អតីត​នាយក​សាលា​ម្នាក់ ត្រូវ​កាត់ទោស​ដាក់​គុ.ក​៣៨៥​ឆ្នាំ រឿងឱ្យសិស្ស​ហូបតែនំបញ្ចុកទឹកត្រី​រាល់ថ្ងៃ​។ - គេហទំព័រសាន់ដេ ធីវីអនឡាញ
www.sundaytvonline.com /ទំនាក់ទំនងព័ត៌មាន និងផ្សព្វផ្សាយពាណិជ្ជកម្ម Tel: 060842222 / 093843333 /រក្សាសិទ្ធគ្រប់យ៉ាង ដោយអង្គភាពគេហទំព័រសាន់ដេ

Breaking

អតីត​នាយក​សាលា​ម្នាក់ ត្រូវ​កាត់ទោស​ដាក់​គុ.ក​៣៨៥​ឆ្នាំ រឿងឱ្យសិស្ស​ហូបតែនំបញ្ចុកទឹកត្រី​រាល់ថ្ងៃ​។


ថៃ ៖ តុលាការ​ឧក្រិ.ដ្ឋកម្ម​នៃ​ប្រទេស​ថៃ បាន​កាត់ទោស​អតីត​នាយក​សាលា​ម​ត្តេ​យ្យ Ban Tha Mai ក្នុង​ខេត្ត Surat Thani ដាក់​ពន្ធនាគារ​រយៈពេល ៥០​ឆ្នាំ​ពី​បទ​ប្រព្រឹត្ត​អំពើ​ពុក​រលួយ​កិបកេង​លុយ​ថ្លៃ​បម្រើ​អាហារ​ថ្ងៃត្រង់​សម្រាប់​សិស្ស​។ នេះ​បើ​យោង​តាម​ប្រភព​ពី​សារព័ត៌មាន​ថៃ The Thaiger ចេញផ្សាយ​កាលពី​ថ្ងៃ​ទី​២២ ខែតុលា កន្លង​ទៅ​។លោក Somchaow Sittichen ដែល​ជា​ជនជាប់ចោទ​បាន​ឆ្លើយ​សារភាព​ថា ខ្លួន​ពិតជា​បាន​កិបកេង​លុយ​ថ្លៃ​អាហារ​ថ្ងៃត្រង់​ដល់​សិស្ស​ពិតប្រាកដ​មែន​។ ដោយ​សិស្ស​ទាំងអស់​ត្រូវ​បាន​ផ្តល់​តែ​នំ​បញ្ចុក​ទឹកត្រី​សម្រាប់​អាហារ​ថ្ងៃត្រង់​របស់​ពួក​គេ​។

តុលាការ​បាន​រក​ឃើញ​ថា លោក Somchaow មាន​ពិរុទ្ធ​ពី​បទ​ប្រព្រឹត្ត​អំពើ​ពុក​រលួយ​ចំនួន​៧៧​ករណី ដែល​ក្នុង​មួយ​ករណី​ត្រូវ​កាត់ទោស​ជាប់​ពន្ធនាគារ​រយៈពេល​៥​ឆ្នាំ​។ ដំបូង​ឡើយ តុលាការ​បាន​កាត់ទោស​អតីត​នាយក​សាលា​រូប​នោះ ជាប់​ពន្ធនាគារ​រយៈពេល​រហូត​ដល់ ៣៨៥​ឆ្នាំ​។ ប៉ុន្តែ​ទោះ​យ៉ាងណា ទោស​ពិតប្រាកដ​របស់​គាត់​មិន​អាច​លើស​ពី​៥០​ឆ្នាំ​ឡើយ ដោយ​យោង​តាម​មាត្រា ៩១(៣) នៃ​ក្រមព្រហ្មទណ្ឌ​របស់​ប្រទេស​ថៃ​។ដោយ​ច្បាប់​បាន​ចែង​ថា ជន​ណា​ក៏​ដោយ​ដែល​រក​ឃើញ​ថា មាន​ពិរុទ្ធភាព​ជា​ច្រើន​ករណី​នៃ​បទឧក្រិដ្ឋ​ដែល​ត្រូវ​ជាប់​ពន្ធនាគារ​រហូត​ដល់​១០​ឆ្នាំ​ឡើង​ទៅ អាច​នឹង​ត្រូវ​ជាប់​ពន្ធនាគារ​ជា​អតិបរមា ៥០​ឆ្នាំ លុះត្រាតែ​តុលាការ​កាត់ទោស​ពួក​គេ​ឱ្យ​ជាប់​ពន្ធនាគារ​អស់​មួយ​ជីវិត​។

