាលយុត្តិធម៌ បង្ហាញពីតួនាទី ភារកិច្ច អោយសមស្រប ការគោរពច្បាប់ស្មើភាពគ្នា។សូមរំលឹកថា, ព្រះរាជអាជ្ញារងអមសាលាដំបូងរាជធានីភ្នំពេញ លោក ម៉ុត ដារ៉ា បានយកកាំភ្លើងភ្ជង់គំរាមបាញ់ប្រពន្ធ ប្រើហិង្សាលើប្រពន្ធ និងឈ្នួលបម្រើក្នុងផ្ទះបង្កឲ្យមានការភ្ញាក់ផ្អើលដល់អ្នកជិតខាង និងសមត្ថកិច្ចចុះទៅអន្តរាគមន៍។ នេះបើតាមការបញ្ជាក់របស់ម្តាយក្មេក និងស្រ្តីជាប្រពន្ធរបស់ព្រះរាជអាជ្ញារងរូបនេះ បានប្រាប់អ្នកសារព័ត៌មាននៅយប់ថ្ងៃទី១២ ខែមីនា ឆ្នាំ២០២២ ។

បើតាមសមត្ថកិច្ចបញ្ជាក់ថា, ហេតុការណ៍ដែលបង្កឲ្យមានការភ្ញាក់ផ្អើលខាងលើនេះ បានកើតឡើងនៅវេលាម៉ោង ៩៖៣០នាទីយប់ថ្ងៃសៅរ៍ ទី១២ ខែមីនា ឆ្នាំ២០២២ ស្ថិតនៅចំណុចផ្លូវ១៥០ ផ្ទះ៨៩ សង្កាត់ទឹកល្អក់ទី២ ខណ្ឌទួលគោក។ក្រោយទទួលបានសេចក្តីរាយការណ៍ខាងលើនេះ កម្លាំងសមត្ថកិច្ចមូលដ្ឋាន បានចុះទៅជួយអន្តរាគមន៍ដោយសុំឲ្យស្រ្តីជាប្រពន្ធ ធ្វើដំណើរទៅកាន់ទៅប៉ុស្តិ៍រដ្ឋបាលដើម្បីដាក់ពាក្យបណ្តឹង។

បើតាមស្រ្តីជាប្រពន្ធឈ្មោះ ហេង មួយគា និងម្តាយក្មេក បានប្រាប់អ្នកយកព័ត៌មានដែលកំពុងធ្វើការផ្សាយផ្ទាល់នៅកន្លែងកើតហេតុនោះថា ឈ្មោះ ម៉ុត ដារ៉ា តែងតែប្រើហិង្សាមកលើគាត់ជាប្រពន្ធ ជាច្រើនលើកច្រើនសាររហូតស្រ្តីជាប្រពន្ធទ្រាំលែងបាន ទើបឈ្លោះគ្នាកាន់តែខ្លាំងនៅពេលនេះតែម្តង។ ជាមួយគ្នានេះស្រ្តីជាប្រពន្ធ បានទទូចដល់សមត្ថកិច្ច ចាត់វិធានការតាមច្បាប់ចំពោះប្តីរបស់ខ្លួនដែលមានតួនាទីជាព្រះរាជអាជ្ញារងអមសាលាដំបូងរូបនេះ។ប្រព័ន្ធផ្សព្វផ្សាយបានបង្ហោះរឿងនេះ ផងដែរ ប្រសិនជាការពិត ត្រូវស្គាល់ លោក កើត រិទ្ធ រដ្ឋមន្ត្រី ក្រសួងយុត្តិធម៌ អោយច្បាស់ គ្មានកត្តាយោគយល់ទេ ជនប្រព្រឹត្តបទល្មើស។ពាក់ព័ន្ធនិងករណីខាងលើនេះ(សាន់ដេ)មិនអាចទាក់ទងលោកម៉ុត ដារ៉ា បាននោះទេ?ដើម្បីសូមការបំភ្លឺលំអិត។

      



Post a Comment

0 Comments