បុគ្គលព្រនាម៧២ កាងល្បែងមាន់ជល់តាមអនឡាញ នៅក្នុងសង្កាត់ចោមចៅ៣ ខណះអស់លោកអាជ្ញាធរនិងសមត្ថកិច្ចនៅក្នុងមូលដ្ឋានរក្សាភាពស្ងៀមស្ងាត់

 

ភ្នំពេញ៖ ទីតាំមាន់ជល់តាមអនឡាញ នៅខាងក្រោយមន្ទីពេទ្យឯកជនមួយ ឈ្មោះឡាំ ប៊ុនថង ស្ថិតក្នុងភូមិជម្ពូរវ័ន្ត សង្កាត់ចោមចៅ៣ ខណ្ឌពោធ៌សែនជ័យ រាជធានីភ្នំពេញ បានបើកដំណើរការឡើងវិញហើយ ដោយមានបុគ្គលមានអំណាចម្នាក់ព្រនាម៧២ នៅចាំកាងទីតាំងល្បែងមាន់ជល់តាមអនឡាញខាងលើនេះ ដើម្បីការពារ កុំអោយមានការរំខានពីសំណាក់លោកអាជ្ញាធរនិងសមត្ថកិច្ចពាក់ព័ន្ធនៅក្នុងមូលដ្ឋាន។

ប្រជាពលរដ្ឋ មានការងឿងឆ្ងល់ខ្លាំងឡើងៗ បន្ទាប់ពីឃើញទីតាំងល្បែងជល់មាន់អនឡាញខាងលើនេះ បានបើកដំណើរការឡើងវិញយ៉ាងរលូន ក្នុងនោះអស់លោកអាជ្ញាធរនិងសង្កាត់ចោមចៅ៣ បាននាំគ្នារក្សាភាពស្ងៀមស្ងាត់ផ្គើនមិនអនុវត្តន៌នូវគោលនយោបាយភូមិ-សង្កាត់ មានសុវត្ថភាពរបស់ក្រសួងមហាផ្ទៃនិងរាជរដ្ឋាភិបាលកម្ពុជា។

សូមបញ្ជាក់ថា ទីតាំងមាន់ជល់ខាងលើនេះ កន្លងមកសមត្ថកិច្ចចុះ មកបង្ក្រាបរាប់មិនភ្លេចប៉ុន្តែម្ចាស់ទីតាំជល់មាន់អនឡាញនិងក្រុមអ្នកញៀនល្បែងហាក់គ្មានញញើតពីទោសទណ្ឌបន្តិចណាទាល់តែសោះ ឬមួយអស់លោកអាជ្ញាធរនិងសមត្ថកិច្ចសង្កាត់ចោមចៅ៣ ត្រូវថ្នាំសណ្តំអស់ហើយទេ?ដឹងទើបនាំគ្នារក្សាភាពស្ងៀមស្ងាត់បែបនេះ។

ពាក់ព័ន្ធនិងករណីល្បែងស៊ីសង មាន់ជល់តាមអនឡាញខាលើនេះមហាជនបានសំណូមពរដល់លោកម៉ន វុទ្ធី អធិការខណ្ឌពោធ៌សែនជ័យ ពិសេស លោកសក់ កាញ្ញ៉ារិទ្ធ អភិបាលខណ្ឌពោធ៌សែនជ័យ សូមមេត្តាជួយចាត់វិធានផ្លូវច្បាប់ចំពោះបុគ្គលព្រនាម៧២ និងក្រុមអ្នកញៀនល្បែងខាងលើនេះអោយខាងតែបានដើម្បីអនុវត្តន៌នូវគោលនយោបាយ ភូមិ-សង្កាត់ មានសុវត្ថិភាព របស់ក្រសួងមហាផ្ទៃនិងរាជរដ្ឋាភិបាលកម្ពុជា។