តុលាការ​មិន​បាន​បញ្ជាក់​ថា លោក Somchaow Sittichen បាន​កិបកេង​ប្រាក់​ប៉ុន្មាន ឬ​រយៈពេល​ប៉ុន្មាន ដែល​សិស្សសាលា​ម​ត្តេ​យ្យ​ទាំងអស់ ត្រូវ​បាន​គេ​បម្រើ​អាហារ​ថ្ងៃត្រង់​ដ៏​អាក្រក់​នោះ​ទេ? ប៉ុន្តែ​តុលាការ​គ្រាន់តែ​បញ្ជាក់​ថា គាត់​បាន​ប្រព្រឹត្ត​បទឧក្រិ.ដ្ឋ​ធ្ងន់ធ្ងរ ដោយសារ​តែ​កុមារ​មិន​បាន​ទទួល​អាហារូបត្ថម្ភ​គ្រប់គ្រាន់​សម្រាប់​ការ​អភិវឌ្ឍ​រាង​កាយ​ពួក​គេ ដែល​ទ​ង្វើ​របស់​គាត់​នឹង​ជះ​ផល​អវិជ្ជមាន​រយៈពេល​វែង​ដល់​កុមារ​។ប្រទេស​ថៃ​ត្រូវ​បាន​គេ​ស្គាល់​ថា​មាន​កម្រិត​ខ្ពស់​នៃ​អំពើ​ពុក​រលួយ​ក្នុង​គ្រប់​វិស័យ​រួម​ទាំង​វិស័យ​អប់រំ​ផង​ដែរ​។ ហើយ​អំពើ​ពុក​រលួយ​ត្រូវ​បាន​ចាត់​ទុក​ថា កាន់តែ​អាក្រក់​ទៅ​ៗ ចាប់តាំងពី​រដ្ឋប្រហារ​យោធា​ឆ្នាំ ២០១៤ បាន​ទម្លាក់​រដ្ឋាភិបាល​ជាប់​ឆ្នោត​របស់​លោកស្រី យី​ង​ឡាក់ ស៊ី​ណា​វ៉ា​ត្រា​។

សាលារៀន​ថៃ ទទួល​បាន​ប្រាក់​ឧបត្ថម្ភ​ពី​រដ្ឋាភិបាល​សម្រាប់​សិស្ស​ចុះ​ឈ្មោះ​ចូល​រៀន​ម្នាក់​ៗ ដោយ​សិស្ស​ថ្នាក់​ទី​៧ ដល់ទី​៩ ត្រូវ​បាន​ផ្តល់​ថវិកា​ចំនួន ៤,៨០០​បាត ដែល​ស្មើ​ប្រមាណ ១២៥​ដុល្លារ​ក្នុង​មួយ​ឆ្នាំ​។ ហើយ​សិស្ស​នៅ​ថ្នាក់​ទី​១០ ដល់ទី​១២ ត្រូវ​បាន​បែងចែក​ថវិកា​ចំនួន ៦,២៥០​បាត​ក្នុង​មួយ​ឆ្នាំ ។​កត្តា​នេះ​ត្រូវ​បាន​ចោទប្រកាន់​ថា សាលារៀន​បាន​បំប៉ោង​ការ​ចុះ​ឈ្មោះ​ចូល​រៀន​របស់​ពួក​គេ​ជាមួយ​ចំនួន​សិស្ស​ខ្មោ.ច (​សិស្ស​មាន​តែ​ឈ្មោះ​) ។ ខណៈ​សាលារៀន​មួយ ត្រូវ​បាន​គេ​រក​ឃើញ​ថា មាន​ចំនួន​សិស្ស​ខ្មោ.ច​រហូត​ដល់ ១៩៦​នាក់​៕


No comments:

Post a Comment

Pages