ស្នងការដ្ឋាននគរបាលខេត្តកំពង់ចាម សូមជម្រាបជូន​បងប្អូន​សាធារណជនទាំងអស់ជ្រាបជាព័ត៌មាន​ ក៏ដូចជាអំពាវនាវស្វែងរកក្រុមគ្រួសារនៃសព ដែលពាក់ព័ន្ធ​នឹងករណីប្រទះឃេីញសាកសពក្មេងប្រុសម្នាក់អណ្ដែតទឹក​ នៅចំណុចច្រាំងទន្លេមេគង្គ ស្ថិតនៅភូមិទី៧ ឃុំកោះសូទិន ស្រុកកោះសូទិន

 

កំពង់ចាម៖នៅវេលាម៉ោង០៩:១០នាទី ថ្ងៃទី១៨ ខែកក្កដា ឆ្នាំ២០២៣ សមត្ថកិច្ច​យេីងខ្ញុំ​ បានទទួលព័ត៌មានពីប្រជាពលរដ្ឋដែលបានប្រទះឃេីញសាកសពក្មេងអណ្ដែតទឹក​ នៅចំណុចទីតាំងខាងលេី​ ។ ភ្លាមនោះ​ កម្លាំងជំនាញ​បានសហការ​ជាអាជ្ញាធរមូលដ្ឋានពាក់ព័ន្ធ​ បានចុះដល់កន្លែងកេីតហេតុ​ ឃេីញថា​សាកសពនោះ​ ជាកុមារមានអាយុប្រហែល​ ៣ឆ្នាំ​ ភេទប្រុស​ ពាក់អាវយឺតដៃវែងពណ៌ក្រហម អត់ស្លៀកខោ ហេីយសាកសពនោះ​ មានសភាពរឹងហើមរលួយ​ ។បច្ចុប្បន្ន​សាកសពក្មេងប្រុសខាងលេីនេះ​ ត្រូវបានយកទៅបញ្ចុះនៅមុខវត្តមួយកន្លែង ស្ថិតក្នុងភូមិទី៨ ឃុំកោះសូទិន ស្រុកកោះសូទិន ខេត្តកំពង់ចាម​ ក្រោមការសម្របសម្រួលពីលោក​ ឈឹម​ បញ្ញា​ ព្រះរាជ​អាជ្ញា​រង​ នៃអយ្យការអមសាលាដំបូងខេត្តកំពង់ចាម​ ។ 

សូមបញ្ជាក់​ផងដែរថា​ រហូត​មកពេលនេះសមត្ថកិច្ចយេីងខ្ញុំនៅតាមគ្រប់មូលដ្ឋាន​បានធ្វេីការផ្សព្វផ្សាយស្វែងរកក្រុមគ្រួសារនៃសព​ ប៉ុន្ដែនៅមិនទាន់ទទួលបានព័ត៌មាននៅឡេីយ​ ។អាស្រ័យ​ដូចបានជម្រាបជូន​តាមភិនភាគនៃសាកសពខាងលេីនេះ​ ស្នងការ​ដ្ឋាន​នគរបាលខេត្តកំពង់ចាម​យេីងខ្ញុំ​ ស្នេីសុំឲ្យ​បងប្អូន​សាធារណជន​ទាំងអស់​ ពិសេសអ្នកនិយមកប្រេីប្រាស់នូវបណ្ដាញសង្គម​ជួយផ្សព្វផ្សាយ​បន្ដ​ ដេីម្បី​ស្វែងរកសាច់ញាតិបងប្អូនគ្រួសារសព​ និងសូមផ្ដល់ព័ត៌មានជាក់លាក់តាមរយៈ​ក្រុមការងារ​ប្រតិកម្មរហ័ស​ នៃស្នងការដ្ឋាននគរបាលខេត្ត​កំពង់ចាម​យេីងខ្ញុំ​ លេខទូរស័ព្ទ​ 015 727 337​ ឬ​ 069 998 833 ។ សូមអរគុណ​!