បនល្បែងជល់មាន់ នៅក្នុងឃុំស្វាយពោធ៌ ទាល់តែមានបទបញ្ជា ពីថ្នាក់ខេត្តកំពង់ចាម ទើបសមត្ថកិច្ចស្រុកស្រីសន្ធរចុះមកបង្ក្រាប - គេហទំព័រសាន់ដេធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

Post Top Ad

Your Ad Spot

បនល្បែងជល់មាន់ នៅក្នុងឃុំស្វាយពោធ៌ ទាល់តែមានបទបញ្ជា ពីថ្នាក់ខេត្តកំពង់ចាម ទើបសមត្ថកិច្ចស្រុកស្រីសន្ធរចុះមកបង្ក្រាប

 

កំពង់ចាម៖ទីតាំងបនល្បែងស៊ីសងជល់មាន់ នៅចំណុចភ្នំមាស ស្ថិតក្នុងឃុំស្វាយពោធ៌ ស្រុកស្រីសន្ធរ ខេត្តកំពង់ចាម  ទើបតែបើកលេងមិនទាន់ទាំងបានមួយដង្ហើមចង្រិតផង ត្រូវបាន
ឯកឧត្តម ឯមកុសល ស្នងការនគរបាលខេត្តកំពង់ចាម ចេញបទបញ្ជាដល់សមត្ថកិច្ចនគរបាលស្រុកស្រីសន្ធរ ចុះបង្ក្រាបបនល្បែងជល់មាន់ខាងលើ ធ្វើអោយពួកញៀនល្បែងរត់បាតជើងសព្រាត។

យោងតាមប្រភពព័ត៌មាន ពីប្រជាពលរដ្ឋ នៅក្នុងមូលដ្ឋានខាងលើ បានលើកឡើងថា?បនល្បែងស៊ីសងមាន់ជល់ នៅក្នុងមូលដ្ឋានខាងលើ កំពុងតែបើកលេងយ៉ាងរលូន ក្នុងនោះក្រុមអ្នកញៀនល្បែងបាននាំគ្នាចូលទៅលេង យ៉ាងអនាធិបតេយ្យជាទីបំផុត ដោយមិនញញើតនិងទោសទណ្ឌបន្តិចណាសោះឡើយ។

ប្រភពខាងលើបានលើកឡើងទៀតថា?ពួកគាត់បានរាយការណ៌ជូនអាជ្ញាធរនិងសមត្ថខាងលើជាបន្តបន្ទាប់ ប៉ុន្តែមិនមានចំណាត់ការណ៌ ក្នុងការទប់ស្កាត់បនិងបង្ក្រាបសោះឡើយ?ទំនងអស់លោកអាជ្ញាធរនិងសមត្ថកិច្ចពាក់ព័ន្ធ ត្រូវថ្នាំសណ្តំឬទទួលសំណែនពីពួកមេបនល្បែងខាងនេះអស់ហើយមើលទៅ។

សូមជម្រាបថា៖ បើយោងតាមច្បាប់នៃការបង្ក្រាបល្បែងសុីសង ជំពូក៣ ទោសបញ្ញត្តិ បានចែងក្នុងមាត្រា ៤ ជនណាលេងល្បែងសុីសង ជននោះត្រូវផ្តន្ទាទោសពិន័យជាប្រាក់ពីមួយមុឺនរៀល(១០.០០០) ដល់ ប្រាំមុឺនរៀល (៥០.០០០) ឬដាក់គុកពីមួយថ្ងៃដល់មួយខែ។ ក្នុងករណីមិនរាងចាល ត្រូវផ្តន្ទាទោសពិន័យជាប្រាក់ពីប្រាំមុឺនរៀល(៥០.០០០)ដល់ប្រាំសែនរៀល(៥០០.០០០) និងដាក់គុកពីមួយខែដល់មួយឆ្នាំ។

មាត្រា៥ ត្រូវផ្តន្ទាទិសពិន័យជាប្រាក់ពីប្រាំលានរៀល(៥.០០០.០០០)ដល់ម្ភៃលានរៀល
(២០.០០០.០០០)និងដាក់គុកពីមួយឆ្នាំដល់ប្រាំឆ្នាំ ចំពោះអ្នកបើកកន្លែងលេងល្បែងសុីសង អ្នកកាន់កាប់ល្បែងសុីសង អ្នកចាត់ចែងនិងភ្នាក់ងារសុីសង។ ក្នុងករណីពុំរាងចាលត្រូវផ្តន្ទាទោសពិន័យជាប្រាក់និងដាក់គុកខាងលើជាអតិបរមា នឹងមាត្រា ៦-៧-៨-៩-១០ និង១១ទៀតផង។

សូមជម្រាបថា? ល្បែងស៊ីសងគឺជាអំពើល្មើសច្បាប់ ដែលរាជរដ្ឋភិបាលកម្ពុជា ដែលមានសម្តេចតេជោហ៊ុនសែន ជានាយករដ្ឋមន្ត្រីនៃកម្ពុជា សម្តេចលោកតែងតែចេញបទបញ្ជាដល់អាជ្ញាធរនិងសមត្ថកិច្ចគ្រប់រាជធានីខេត្ត ត្រូវនាំគ្នាទប់ស្កាត់និងបង្ក្រាបអោយខាងតើបាន ដើម្បីអនុវត្តន៌នូវគោលនយោបាយភូមិឃុំសង្កាត់មានសុវត្ថភាពទាំង៧ចំណុច។

ពលរដ្ឋនៅក្នុងឃុំស្វាយពោធ៌ សូមថ្លែងអំណរអរគុណ ចំពោះឯកឧត្តម ឯមកុសល ស្នងការនគរបាលខេត្តកំពង់ចាម ដែលមានចំណាត់ក្តៅចំពោះបនល្បែងជល់មាន់ខាងលើនេះប្រកបដោយប្រសិទ្ធភាព។


No comments:

Post a Comment

Pages